Fikrim. uz

2023-01-07 20:05:23 #mulohaza

KO‘NIKSH

Avvalgi postimizda unutish haqida gaplashgan edik. Bugun esa ko‘nikish haqida gaplashgan bo‘lamiz.

Ko‘nikish. Bu xislat ham inson fitratiga xos. Inson ilk bor qachon ko‘nikkan edi?

Onasining qornida, zulmatda yotgan bola ilk bor yorug‘ dunyoga chiqqanida, zulmatdan ziyoga ko‘nikolmay yig‘lagandi. Qattiq yig‘lagandi. Lekin KO‘NIKDI.

U ilk bora maktabga bordi. Dastlab ko‘nikolmadi, lekin keyin KO‘NIKDI.

U o‘qish uchun qattiq tayyorlandi. Ammo talabalik nasib qilmadi. Boshida ko‘nikolmadi. Keyin KO‘NIKDI.

U talaba bo‘ldi. Dargoh u o‘ylagandek emas edi. Bilimini yuqori baholashmadi. Sessiyadan yiqildi. Undan pul so‘rashdi. Bular u uchun adolatsizdek tuyuldi. Bunga ko‘nikolmadi. Lekin keyin KO‘NIKDI.

U bir qizni qattiq "sevardi". Bir kuni o‘zlari birga o‘tiradigan bog‘da, shu o‘rindiqqa uni do‘sti bilan ko‘rdi. Dastlab buni hazm qilolmadi. Qinaldi. Ularni kechirmadi. Lekin u KO‘NIKDI.

U uylandi. Ayoli ko‘ngildagidek emas edi. Boshida yoshayolmayman deb o‘yladi. Ajrashmoqchi bo‘ldi. Lekin yashab ketdi. KO‘NIKDI.

U yaqinlaridan ayrildi. Rosa yig‘ladi, siqildi. Endi yasholmayman dedi. Lekin yashadi. KO‘NIKDI.

Farzandi nomaqul chiqdi. Boshini xam qildi. Lekin bunga ham KO‘NIKDI.

U keng joy, qora kiyim, yorug‘ xonani yoqtirardi. Do‘stlar davrasida bo‘lishni sevardi. Bir kuni u dunyoni tark etdi. Endi uni tor, qorong‘u qabrga qora emas oq matoga o‘rab yer ostiga yolg‘iz qo‘yishdi. Endi u bunga ham KO‘NIKADI.
Chunki KO‘NIKISH uning fitratiga xos edi.

Siz ham ko‘nikasiz, ishonavering.


Farruh Qarshiyev


@qarashlarim_uz Ochish/sharhlash

2023-01-06 19:32:44 #mulohaza

UNUTISH

Unutish- bu Alloh taoloning insoniyatga bergan ne'mati.
Agar shu ne'mat berilmaganda, biz dunyodan butun umr qiynalib o‘tardik. Xo‘sh, inson va insoniyat nimalarni unutdi?!

Inson Al-Miysoq kunida Robbisiga bergan va'dasini unutdi. Uni Rob deb tan olishini
UNUTDI!

Inson asosiy vazifasni Robbisiga qulligini UNUTDI!

Odam bolasi tug‘ildi. Bir tomchi nutfadan ya'ni jirkanch suvdan yaralganini UNUTDI.

Odam bolasi tug‘ildi. Ojiz edi, zaif edi. Ota-onasi uni voyaga yetkazdi. Lekin farzand ularning yaxshiligini UNUTDI.

Ota-onasi farzand ulg‘aygach o‘qisin deb shaharga yubordi. Maqsadi o‘qish edi. Lekin farzand sevgiga, telefonga berilib asosiy fazifasi-o‘qishini UNUTDI.

U tayyorlandi. Qattiq o‘qidi, kechalari uxlamadi, och qoldi va talaba bo‘ldi. Lekin qiynalganlarini UNUTDI.

Talabalik oltin davrim dedi va parkka, bog‘ga, tungi kulubga bordi. Qo‘l ushlashib orzular qildi, lekin o‘qimadi. UNUTDI.

Bir ortiga qarasa o‘qishni tugatib qo‘yibdi. Endi bolalarga bilim berish kerak. Ammo o‘zi o‘qimagan. Shuning uchun darsda o‘zi haqida gapirib berardi. Oilasi, mashinasi, farzanlari-yu, qo‘shnisining qudasini tog‘asi palon joyda ishlashi haqida. U yana UNUTDI.

