БОРМАН Гарчи куй авжида узилган торман, Лекин мен борман! Га | With Gulruhsor | Blog

БОРМАН

Гарчи куй авжида узилган торман,
Лекин мен борман!

Гарчи беҳад абгор ва беҳад хорман,
Аммо мен борман!

Гарчи эриб битган ҳовурсиз қорман,
Бироқ мен борман!

Шармисорлар аро хўп шармисорман,
Нетайки борман!

Оёқлар остида топталган орман,
Билингки, борман!

Гарчи душманга хор ва дўстга зорман,
Чунки мен борман!

Тўғри, ўз-ўзимга қурилган дорман,
Дўстлар, мен борман!

Энг баланд чўққидан қулаган сорман,
Барибир борман!

Мен сўз гулзорида ўлмас дийдорман,
Сафларда борман!

Худойим менга ёр,
мен Унга ёрман,
Тоабад борман!!!



Guljamol Asqarova