🌸Қалб армоним🌸

2021-02-14 08:16:33 ☆ ☆ ☆

Ким кўрубдур, эй кўнгул, аҳли жаҳондин яхшилиғ?
Кимки, ондин яхши йўқ, кўз тутма ондин яхшилиғ!

Гар замонни нафй қилсам, айб қилма, эй рафиқ,
Кўрмадим ҳаргиз, нетойин, бу замондин яхшилиғ!

Дилраболардин ёмонлиқ келди маҳзун кўнглума
Келмади жонимға ҳеч ороми жондин яхшилиғ.

Эй кўнгул, чун яхшидин кўрдунг ямонлиқ асру кўп,
Эмди кўз тутмоқ не, яъни ҳар ямондин яхшилиғ?

Бори элга яхшлиғ қилғилки, мундин яхши йўқ –
Ким, дегайлар даҳр аро қолди фалондин яхшилиғ!

Яхшилиғ аҳли жаҳондин истама Бобур киби,
Ким кўрубдур, эй кўнгул, аҳли жаҳондин яхшилиғ?!

З.М.Бобур

Мунира Султон Ochish/sharhlash

2021-02-14 06:27:18 * Изҳор

Сочию қошию кўзидин бошта ҳаводур,
Не бошда ҳаво – ҳар бириси бошқа балодур.

Қоши ёси била ул қора кўз ғамза ўқини
Ушшоқдин ўзга сориға отса хатодур.

Гар чин десангиз, кўзи онинг оҳуи Чиндур,
Хаттини, хато қилмасангиз, мушки Хитодур.

Эврулсам онинг бошиға, топшурсам онга жон,
Жонимда ҳавас улдуру бошда бу ҳаводур.

Ишқ ичра ёшурғон юраким қонини, ваҳким,
Бу сели сиришким бори оламға ёёдур.

Бобур деса ойини, не тонг, жавру жафолиқ –
Ким, ҳусн эли ойини, бале, жавру жафодур.

З. М. БОБУР Ochish/sharhlash

2021-02-14 06:27:18 Қаро зулфинг фироқинда


Қаро зулфинг фироқинда паришон рӯзғорим бор,
Юзунгни иштиёқида не сабру не қарорим бор.

Лабинг бағримни қон қилди, кӯзимдин қон равон қилди,
Нечун ҳолим ёмон қилди, мен андин бир сӯрорим бор.

Жаҳондин менга ғам бӯлса, улусдин гар алам бӯлса,
Не ғам юз мунча ҳам бӯлса, сенингдек ғамғусорим бор.

Агар муслиҳмен ар мусфид, ва гар ошиқмен ар обид,
Не ишинг бор сенинг зоҳид, менингким ихтиёрим бор.

Фиғоним ошди булбулдин, ғами ё’қ зарра бу қулдин,
Басе Бобур, ӯшал гулдин кӯнгулда ҳорҳорим бор...

Заҳириддин Муҳаммад Бобур Ochish/sharhlash

2021-02-14 06:27:04 The Economist нашрининг февраль ойидаги сонидан Заҳириддин Муҳаммад Бобур тасвирланган миниатюра ҳам жой олди.

Унда шундай дейилади: "16 асрда Қобул шаҳрида Бобур 10 та боғ яратганидан сўнг, уни "Боғлар Подшоси" деб атай бошлашган" Ochish/sharhlash

2021-02-14 06:27:04 Ҳумоюннома
«Ҳумоюннома» асари Заҳириддин Муҳаммад Бобур нинг қизи Гулбаданбегим томонидан ёзилган. Гулбаданбегим бу китобни ўзининг шахсий кузатувлари асосида ёзиб қолдирган. Қўлингиздаги ушбу нашр форс тилидан таржима қилинган бўлиб, баъзи изоҳлар қўшилган ҳолда тақдим этилмоқда. Ochish/sharhlash

2021-02-14 06:26:49 Бобур ғазали....ажойиб қўшиқ.... Ochish/sharhlash

2021-02-14 06:26:35 Узоқ йиллар давомида Ғарб ва Шарқнинг машҳур шарқшунос олимлари «Бобурнома» мазмунини жаҳон жамоатчилигига етказиш борасида катта фаолият кўрсатдилар. Масалан, голландиялик олим Витсен, англиялик олимлар Ж. Лейден, В. Эрскин, Р. Колдекот, А. Бевереж, Т. Албот, германиялик Ю. Клайнрат ва А. Кейзер, франциялик Паве де Куртейл, ҳиндистонлик Мирзо Насриддин Ҳайдар Ризви, туркиялик Р. Р. Арт ва Н. И. Баюр ва бизнинг давримиздаги франциялик олим Бакке Громон, афғонистонлик олим Абулҳай Ҳабибий, покистонлик олимлар Рашид Ахтар, Надви ва Шоҳ Олам Мавлиёт шулар жумласидандир. «Бобурнома»ни ўрганиш соҳасида жаҳоннинг машҳур шарқшунослари қаторидан япониялик олимлар ҳам жой олмоқдалар. Ochish/sharhlash

2021-02-14 06:26:35 Zahiriddin Muhammad Bobur 
(1483-1530)

 

«Bobur fe’li-sajiyasiga ko‘ra Sezarga qaraganda sevishga arzigulikdir». 
Eduard Xolden 

Bobur (taxallusi; to‘liq ismi Zahiriddin Muhammad ibn Umarshayx Mirzo) (1483.14.2, Andijon 1530.26.12, Agra) — o‘zbek mumtoz adabiyotining yirik vakili: buyuk shoir; tarixchi, geograf; davlat arbobi, iste’dodli sarkarda; boburiylar sulolasi asoschisi, temuriy shahzoda.

Boburning otasi — Umarshayx Mirzo Farg‘ona viloyati hokimi, onasi — Qutlug‘ Nigorxonim Mo‘g‘uliston xoni va Toshkent hokimi Yunusxonning qizi edi. Boburning onasi o‘qimishli va oqila ayol bo‘lib, Boburga hokimiyatni boshqarish ishlarida faol ko‘mak bergan, harbiy yurishlarida unga hamrohlik qilgan. Umarshayx Mirzo xonadoni poytaxt Andijonning arki ichida yashar edi. Hokim yoz oylari Sirdaryo bo‘yida, Axsida, yilning qolgan faslini Andijonda o‘tkazardi. Ochish/sharhlash

2021-02-14 06:26:20 #Bobur

_"Бобур Мирзо бизнинг бобомиз, бизнинг қонимиз, бизнинг болаларимизга ғурур билан айтадиган буюк аждодимиздир. У Андижонда туғилди, Андижонда камол топди. Мана шундай аждодларимиз борлиги, мана шулар Андижон фарзанди эканлигини ҳеч қайсимиз, ҳеч қачон унутмаслигимиз керак. Ўзлигимизни англашни шундан бошлашимиз лозим".

Ш. Мирзиёев Ochish/sharhlash