2021-08-26 17:46:17
#RUHIYAT
KECHIRISH PRAKTIKASI Biz uchun muhim bo'lgan odamlarni kechirmaslik yoki kechira olmaslik bahordagi qish izg'iriniga o'xshaydi. Qalbimizda gullashga ulgurmagan tuyg'ularimizni o'z sovuqligi bilan nobud qiladi. Kechirilmagan hafagarchiliklar yaqinlarimizga bo'lgan nafratni kuchaytirbgina qolmay, o'z navbatida jismoniy tanamizga ham jiddiy zarar yetkazadi. Psixosomatika - jiddiy masala, Azizlar!Sizga yetkazilgan xafargarchiliklari unutish va yaqinlaringizni kechirishning eng yaxshi yo'li - bu albatta psixoterapiya. Lekin ma'lum sabablarga ko'ra sizda psixologga borish imkoni bo'lmasa-yu, nafrat hissi sizga azob berayotgan bo'lsa ushbu "Kechirish dietasi" nomli texnikani albatta bajaring!
Muhim tushuntirish: istalgan turdagi psixoterapevtik harakterga ega texnikalar ruhiy kasalliklarga ega bo'lmagan, o'zining hissiy holatini boshqara oladigan insonlar uchun mo'ljallangan.Ruchka va qog'oz olasiz. 7 kun davomida oq listga 70 qatorni qoralab yozasiz. Ya'ni sizda ushbu texnika oxirida 490 qator qoralangan(yozilgan) bo'lishi kerak. Ko'proq yozish mumkin, kam yozish tavsiya qilinmaydi. Har bir qator quyidagi satrlar bilan boshlanadi: Men kechiraman(falonchini) shu uchunki" va nima sababdan u odamni kechirayotganingizni yosasiz.
Siz birinchi bo'lib xayolingizga kelgan narsani yozishingiz kerak. Hech narsani baholash va o'ylashning hojati yo'q. "Men onamni (ota, dugonamni va boshqalarni ... uchun kechiraman") deganingizda, miyangizda paydo bo'ladigan hamma narsani ketma-ket yozing.
Ongingizga erk berganingizda, allaqachon unut bo'lgan xotiralar va emotsiyalar yuzaga qalqib chiqadi. Barchasini qog'ozga tushiring. Boshlanishida ular ko'p bolishi mumkin. Bu yaxshi. Barchasini qog'ozga tushiring, barcha tafsilotlarni yozing. Hattoki haqoratli so'zlar bo'lgan bo'lsa ham.
Masalan: "Men yoshligimda ota-onam ishlar bilan bo'lib menga vaqt ajrata olmaganliklarini yoki dadam yuzimga qattiq tarsaki urganlarini kechiraman". Agarda sizga qilingan zulm yoki jabrlarni eslay olmasangiz(odatda 4, 5-kunlari shunaqa bo'ladi) yoki ular ko'p bo'lmasa, shunchaki avval yozganlaringizni yana qaytarib yozing yoki oddiy qilib "Men falonchini menga qilgan barcha yomonliklarini kechiraman.
Nima bo'lganda ham yozganlaringiz 490 qatordan kam bo'lmasligi kerak. Erinchoqlik, beparvolik qilmang! Yo'riqnoma bo'yicha bajarilgan har qanday texnika albatta natija beradi.
O'z-o'zini kechirish.Ushbu tehnika sizdagi aybdorlik hissini yengishda, o'z-o'zingizni kechirishda yordam beradi. Masalan: "Men o'zimni qizim kichkinaligida qo'l ko'targanim uchun kechiraman. Muhim jihat: 7 ta oq qog'ozdagi 70 ta qatorning hammasi 1 odam uchun yoziladi. Agar sizning ro'yxatingizda 20 ta odam bo'ladigan bo'lsa, ushbu texnikani 20 marotaba har bir odam uchun alohida bajarishingiz kerak bo'ladi. Qaytaraman, erinchoqlik qilmang! Ushbu qog'ozlar oila a'zolarning yoki yaqinlarning qo'liga tushmasligi kerak. U yerda nima yozganingizni hech kim ko'rmasligi kerak. Yashirib qo'ying yoki o'zingiz bilan olib yuring. Shunday qilib sizda har bir odam uchun 7 ta(ko'proq yozsangiz ham bo'ladi) listda 70 qatorlik kechirim xati bo'ladi. 7-kun oxirida bu listni yoqib yuborishingiz yoki mayda bo'laklarga bo'lib yo'q qilishingiz mumkin. Shu tariqa sizdagi xafagarchiliklar ham yo'q bo'ladi!Ushbu texnikani albatta bajaring! Avval bajargan bo'lsangiz yoki endi bajarsangiz izohlarda fikrlaringizni qoldiring. Shu kabi texnikalar bilan bo'lishib borishimizni xohlaysizmi
@PSIHOLOGRAM
15.9K views14:46