Joʻnatilmagan nomalarim📝

2020-11-18 17:13:09 Ўткирнинг тонг азонда томоғи қуриди. У оғриётган бошини ушлаганча гапирди .
– Хотин сув бер! Томоғим қуриб қолди .
Саккизинчи синфга ўқийдиган қизи косада муздек сув олиб келиб дадасига тутди. Ўткир кўзини ғира шира очиб қизига қаради. Қизининг кўзлари йиғидан шишиб кетганди. Кечаси ичиб келиб қилган тўполони кўз ўнгидан ўтиб қизидан кечирим сўрамоқчи бўлиб оғиз жуфтлаганди, қизи гапирмай ортига қайтиб бурчакда ўтирган онасининг ёнига бориб ўтирди . Онасининг ёрилган бошига дори сурта бошлади. Ўткир минг хижолат билан хотини томонга қаради. Бечора аёлнинг аҳволи абгор эди . Боши ёрилган, кўзлар эса кўкариб ётарди .
– Х...хотин кеча ..... – Ўткир бошқа гапиролмади . Хотинини шу аҳволга солган ўзидан нафратланиб ўзини сўкарди .
– Уйлари куйсин ўша ароқ зотини! Сотадиганларни ҳам уйлари куйсин илоё! – дея йиғлай бошлади аёл . – Ҳар ичганингизда ўғил туғмаганимни юзимга соласиз. Аллоҳим ўғил бермаса менда нима гуноҳ?! Қизларингиз қайси ўғилдан кам? Бирор иш қилмоқчи бўлсангиз доим ёнингизда бўлса! Икки қизимиз турмушга чиқди. Қайнота бўлдингиз. Яқинда бобо бўласиз! Нима кераги бор ичкиликни? Ўша ит жўраларингизга қўшилсангиз ичиб келиб тўполон қиласиз . Уялсангиз бўларди озроқ .

Ўткир гапиролмади. Ўрнидан туриб юз қўлини ювдида оғилхона томон кетди. Эчки қўйларини подага қўшиш учун эшикдан чиқара бошлади .

– Дадажон! Илтимос бугун ичиб келманг хоп? Тезда қайтинг унгача иссиққина мастава осиб қўяман. – деди йиғидан кўзлари қизарган қизи баъзўр жилмайганча .

– Хоп онажоним хоп! Ичмайман! Сўз бераман! – деди Ўткир қизини пешонасидан ўпиб .

Эчки қўйларни сурувга қўшиб қайтиб келган дадасини кўрган қизнинг шодлиги чексиз эди. Дастурхон ёзиб дадасига иссиққина мастава олиб келди. Ўткир овқатни еб қизига раҳмат ҳам айтди . Кўзлари кўкарган бўлса ҳам аёли ҳам хурсанд эди . Аммо...

– Она қизим дўконга бориб нос олиб келай, носим қолмабди. – деди Ўткир чўнтагидаги нос халтасини қирганча .

– Мени ўзим бориб келаман дадажон! – деди қизи бирор нарсани сезаётгандай хавотирланиб.
– Мактабга бор қизим! Ўзим бориб келаман.
– Ичмайсиз а, дадажон ?
– Ичмайман қизим! Тез бориб тез келаман! Хавотир олмай мактабингга боравер.

Қизи дадасини юзидан бир ўпдида мактабга шошди . Ўткир эса дўконга .

Ўткир дўкондан нос олиб чиқди . Жўралари дўконга ароқ учун келишаётганди .
– Кетдик жўра қиттак қиттак қиламиз – деди бир жўраси .
– Ичмайман ! Кеча ичиб тўполон қилибман – Ўткир шу гап билан улардан қутилмоқчи бўлди .
– Ўғил туғмаган хотинни уриш керак! Сен бечора бирор даврага ўғлим бор деб кўкрак керолмасанг, суннат туйларни нон ошини еб халққа қарзингни қайтаролмасанг! Биз ҳам хохлаймиз Ўткир жўрамни хотини ўғил туғибди деб қўчқор етаклаб боришни , аммо пешонанг шўрми, хотининг шўрми хуллас йуқ!
Ўткир гапирмади. Индамай ўтиб кета бошлаганди яна бир жўраси ортидан гапира бошлади .
– Бор ўша ажинангни ёнига балки яхшилаб ҳаракат қилсаларинг натижа кўриниб қолар. Қандай ўғил туғдиришни ё бориб ўргатайми? Ха, ха ха .

