2021-10-09 17:26:09
Orzu qilishni ham o'rganish kerakmi?
Orzular. Hammani ichida yashiringan orzusi, kelajak hayoti haqidagi tasavvuri bor. Lekin bu tasavvur qanchalik aniq? Orzularimizni qanchalik aniq tasavvur qilsak, shunchalik amalga oshish ehtimoli oshadi. "Men Parijga borishni orzu qilaman" emas, "Men 2025-yilda Parijga boraman, falon do'stim kutib oladi, borish uchun shunaqa-shunaqa qilib pul yig'aman, 1 hafta turib shu-shu joylarni aylanib qaytaman".
Va o'zimizga chiroyli orzu qilishga ruxsat berishimiz kerak. "Ey, men kim bo'libman buni orzu qilish uchun?, mendey oddiy qiz nimayam qila olardi?, meni kim ham bu joyga ishga olardi, xomxayol" deyish siz va menga yarashmaydi. Hayotda hamma narsa bo'lishi mumkin. Hamma ham oddiy tug'iladi, orzu qilib, uni aniqlashtirib maqsadga aylantirib, harakat qilib erishadi. O'ziga munosib ko'rmay qolgan qolib ketaveradi.
Shuning uchun aynan nimani, aynan qanaqa holatda, aynan qachon xohlashingizni mayda detallari bilan yozib chiqing. Masalan, bo'lajak turmush o'rtoq. Sizga hech kim o'zingizga mosdek ko'rinmayapti, chunki qanaqasi mos bo'lishini o'zingiz ham bilmaysiz, yuragingiz jizillashini kutib yuraverasiz. Yozib chiqing.
Qanaqa fe'l-atvorli, ko'rinishli yoqishini ipidan ignasigacha yozib qo'ying. Fikrlar moddiylashadi. Ishoning. Ko'p o'rtoqlarimda guvoh bo'ldim yozganlaridan ham ortig'i uchraganiga. Ideal deb hisoblaydigan darajada chiroyli qilib yozing va natijani kuting.
Hamma narsada shu usulni qo'llasak bo'ladi. Universitet tanlashda ham.
Men esa kelajakdagi o'zimdan xat yozdim. 2032-yildan turib. O'sha paytdagi holatim, oilam, ishim hammasini tasvirlab yozdim. Siz ham yozing. O'sha paytda o'qiy oladigan joyga yozing. O'qib solishtirasiz. Undan ham ortig'i bo'lishiga ishonib yozing. Men ham ishonaman
149 viewsedited 14:26
P
