Qᴀʟᴀᴍ Sᴇʜʀɪ

2023-01-09 19:36:03 ДАШТ ЎЙЛАРИ

Икки хона уйдан узилиб,
икки кенглик орасидаман.
Икки мушфиқ инсондан қочиб,
икки қатор ва қасидаман.

Дашт оралаб чопди шамоллар,
Саҳаргача изғирин тинди.
Овозимни ёпди шамоллар,
Икки қатор шеър билан келдим.

Оҳ қўшиғим..
Беоҳ қўшиғим.
Ҳар жаранги гуноҳ қўшиғим.
Қора тунда ҳамроҳ қўшиғим,
Икки қатор куй билан келдим.

Тоғ этаги симиргай илҳом,
Жимирлайди қаддимда оташ.
Ўлда азон, сўлдачи мотам,
Кўнгил ичи тириклардан ғаш...

Бағри кенгмас-
қаҳри кенг дунё!
Ошқозонда заҳри кенг дунё.
Лолазорга капалак кўмган,
Мозор бўлган шаҳри кенг дунё.

Алла айтинг қошимда она,
Бошимда гир учсин капалак.
У ҳақлимас бир кун яшашга,
Қарға билан минг кун яшасак..

Тупроқ боса бораман даштга,
Тол ёнига қўнар қанотим.
Тўпалангдан омон чиқади,
Қўнғиртовнинг кўпкари оти.

Икки қучоқ қолди ортимда,
Икки эшик кузатиб қўйди.
Фалакётнинг ерлик сирини,
Олапарга узатиб тўйдим.

Мен ерликам!
шеърликман яна.
Сўзга тўлган кенгликман яна,
Қалдирғочга қилиб тантана,
Капалакнинг кафтидан келдим.

Икки хона уйдан узилиб
Икки қатор шеър билан келдим..!

А.Азимов Ochish/sharhlash

2023-01-01 16:30:22 NEGA?
Soyabonga suyanib yerda,
Ketayapsiz yomg'irli yo'lda.
Necha she'rim tug'ilmay o'lgan..
Butun samo sevgiga to'lgan.
Nega meni qo'lim yetmaydi?

Ich-ichidan tebranar dunyo,
Erta bahor uyg'onar dunyo.
Odamlari uyquda go'yo,
Yiroqlashib bo'ldimmikan yo...
Nega meni qo'lim yetmaydi?

To'rt faslga bog'landi qismat,
Biri himmat birida hasrat.
Hohlagancha kuling marhamat,
Jilmayishni so'ramang faqat.
Nega meni qo'lim yetmaydi?

Kabutalar saf tortgan simda,
Charaqlashib keldi tushimda.
Ko'z ochganda barchasi tindi!
Kabutalar saf tortgan simda,
Nega meni qo'lim yetmaydi?

Ketayapsiz yo'llardan qochib,
Ta'bi xira gullardan qochib,
Kafti yara qo'llardan qochib,
Ketayapsiz gul bargin sochib.
Nega meni qo'lim yetmaydi?

Bomdod mahal yozgim keladi,
Shom nurida suzgim keladi,
Uyg'onishin hamma biladi.
Azroilning qo'li yetadi,
Nega meni qo'lim yetmaydi?

Ko'ngli yetar gunohga ishqning,
So'ngi yetar gunohga ishqning.
Sevolmayman, endi tushuning,
Ishqi kamroq ediku qishning..
Nega meni qo'lim yetmaydi?

Siz shunchalar noyob durmisiz,
Yo'llar kabi ko'zi ko'rmisiz?
Soyabonga suyangan ey-qiz,
Ha bilaman yonginamdasiz!
Nega meni qo'lim yetmaydi?
Nega meni qo'lim yetmaydi..?

Abram Azimov
2023-yil Ochish/sharhlash

2022-12-31 16:02:21 Янги йилда яқинларингиздан қандай совға кутяпсиз?

Байрамни нишонлаётган Қарши шаҳри аҳолиси ва меҳмонларга шу савол билан юзландик.

