КУЗ
Бугун табиат ҳам мендайин ҳорғин,
Қуёш ҳам нур сочар, хира, журъатсиз.
Кузимнинг жонига қасд қилмоқ учун,
Қиш келар қиличин қайраб шавқатсиз.
Қаранг булутлар ҳам сузар ғалати,
Ёш тўла қароқдай оғир ва вазмин.
Гўёки дардларин кўтаролмасдан,
Само ҳам заъфарон, менингдек ғамгин.
Сап - сариқ япроғинг каби юрагим,
Кузим сени шунга севарман балким.
Фасллар ичинда энг чиройлигим ,
Зарғалдоқ рангингга асирдир қалбим.
Санобар Тилакова
31. 10. 2022
@Qalbim_sadosisaan