Bu orada otasidan ayrildi. Bir kun yig‘ladi, ikki kun yig‘ladi. Onasini yonidan jilamadi. Ehson qildi. Lekin buni ham UNUTDI.

Kimlarni yo‘qotdi, kimlarni topdi. Lekin yana UNUTDI.

Uning eng unutgan narsasi maqsadi edi. Lekin u UNUTGANDI.

Ba'zida ma'ruzalar eshitar, ko‘zi yoshlanar, tavba qilar, ammo yana UNUTDI.

Ketar chog‘ida, hammasini esladi. Ammo kech edi. UNUTGANDI.


Ha, unutish ham bir ne'mat. Agar biz unutolmaganimizda hayotimiz qiyinlashardi. Kimdirning aytgan achchiq gapini bi umr yodimizda olib yurib, qinlardik.
Kimdir sizni unutib yuborsa xafa bo‘lmang. Bu uning fitrartida bor! Axir, Robbisini unutgan inson sizni eslarmidi.
Siz ham unutilasiz, men ham unutilaman. Shuning uchun insonlar tanisin deb emas Robbimni taniy deb yashang. Robbimiz bizni UNUTIB qo‘ymasin.

Men bilgan ko‘p insonlar unutdi. Men ham ularni unutdim.


@qarashlarim_uz Ochish/sharhlash

2023-01-06 12:59:24 Sizga nima beroldim, bilmayman-u, lekin siz menga berganingiz yosh holimga "davlena" bo‘ldi. Buning uchun "rahmat".

Kasbimni o‘zgartirsammikin? Ochish/sharhlash

2023-01-06 05:55:09 #tabrik_hazil_chin

                      14-yanvar
      14-yanvar....
Ko‘ngilginam g‘ashlaydi.
Qaysidir qizning tog‘asi,
Vazirlikda ishlaydi.

Har yili berar ta'til,
Bayramga qilar ta'sir,
Quruq tabrik na tatir,
Vazirlikda ishlaydi.

Har qishda bo‘lar takror,
Na tabrik, na sovg‘a bor,
Ko‘ngilda to‘ldi g‘ubor,
Vazirlikda ishlaydi.

Eh siz makkora qizlar,
Bahonalar ko‘p izlar,
Mo‘ltirar qaro ko‘zlar,
Vazirlikda ishlaydi.

Ko‘ngillarga to‘ldi g‘am,
Juda qilarkan alam,
"Sovg‘ang qani"-der onam,
Derman: "Vazirlikda ishlaydi"


Bir xil tabriklar kelar,
Tabriklar bag‘rim tilar,
Qizlar bayramida ko‘rar,
Vazirlikda ishlaydi.

Ey Misha, yoshingni art,
Bir kun sovg‘angni berar,
Yaqin, sakkizinchi mart,
Har kim ekanini o‘rar!


Farruh Qarshiyev. Ochish/sharhlash

2023-01-05 09:59:46 Baribir Allohning aytgani bo‘ladi. Ochish/sharhlash

2023-01-05 07:24:27 #ibrat

Bu qishog‘imizdagi eski tegirmon. Dastlab, bobom rahmatliniki bo‘lgan. Bir yili qishog‘imizda qattiq ocharchilik bo‘lgan. Qishlog‘da un qolmagan. Keyin qo‘shni qishloqdagilar kelib bug‘doydan un qilishgan va tegirmon haqqiga un tashlab ketishgan. Momom esa shu qolgan undan har kuni non qilib xalqqa tarqatgan va ocharchilikdan chiqishgan. Keyin ba'zilar janjal qilib tegirmonni olib qo‘yishgan rahmatli bobomdan. Tegirmondan baraka ketgan. Tegirmon yaqin-yaqingacha ishlardi. Bobom olamdan o‘tgandan keyin tegirmonni suv urib ketdi va mana shu ahvolga kelib qoldi. Hech kim qaramay qo‘ydi. Bundan ikkita xulosa olish mumkin!

Birinchisi, birovni norozi qilib olingan narsadan baraka topib bo‘lmasligi.

Ikkinchisi, har kimning rizqi, barakasi o‘zi bilan ekanligi.

@qarashlarim_uz Ochish/sharhlash

2023-01-03 20:26:34 #o‘zimiz_o‘zim

Har bir insonning o‘z maqsadi bo‘ladi, menimcha. Hammamiz dunyoni o‘zgartirishni xohlaymiz? Buning uchun esa avvalo o‘zgarishni o‘zimizdan boshlashimiz kerak. Masalan, Muhammadali Eshonqulovni oladigan bo‘lsak, birgina boshiga do‘ppi kiyib yurish orqali, qanchadan-qancha yoshlarni o‘z ortidan boshlamoqda.