Ўткир ортига қайтиб кулган жўрасини дўппослай кетди. Жўралар бир амаллаб уларни ажратишди. Аламдан ёнаётган Ўткир дўконга қайтиб икки шиша ароқни олиб уйига борди. Ичди. Яна олиб келиб ичди. Хотини қўрқиб қўшни уйига чиқиб кетди. Ўткир хотинини излаб қўшнилар уйига ҳам жанжал кўтарди. Иложсиз хотин яна уйига кирди . Яна тепкиларни сўкишларни қарши олди .
Сен ҳаромига уйланмаганимда ўғилли бўлардим! Кет уйимдан онангни сени........– деб сўкиниб тепа бошлади хотинини. Мактабдан келган қизи дадасига ялинмоқчи бўлганди у ҳам сўкишлар гирдобига қолди .
– Гала қанжиқлар! Нима қиламан мен сенларни? Бировга тегиб кетасанлар ! Мени яна эслайсанларми йуқми Худо билади. Ҳаммангни ўлигингни битта ўғилга алишардим!
– Унақа деманг дадажон ! – деди қиз йиғлаб .
– Дейман! Тўғри гап! Бешаланг бир ўғилни ўрнини босолмайсан! Бундан кўра ўлганларинг яхши! Тушиндингми ўлганларинг яхши! – деди Ўткир бақириб .

Уша оқшом ярим тунгача тўполон қилган Ўткир чарчаб ухлаб қолди .
Эрталаб бош оғриғидан эмас аёлининг аламли чинқириғидан уйғониб кетди .
Қизи ўзини осиб қўйганди ... Ochish/sharhlash

2020-10-06 19:52:36 O'zbek oshxonasidagi har qanday taomning formulasi:

[Piyozni qovur (Kartoshka+sabzi+tomat)+X] + Suv= X ovqati.

@niyatgabogliq Ochish/sharhlash

2020-09-11 16:14:04 Daqiqalar, soniyalar qadri qanchalar bilinadi- yôqligingda ! Ochish/sharhlash

2020-09-03 07:08:48 Juda qaltis boshlandi o‘yin,
O‘rtaga sha’n, g‘urur tikildi.
Sipqorgancha bahorning kuyin,
Shart o‘qildi, ko‘ngil o‘qildi.

Yutib oldim barini bir-bir —
Egdim nogoh mag‘rur boshingni,
Tortib oldim yuragingdan sir,
Yutdim hatto o‘t qaroshingni.

Titrog‘ingni, zoringni yutdim,
Nafratingni, intiqomingni,
Yo‘g‘ingniyu boringni yutdim,
Yutdim eng qimmatli — oningni.

Sipqorgancha bahorning kuyin,
Mastu alast yutdim va kuydim:
Juda qimmat tushdi bu o‘yin,
Men yurakni boy berib qo‘ydim.

Oydinniso Ochish/sharhlash

2020-06-28 14:34:50 Didimiz ham rasvo. Biz kelishgan, chiroyli odamlarga hasad qilamiz, xushfe'l, sodda, kamtarlarga emas Ochish/sharhlash

2020-06-26 21:07:21 ***
Шунча узоқмиди меҳрингиз шаҳри,
Олис-олислардан босиб келдим йўл?
Шу зиёрат ҳаққи, шу сафар ҳаққи,
Кўнглимнинг қулфига уриб кўринг қўл.

Субҳидам юзида табассум балқиб,
Кўзларни яшнатган бир неъмат эдим.
Неларни ўйлайсиз офтобга боқиб,
Мен ҳам бир шуъладай ғанимат эдим.

Юлдузлар меҳримдан бўлди бир шингил,
Ниятни асрадим яхши ниятга.
Билмам, бу оламда бир соҳиби дил
Мен каби зормикан самимиятга?

Кўнглингизни очинг, кўнглим тўла нур,
Айланай энг ёруғ тилагингизга.
Дунё сўрамайман, сўрамам ҳузур,
Бир оғиз гапим бор юрагингизга.

