𝑸𝑨𝑳𝑩 𝒀𝑶'𝑳𝑰 - Niyatullo Elbek o'g'li

2022-07-08 16:59:32 #ONA

ONALAR UCHUN

Barmog'imday eng baland cho'qqi,
Mushtimcha ham chiqmaydi dunyo.
Nafs qurboni bo'lmagan yo'qki
To'pig'imga chiqmaydi dunyo.

Oy ko'zimning oqi emasdur,
Qorachig'im bo'lolmaydi tun.
Yulduzlarni tersam arzimas
Uchta o'g'li bor onam uchun.

Quloqsizman to'g'ri quloqsiz,
Qaysarligim tashamayman men.
Siz borsizki mushtdek dunyoda Mushtdek bo'lib yashamayman men.

Bu koinot bir chaqaga teng,
Mushtimdan sal kattaroq tugun.
Sakkiz jannat nima bo'libdi
Uchta o'g'li bir onam uchun.

Navoiylik ALISHER

@NavoiylikALISHER1 Ochish/sharhlash

2022-07-05 08:26:59 #soginch_xat

Sevib azoblaymiz, sog'inib tayin,
Bizning ishqimizga guvoh yeru ko'k.
Suvsiz nafas olmas baliqlardayin -
Sog'inib yashaymiz suv yo'q, havo yo'q.

Kunduz osmon yig'lar shamsini izlab,
Kuzlar tun kezadi mulzam qamarsiz.
Xazon yoqqan kabi daraxtdan yuzlab,
Seningsiz har otgan tongim samarsiz.

Tun yoqqan yomg'irdek sog'inchim bisyor,
Har tushgan tomchidek qisqa qismatim.
Arazingdek o'tkinch dunyoda, ey yor,
Sevginga to'yinib olmoq istadim.

Talpindi hislarim talpinib tolmay,
Qorong'u ko'nglimni yorit, hilolim.
Tanu borlig'ingda bir zarra qolmay,
Men seni sog'indim, jonim, halolim!

29.10.2021
01:25 Juma

@qalb_yoli Ochish/sharhlash

2022-07-04 19:44:01 Darveshvachchalardan zerikdi nazm.
Bolalar she'r desa tushunar dardni.
Ijodda o'zingga qabrlar qazib.
Hammaga bildirib yashamoq shartmi.

Olam yashayapti qilolmay hazm.
Shaning yumalagan misli sharsimon.
Darveshvachchalardan zerikdi nazm.
Hayot yashayapti achingansimon..

Onang tushunmaydi otang tushunmas.
Yozgan she'rlaringu chekkan ohingni.
Qilgan amallaring soflik uchunmas.
Yo'qotib qo'ygansan qiblagohingni..


Yozganing na g'urur va na or shan-u.
Tarmoq alohida og'ir sirasan
O'zingdan "kimnima" yasagansan-u
So'rasa ayonmas kimsan? nimasan?..

Adabiyot aziz muqaddas azim.
Nima u sen uchun ovloq yermidi?
Darveshvachchalardan zerikdi nazm.
Onam tushunmagan she'rlar she'rmidi?
Otam tushunmagan she'rlar she'rmidi?!
Akam tushunmagan she'rlar she'rmidi?
Ukam tushunmagan she'rlar she'rmidi?
Opam tushunmagan she'rlar she'rmidi?
Singlim tushunmagan she'rlar she'rmidi?

Mantiqqa sig'maydi achinib yashash..
Kulaman yig'layman qilolmay hazm.
Taqdir sado berar bo'lganicha g'ash.
Darveshvachchalardan zerikdi nazm.

Darveshvachchalardan zerikdi nazm..

Faxriyor Baxtiyorov

@Faxriyor_ijod Ochish/sharhlash

2022-07-03 16:35:57 #Sevimli

Charos AVAZOVA hikoyalari

P/S) O'zbek nasrida yangi nafas!
Charos Avazovadan 4 Hikoya!