Батафсил видеода

@Nasafnewsuz Ochish/sharhlash

2022-12-31 13:31:03 Assalomu alaykum kanalimizning qadrli va qadirdon obunachilari!
Yaqinlashib kelayotgan 2023-yil barchaga omadli va ijobatli yil bo'lsin. Qalbdan chiqqan orzularning ro'yobi bilan yodda qolsin yangi yil. Falokat va g'aflatdan yiroq yursin qadamlar.
Sermahsul ijod va kamtarona rag'batlar bilan quvontirib yurish nasib aylasin.
2022-yildagi yuksak e'tibor uchun tashakkur aytaman! Abram haqidagi ta'surotlaringiz 2023-yilda yanada yaxshilanishiga ishonaman.
Rahmat barchaga! Yana bir bora yil muborak bo'lsin.

Qalamsehr | Muhokama | Azimov Ochish/sharhlash

2022-12-26 16:40:47 ТУШ
Мен кўзимни юмаман шунда,
Олис макон келар ёнимга.
Зал ичига кираман тунда,
Куй чалинар томир қонимда..

Рақсга туш қошларинг қоқиб,
Мен шеърлатиб ташлай саҳнани.
Бизни куйлаб қолсин чеккада,
Ҳаёлотнинг икки жазмани.

Ўйна сокин мусиқа истаб,
Зал атрофин айланай мен ҳам.
Пианога йиқилган Мотсарт,
Тирилгунча тўхтама сен ҳам.

Ҳиром айла кўрлар куйига,
Соқовларнинг сўзига ўйна.
Бетховеннинг эски уйида,
Тўрт фаслнинг кузида ўйна.

Ой соната янграсин шу тоб,
Барча мудраб қолар эҳтимол.
Мен уйғоқман ва эски китоб,
Ёнимдаги саҳнада сен қол.

Ва якунсиз туш бўлсин севги,
Роман битсин оҳирга етмай.
Сен энг гўзал рақсинг этгинки,
Мен ҳеч қачон уйғониб кетмай.

А.Азимов
26.12.2022 Ochish/sharhlash

2022-12-18 20:40:31 Futbol ko'rayapmiz
Hammasi bomba Ochish/sharhlash

2022-12-18 11:10:52 «18-декабр халқаро мигрантлар
куни»

МУСОФИРДА ОМОНМИСИЗЛАР?

Сайраб-сайраб тарқади қушлар,
Кириб келди қаҳратон қишлар.
Тугамади лек сизда ишлар,
Кўзи ватан томонмисизлар,
Мусофирда омонмисизлар?

Ҳалол нонин совуқда ерсиз,
Ҳар соняда оилам дерсиз.
Арслонсиз, довюрак шерсиз,
Ўшал жасур ўғлонмисизлар,
Мусофирда омонмисизлар?

Тан-жонингиз сийпалар шамол,
Юрт томонга шўнғийди ҳаёл.
Кўзингизда ёшлар эҳтимол,
Ёки ранги сомонмисизлар,
Мусофирда омонмисизлар?

Тушлар ичра яшайсиз кулиб,
Иш бошланар тонг отмай туриб.
Бегонага бинолар қуриб,
Замонига ҳайронмисизлар,
Мусофирда омонмисизлар?

Соғинч ҳиссин билмайди ҳар ким,
Фақат сабр қилмайди ҳар ким.
Матонатли содиқ дўстларим,
Ҳамон шўх-у шодонмисизлар,
Мусофирда омонмисизлар?

Ҳали бирга даврон сурилар,
Бир қаторда кулиб турилар.
Юртда ҳам кўп уйлар қурилар,
Қайтмоқ истаб ҳушёрмисизлар,
Мусофирда омонмисизлар?

Қайғуларни тўлдириб жонга,
Қийинчилик аритмай танга.
Қайтинг энди гўзал ватанга,
Кўзи юрти томонмисизлар,
Мусофирда омонмисизлар?