Hozir boshqa narsa haqida so‘z yuritmoqchiman. E'tibor berganmisiz yoki yo‘qmi bilmadim bir narsaga ko‘p guvoh bo‘laman. Agar o‘zimizda qandaydir bir kichik o‘zgarish qilsak buni darrov birinchi bo‘lib o‘zimiz sezamiz va qalbimizda boshqalarga nisbatan ozroq bo‘lsa ham kibr paydo bo‘ladi.

Agar tolibi ilm bo‘lsak, bir kuni har doimgidan ko‘proq dars qilib qo‘ysak, boshqalarni kam dars qilishda malolmat qilamizmiz.Hech bo‘lmasa ko‘nglimizdan o‘tkazamiz.
Qarabsizki, ertasi kuni yana shu ahvolimiz!


Agar Alloh tavfiq berib ibodatni boshlab qolsak, ibodatsizlarni malomat qilib, o‘zimizni solih sanaymiz.Agar tahajjudga turib qo‘ysak bormi, jannatni naqd qilib qo‘yamiz!

Agar bir yomon odatni tashlagan bo‘lsag-u shu ishni boshqa birov qilayotgan bo‘lsa, o‘sha insonni muhokama qilib o‘tiramiz.

Gapirsak gap ko‘p! Kimnidir qaysidir aybi uchun malomat qilishdan bizni ikki narsa to‘sib turishi lozim.

Birinchidan, o‘sha ishni oldin o‘zimiz ham qilgan bo‘lishimiz mumkin.
Ikkinchidan, oldin qilmagan bo‘lsak, hali yashyapmiz.Shu aybni qilib qo‘yishimiz mumkin!

@qarashlarim_uz Ochish/sharhlash

2023-01-01 12:55:09 O‘sha kitob. Ochish/sharhlash

2023-01-01 12:52:28 MEN

Ichimizda bir ovoz bor. Har doim nimadir yaxshilik qilmoqchi bo‘lganimizda bizni "Qo‘y, shu ishni. Nima qilasan dars qilib. Uxla ertayam bor"- deydi. Yoki kim bilandir janjallashayotganimizda " Qaytma, u oddiy  bir talaba bo‘lsa,  sen kim u kim. Shundan gap eshitib o‘tirasanmi? Hali seni darajangga yetishishiga ancha bor u tirranchani"-deydi. Yoxud, ustoz bilan tortishayotganimizda "To‘g‘ri qilyapsan, o‘qitsa oyligini olyapti. Kontrakt to‘lab qo‘yibsan. Seni hech narsa qilolmaydi.  Qo‘lidan hech narsa kelmaydi. Bo‘sh kelma. Eshikni tepib chiqib ket. Keyin seni hurmat qiladi"- deydi. Yoxud endi ibodatni boshlagningda   "Hali yoshsanku, qariganingda o‘qiysan"- deydi.  Yolg‘iz qolganingda" gunohni qilaver hech kim ko‘rmayapti" deydi.  Begona qiz bilan gaplashyotganingda "Gapalashaver, axir sen uni Alloh uchun sevasanku" deydi. Yoxud "Shuncha ilming bo‘la turib senga shuni ravo ko‘rishdimi? " deydi. Odamlarni oldiga borsang o‘zingni qilgan yaxshiliklaringni eslatadi. Yana ko‘o‘o‘p narsalarni qildiradi senga. Buning nomi biz psixologiyada to‘rt yildan buyon o‘rganayotgan MENlik aslida esa NAFS ekan. Men buni kechagina "Men! Bas qil ey, nafs" kitobidan o‘rgandim. Va shu paytgacha o‘rganganlarim ostin-ustun bo‘lib ketdi. Kitobni shunchaki, tavsiya qilaman. Agar o‘zingizni angalmoqchi bo‘lsangiz kitobni o‘qing! Aks holda kimligimzni bilmay o‘tib ketamiz. Kitobni tugatganimizdan so‘ng, o‘zimizni taniymiz. Men bunga ishonaman.

@qarashlarim_uz Ochish/sharhlash

2022-12-31 15:15:43 لَكُمۡ دِينُكُمۡ وَلِيَ دِينِ
Сизга ўз динингиз, Менга ўз диним.

Кафирун Сураси 6-оят
@Myy_ayat Ochish/sharhlash