@EHojimuhammad

Batafsil:https://telegra.ph/Hikoyalar-07-03 Ochish/sharhlash

2022-06-30 19:33:50 ШАЙТОН

Малол шаклида келдинг,
Мен таслим бўлганим йўқ.
Маҳол шаклида келдинг,
Мен таслим бўлганим йўқ.

Хаёл шаклида келдинг,
Мен таслим бўлганим йўқ.
Савол шаклида келдинг,
Мен таслим бўлганим йўқ.

Кўнглим қизиқ савдолар
Эритолмас муммикин?..
Аёл шаклида келма,
Таслим бўлишим мумкин.

2022 йил 29 июнь, Самарқанд

Мансур Жумаев

@qalb_yoli Ochish/sharhlash

2022-06-23 15:08:35 Ўғри

Хотини оч эди, оч эди ўғли,
Балки, шундан эгри йўлга тушди у.
Омадсиз ҳаётда – омадсиз ўғри,
Уч-тўрт сўм чақа деб қўлга тушди у.

Қозию миршаблар бўлишдилар жам,
Бирлашиб жазолаш йўлини топди.
Қонсираб турганми экан жаллод ҳам,
Ўғрининг иккала қўлини чопди.

Бу ҳам бир тақдири азал экан-да,
Унга шундай қисмат аталган эди.
Гўё “шоирсан-ку, гапир”, дегандай
Нигоҳи кўксимга қадалган эди.

У на дод соларди, на бир сўз демас,
Унинг нигоҳларин тубига етдим.
Бу лаҳза бечора ўғрига эмас,
Бечора дунёга ачиниб кетдим.

Қайдан гувоҳ бўлдим бу ҳолга билмай,
Эсласам, кўксимда ғашлик жўшади.
Энди мен қай томон юзимни бурмай,
Қўлсиз одамларга кўзим тушади.

Ифтихор

@qalb_yoli Ochish/sharhlash

2022-06-17 15:18:45 СОЯБОН

Менга жой бер соябонингдан,
Офтоб юзни қиздираяпти.
Ҳар лаҳзада қорайиб юзим,
Қора расм чиздираяпти.

Тиришган бу пешонамда тер
Талпинади ёқамга томон.
Тер остида қолган нигоҳим
Ўғирлайди яна соябон.

Бинафшаранг дастагигача,
Нозиккина бармоқлар тутган.
Меҳмон қилиб қизни соябон
Сояси йўқ бағрига ютган.

Шеър ўқийман севги ҳақида,
Жой ажратсанг бўлди ёнингдан.
Ёз, офтобда қолган кўнглимга
Соя топай соябонингдан...

Навоийлик АЛИШЕР

@NavoiylikALISHER1 Ochish/sharhlash

2022-06-15 20:00:22 ​​МАСОФА

Ёнингга шошардим кунда, кунора,
Кўзингга термилгим келарди бот-бот.
Бирга яшар эдик севинч, мунг аро,
Гўёки айрилсак, тугарди ҳаёт.

Ғишт каби терилган кунлардан девор
Тикладими уста қисмат бўш жойда –
Ҳафтада кўриша бошладик бир бор,
Кўриша бошладик сўнгра бир – ойда.

Фасллар алмашди қувноқ ва маъюс,
Мавсумлар ўзгарди мағзи тўқ ва пуч.
Ниҳоят, зорланиб келдик юзма-юз,
Тақдир бизни йилда бир бор қилди дуч.

Парранда, дарранда шаклига кириб,
Ҳижрон юкин тортди сўнг неча мучал.
Қанотли ҳисларга узоқ тикилиб,
Сездик, севгимиз ҳам самога учар.

Ҳолимизга ҳайрон дўст-да, душман-да:
Нечун торлик қилди бизга бу олам?
Учраша бошладик кейин тушларда,
Сўнгра… тарк айлади бизни тушлар ҳам.

Эски тақвим узра умр сарғариб,
Бузуқ соат ичра ғойиб бўлди вақт.
Ҳувиллаган қалбга сиғмасдан ғариб,
Замону маконсиз қолди етим Бахт.