Абрамбек Азимов Ochish/sharhlash

2022-12-18 11:10:40 УСТОЗ АБДУЛЛА ОРИПОВГА

Тошқишлоқнинг тошларин янчиб,
Кетар эдим...
Ёнгинамда ёз.
Шеърларингни кўксимга санчиб,
Йиллар ўтиб боради устоз.

Хаёлларим "пичир" қилади,
Ўз-ўзимга айтаман баёз.
Шеърларингни ҳамма билади,
Мен бошқача биламан устоз.

Сен улғайган тоғлар ёнимда,
Нигоҳимга сиғмайди ҳатто.
Куй чалади, жисм-у жонимда,
Ўлмагунча тўхтамайди то.

Кўприк. Канал. Зилол сув. Некуз,
Бу таърифни минг бор кўрганман.
Сен борингда мен бўлмаганман,
Мен боримда Шошда бўлгансан.

Тошқишлоқнинг тошларин янчиб,
Қуёш билан кулишаман соз.
Шеърларингни кўксимга санчиб,
Йиллар ўтиб боради устоз.

Ёзмоқликдан фахрим бир дунё,
Қаламимга бахшида умрим.
Улуғ номинг дилга тўтиё.
Сатрларинг назмда нурим.

Тенграмда бош чайқайди дарё,
Тошқинига назар ташлайман.
Танинг Шошга кўмилди, аммо,
Руҳинг билан бирга яшайман.

Абрамбек Азимов Ochish/sharhlash

2022-12-13 16:57:36 СЕН ТОМОНИ КОИНОТ

Қўлларимда йўқ қанот,
Қанотимсан гўзал қиз.
Сен томони коинот,
Мен эса учган юлдуз.

Томирмда бахт ришта,
Руҳимдаги малак сен.
Ўзингдурсан фаришта,
Сўроқлаган тилак мен.

Камалаксан ҳойнаҳой,
Замин юзи, қолган лол.
Сени ўзинг бир чирой,
Мен унга кетган ҳаёл.

Эх, баридан бўлак сен,
«-Шошилма», сўзимни кут.
Бағримдаги юрак сен,
Мен эса оддий вужуд.

Сен томони коинот,
Мен еса учган юлдуз..))

А.Азимов
06.07.2021 Ochish/sharhlash

2022-12-08 17:35:23 HAVOTIR

Yelkalarni yelkaga suyab,
choʻllashadi dildagi bahor.
Qora shahar yorugʻlik koʻrmas
bir kaftimda bir uyum tuproq,
bir kaftimda tebranadi tor.
Iz qoldirib choʻllar yoʻliga,
ketayapmiz mudroq havotir.
Aksdagi koʻrinmas haqlar-
bu dunyoni buzishga qodir.
Siz yigʻlaysiz,
Yuraman sokin..

Bir qavmda toʻqson ming hatar.
Gʻoya orti qoyaga boshlar!
Choʻl tuslanib tunni koʻrsatar-
tun ortida eski ulfatlar.
Men ketaman,
toʻgʻri yoʻl boshlang.

Barmoqlarni solib chiroyga,
Ikki tomon toʻzgʻiyveradi.
Na jannatga bormoq istaysiz,
Na samodan izn keladi.)
..Soʻng sadoga muhtoj bogʻimiz,
Oynadagi oppoq chiroy-siz!
Men ketaman,
toʻgʻri yoʻl boshlang.
Qaysi tomon boray chiroqsiz?

Qor bosadi choʻlni va bizni,
Toʻxtaymiz! va kutamiz ozroq,
Qor tinishin yoki oʻlimni!?
Qor-hatarmas!
Lek ushlaysiz qoʻlimni..
Menga qiziq barcha qismatlar,
haqsevarning taqdiri emas.
Qulochimni ustida oq qor,
Koʻksim ichi bir dunyo havas.
Lek yelkani yelkaga suyab,
Choʻllashtirdik qorsiz bahorni.

A.Azimov Ochish/sharhlash