الإسلام في قلوبنا

2020-08-05 20:39:45 Яхшилик (бўлган воқеа).

Умарнинг эътиборини йўлнинг қарши тарафида турган чиқинди қутиси ўзига тортди. Аслида у қутига эмас балки қутини тимирскилаб, ярим қолган ва ташланган каромни олиб бир қанча пўслоғини олиб ташлаб тоза ери чиққанига ишонч хосил қилиб, ўз целофанига солаётган аёлга қарарди. Бу шундай холат эдики умматнинг тортишуви, исломга қарши уруш ва хозирги вақтдаги қийин ва қувончли(атрофда одамлар эътибор бермай қувноқ юришарди) холатларни ўзида мужассам этганди.

Умар иккиланмай йўлнинг қарши тарафига тез одимлар билан ўтди ва ўзи учун олган ширинлигу ичимлигини у аёлнинг кичик ёшлардаги ўғлига тутқазди. Сўнгра чўнтагидан кармонини чиқариб оз бўлсада 5-10 танга пулини охирги чақасигача аёлнинг олдига қўйди ва тезлик билан узоқлашди(Аллоҳдан ўзгаси билишини истамади). Аёлнинг эса "Аллоҳ ярдо аълайк(Аллоҳ сендан рози бўлсин)" деган сўзларини эшитди.

Бу бўлган воқеа. Ўз кўзларим билан гувох бўлганман. Мен кўрганимни у кўрмади ҳам. Менимча зотан шу қадар яхшилигини яширишга ҳаракати ва тезроқ кетишга урунишидан сезиларди.

Ҳикоя шу ерда тугади. Энди эса хулоса ва тарбия қисмига ўтамиз.

Энди бир неча кун аввал бир савол берган эдим: "Биз уммат учун нима қилдик?(Нима қилмоқдамиз?, Нима қила оламиз?)" маъносида.

Энди айтингчи биз нима қиляпмиз уммат учун?!

Бу холатдан дархақиқат мен ҳам умматнинг нечоғлиқ эътиборсиз эканлиги эътиборимни тортди.
Бир неча кун аввал сўфий ва салафийларнинг тортишувини ўқигандим. Энди айтингчи шу қорни оч болакай ва унга нон топиш учун чиқинди титаётган онага бу тортишувдан нима наф?!

Хеч шу саволни берганмисиз?!

Бизни вазифамиз фақатгина намоз ўқиш ва рўза тутишдан иборат эмас. Агар Ислом учун, Уммат учун, Етимлар учун, Бевалар учун, мискинлар учун қайғурмасак бизни мўъминлигимиз комил бўладими?!

Аллоҳдан қўрқинг.

Айтгандай яхшилик масаласига келсак. Яхшилик яъни Эҳсон(Иҳсаан) бу фақат масжид қутисига пул ташлашдан иборат эмас.

Сиз ўз ишингизда ишлаб туриб ҳам эҳсон қилишингиз мумкин. Мисол келтирайки шояд сиз учун ечим бўлса:
1) Айтайлик сиз дўконда ишлайсиз(ёки ўзингизнинг дўконингиз). Ҳафтада бир бор (бор йўғи бир бор) Аллоҳ учун қарз дафтаридан 5-10 та ночорни танлаб қарзини ўчириб ташланг. Биламан оғир аҳволдасиз аммо улар балки сизданда оғир аҳволда.
2) Бозорда ишлайсиз. Кунига қанчадан қанча инсонлар келади растангизга. Шулар орасидан мискин деб билганингизга кўп эмас озгина қўшимча маҳсулотни ҳадия қилинг. Ишонинг албатта Аллоҳ сизга буни зиёдаси билан қайтаради(Ин шаа Аллоҳ).
3) Айтайлик репетиторсиз. Бир мискин ёки камбағал ўқувчига дар ўтинг. Мақсад қилинг ҳар 5 ё 10 та пулли ўқувчидан сўнг 1 дона камбағал, мискиннинг боласига бепул устозлик қилинг.
4) Ошпазсиз. Имкони бўлса ортиб қолган овқатларни уйингизга эмас мискинларга тарқатинг.
5) Шифокорсиз. Сиз учун хозир энг катта масъулият юклатиляпти биламиз. Сиздан фақатгина Аллоҳ розилиги учун сидқи дилдан ишлашингиз сўралади(Иложи бўлса беморлардан пул олмасдан).
6) Таксистсиз. Ҳафтада бир кун бепулга ёки ҳар куни 5-10 та йўловчи ташигач кейингисини манзилига бепул етказинг.

Ҳаа айтгандай нима учун қиляпсиз деб сўрашса "Аллоҳ розилиги учун" денг кифоя.

Эътибор беринг булар у қадар катта нарсалар эмас. Аммо томчи томчи дарё бўлур. Ҳар биримиз ўз соҳамиздан келиб чиқиб яхшилик қилсак Ин шаа Аллоҳ ишларимизга барака ва орамизда муҳаббат шаклланади. Ҳамда энг асосийси Ин шаа Аллоҳ Аллоҳ розилигига эришамиз.

Ассаламу алайкум ва роҳматуллоҳи ва барокатуҳ.