Тириклик эрмакка айланди нафсиз,
Хотира лавҳини қоплади ғубор.
Исминг нима эди – унутдим, афсус,
Исмим нима – билсанг, эслатиб юбор…

Нодир Жонузоқ
https://t.me/UZASUZ Ochish/sharhlash

2022-06-11 19:41:06 * Назм дурдоналари

ДАШТ ҲАҚИДА БАЛЛАДА

Эркин Аъзамовга бағишладим

Тоғлар кичирайди. Пасайди осмон.
Яшаб бўлмайди-ку, ахир, энгашиб…
Жўнадим баландроқ осмонлар томон —
Ортимдан Бойсуннинг дашти эргашди…

Мени ишонмади уфқларга у,
Дош бериб тезликнинг шамолларига
Ортимдан югурди, югурди ёҳу,
Қоқилиб темир йўл шпалларига.

Вагонга чиқазиб қай бир бекатда.
Койидим: — Бу ишдан зарра йўқ маъни!..
У руҳсиз чўзилди тепа қаватга,
Билетсиз ва пулсиз йўловчи каби.

Сўнг шаҳар кўчаси, хиёбонлари
Аро кездим — жойлаб дилимга уни —
Одаму машина оломонлари
Топтаб кетишмасин куп-кундуз куни.

Давру даврон сурдим ҳар ҳафта кўчиб,
Ижара уйларнинг шавқи ёдимда!
Қаттиққўл хўжайин кўзидан чўчиб,
У беун яшади менинг ёнимда.

Муҳаббат ловуллаб кирди юракка,
Илк бора аламли сўзлар тингладим.
Юзларимни босиб хору хашакка,
Даштимни қучоқлаб тунлар йиғладим.

Баҳорда кўкариб, кузда сарғайиб,
Сукунату қорга ўраниб қишда,
Ғўра шеърларимга боқди мунғайиб…
Хуллас, содиқ бўлди ҳар эзгу ишда!

…Аммо нима қилиб қўйди бу йиллар!
Гарчи мен, мунаққид айтгандай, "ўсдим" —
Ўртамизга кирди қай айёр жинлар,
Кўп хона уйимга сиғмайди дўстим.

Ялинаман унга:
— Бор, Бойсунга бор!
Шаҳарга ярашмас саҳройи сўхтанг.
Борсанг — шамол тайёр, ёмғир ҳам тайёр,
Тоғлар орасида яшайсан кўркам.

Панду насиҳатлар бериб толаман,
Алдайман:
— Юр, кетдик ифор тергани…
Ҳар баҳор довдираб Бойсун бораман,
Бойсунга даштини ташлаб келгани…

Қайтаман. Аммо дашт сезиб улгурар…
Дош бериб тезликнинг шамолларига,
Ортимдан ҳаллослаб, шошиб югурар,
Қоқилиб темир йўл шпалларига.

Уйимга гезариб кириб келаман,
Мени асра энди, инглизча қулф!
Шундоқ остонада дашт қолар гаранг,
Эшикка термулиб "уф" тортади… Уф!

Мана, тонг чоғида ишга кетяпман.
Юрак, азобдасан — қандай дард эзар?
Жунжикиб, эгасиз ит каби ғамгин
Вокзал майдонида ёлғиз дашт кезар…

Усмон АЗИМ

@qalb_yoli Ochish/sharhlash

2022-06-10 03:34:40 ... va sen kelding, mujdalar keldi
Yuragimga sajdalar keldi.
Har gal kishan yechmoqqa qo'rqqan
"Erk" ismli xastalar keldi.

Titroq keldi, otam ko'zidan
Vijdon degan saboqlar keldi.
Xayolimning xilvatlariga
"Ishq" atalmish jumboqlar keldi.

Ham yorishdi ikki jahonim.
G'am qorishdi hijroni totli.
Ko'zlaringni o'ylaganim chog'
Kiprigimda tonglarim otdi.

Qalbim baland pardada kuylar-
Birov bilmas qo'shiqlarim rost.
Istasang ham, istamasang ham
She'rlarimga kirma, iltimos!

E'zoza Umurzoqova
@qalb_yoli Ochish/sharhlash