Беҳзод Фазлиддин Ochish/sharhlash

2020-06-24 07:38:32 Ochish/sharhlash

2020-06-21 11:39:04 Men:
- Qaranglar-qaranglar, quyosh tutilyapdi!
Uydagilar:
- Ana, salqin tushdi. Tezroq kartoshkani kovla. Ko'rdingmi, tabiatni o'zi seni terlab ketmasin deyapdi.
- Ahir...
- Gapni ko'paytirma! Kechqurun "Axborot"da ko'rsatadi. Shunda ko'rib olaverasan
Ochish/sharhlash

2020-06-15 16:57:23 Sohilda qolib ketgim keldi negadir...
Tasavvurim sohillarida albatta.
Oqshom cho'kib turganda sodir bo'lishin istadim hozir yozilajaklarin:
Endigina kech tushgan dengiz sohilida gulxan yoqilishga shay...
Dasturxon yozilgan, ustida shirin-shirin biz yoqtirgan nimalardir...
Sozgina o'rin solingan gulxan bo'yiga...
Sen-u men oppoq kiyimda...
Yonimizda eski xotira daftarlari, qay birini ochib o'qimaylik, endi faqat tabassum qiladigan on kelgan...
Gulxan yoqildi... ovozidan menga shirin kelajakni o'qib bermoqdasan yana...
Esimizda bo'lgan eski qo'shiq endi birgalikda kuylandi, oh...
Sen-u mensizlikda tomosha qilingan yulduzlar ham bugun boshqacha kulmoqda qara... bilsang anov yorug' yulduz seni so'zlardi menga...
Mening ko'zlarim bilan qarachi rostdan ko'rasanmi sen ham o'zingni...
Ul yulduz o'z nurlarida ko'p-ko'p xotiralarimni saqlab turadi doim... men qarib qolganimda ham xuddi shu yulduzga hikoyamizni so'zlab beraman, endi bu yulduz biz bilan birga ulg'ayadi, meningim...
Negaligin bilmayman, ammo ilk bor sen bilan rasqga tushgim keldi... sokin bir eski plastinkada ajoyib kuy...
Tun. Sen. Men...
Biz istagan barchasi so'zlansa shu tun...
Barchasi issiqqina taft bilan his etilsa...
Tongga yaqin uxlab qolsak... olov yongan joyda endi faqat kul qolgan xolos...
Qalbda neki bor bari aytib bo'lingan...
Ichilgan qadah behosdan sinsa, chil-chil tushsa oyoq ostiga...
Xotira daftarlarim uchsa qanotlari yarador bo'lib, faqat qolsa boshi, oxiri...
Chunki boshi va yakunida men istaganlarimni yozgan bo'laman: Men uni topdim!
Shunday bo'lsa...
Tong otsa. Ko'zlaringni, men sevgan ko'zlaringni ochsang uyqudan. Yoningda men bo'lmasam. Tamom.
Hozirgidek xotirjam ketarmiding o'z yo'lingda...

Bu Men O'sha! Ochish/sharhlash

2020-06-14 16:02:31 -U senga hech gul berganmi?!
-U senga nimalar sovg'a qilgan?!
-U seni qayerlarga olib borgan?!

Dugonangdan shu kabi savollarni eshitganingda beihtiyor "U"ni oqlashga tushasan:
-Mening gulga allergiyam bor.
-Uyga olib kirishga tortinganman.
-Uning vaqti kam bo'lardi. Mening vaqtim bo'lmasdi.
Va yoki ja bo'lsa,
-U unchalik ramantik emas.

Shunga o'xshash "bahonalar" bilan aslida senga savol bergan odamni emas, o'zingni ishontirishga, aslida esa o'zingni aldashga urinasan, nega?!

-Chunki, maqtanishni istaysan, ich-ichingdan mehrga qanchalar muhtoj ekaningni ko'rsatmaslikka, hammasi yaxshidek ko'rsatishga harakat qilasan.

Ammo, ammo u istasa vaqt topa olishi mumkinligini, u istasa sen uchun bir dona gulni ko'tarib kela olishini bilasan, bilasan-u, lekin o'zing istasangda, ko'nglingni cho'ktirmaslik uchun uning ramantikmasligiga yo'yasan...!)

Bilasizmi, aslida ayol kishining eng katta xatosi "U baribir o'zgarmaydi" deyishi-da bo'lsa, erkak kishining eng katta xatosi "U baribir ketmaydi!" - deyishida bo'larkan...!

Endi menga aldamasdan to'g'risini aytingchi, hech U sizga sababsiz gul berganmi?!

Javobni menga emas ozingizga Bering...

# Ochish/sharhlash