Ochish/sharhlash

2020-07-16 21:58:37 Ҳақиқий эркак ёлғиз қолганда нафси ёмон кўрадиган, Роббини ҳушнуд қиладиган ишларни қилувчи инсондир! Ochish/sharhlash

2020-07-07 07:57:25 Росулуллоҳ соллаллоҳу алайҳи ва саллам мусулмонларнинг сафларини текислашга киришдилар. Сафларни текисларканлар, ажиб бир воқеа юз берди. Қўлларида камон ўқи бўлиб, шу билан сафни текислаётган эдилар. Савод ибн Ғазийянинг гавдаси сафдан чиқиб турган экан, унинг қорнига камон ўқи билан туртиб: «Текислан, эй Савод», дедилар. Шунда Савод: «Ё Росулуллоҳ, мени оғритдингиз, қасос истайман», деди. У зот қоринларини очиб: «Майли, қасосингни ол», дегандилар, Савод у зотни қучоқлаб, қоринларини ўпди. «Нега бундай қилдинг, эй Савод?», дедилар. Савод деди: «Ё Росулуллоҳ, кўриб турганингиздек, жанг олдида турибмиз. Шу боис сиз билан бўлган охирги ҳолатим баданингизга баданим тегиши бўлишини истадим», деди. Росулуллоҳ соллаллоҳу алайҳи ва саллам унга яхшилик тилаб дуо қилдилар.

Ар-роҳийқ ал-маҳтум. "Бадр жанги" бобидан. СафиюрРоҳман Муборакфурий. Ochish/sharhlash

2020-05-31 15:43:11 Биродарим бу ерда саноқли нафас, оний ҳаёт ва оқиб кетувчи кунлар бор...

Саъид ибн Ҳарб Ochish/sharhlash

2020-05-24 09:34:52 Ассаламу алайкум ва роҳматуллоҳи ва барокатуҳ. Азиз қадрдон дўстим! Сизни Ийд Фитр Ҳайити билан чин қалбимдан табриклайман. Аллоҳ тақво билан тутган рўзаларингиз ва ибодатларингизни ўз даргоҳида қабул айлаб мислсиз ажрлар билан мукофотласин! Аллоҳ сизни ҳам бизни ҳам тақводор, солиҳ бандаларидан қилсин. Динига холис хизматкорлардан қилсин. Аллоҳ ҳайрли ниятларингизга етказсиз. Ҳайирли ишларингизда барака ато этсин. Аллоҳ икки дунёда ҳам мукаррам этсин. Яна бир бор Айём муборак бўлсин! Сизни ўзига ДЎСТ деб билувчи Абд ур Роҳман) Ochish/sharhlash

2020-05-24 09:34:27 Отажоним сизни Ийд Фитр Ҳайити билан чин қалбимдан табриклайман. Биламан мен учун жуда кўп меҳнатингиз сингган. Албатта ҳаётимнинг ҳар дақиқаси учун сиздан қарздорман ва миннатдорман! Сиз бера олишингиз мумкин бўлган ҳамма нарсангизни бердингиз. Албатта Аллоҳ сизни энг мақбул кўринишда мукофотлайди Ин шаа Аллоҳ. Аллоҳ сиздан рози бўлсин ва раҳматига олсин. Аллоҳ тақво билан тутган рўзаларингизни ва ибодатларингизни мислсиз ажрлар билан ажрлантирсин ҳамда энг юксак мартабаларга кўтарсин. Яна бир бора айём муборак бўлсин.
Аллоҳнинг раҳматини сизлар учун сўраб қолувчи ўғлингиз... Ochish/sharhlash

2020-05-24 09:33:56 Онажоним сизни Ийд Фитр Ҳайити билан табриклайман. Баҳтимизга соғ омон бўлинг. Аллоҳ сиздан ҳам отамдан ҳам рози бўлсин ва ўз раҳматига чўмдирсин. Аллоҳ тақво билан тутган рўзаларингиз ва ибодатларингизни мислсиз ажрлар билан мукофотласин. Аллоҳнинг раҳматини сизлар учун сўраб қолувчи ўғлингиз... Ochish/sharhlash

2020-05-24 09:33:24 Бугун ҳамма табрик билан машғул. Аммо гўзал бир табрик кўпчилигимиз ёзмаймиз. Фақат каналларда чиққан расмларни жўнатамиз. Аслида эса энг яхши ҳадия ўз қўлларимиз билан тайёрлангани каби энг яхши табрик ҳам қалбимиздан шу инсонга нисбатан ўз ҳиссиётларимизни кўрсатиш билан бўлади. Шу сабаб сизларга ўзимиз тайёлаган ва қалбларимиздан қалблар учун тайёрланган табриклар жамланмасини кутиб олинг. Ochish/sharhlash

2020-05-24 09:30:40 Ассаламу алайкум ва роҳматуллоҳи ва барокатуҳ. Ийд ал Фитр Ҳайити муборак бўлсин. Аллоҳ тақво билан тутган рўзаларингизни ва ибодатларингизни мислсиз ажрлар билан мукофотласин. Аллоҳ ўзи рози бўлувчи бандаларидан қилиб икки дунёда ҳам мукаррам қилсин. Ochish/sharhlash

2020-05-07 18:53:13 Айтгандай бу Индонейзча Ochish/sharhlash