#ШЕЪРИЯТ
(Насимийдан ўзлаштирма таржима)
Бу қандай дард экан дармони йўқдир,
Баданимда эмас руҳимда оғриқ,
Яраси кўринмас, зимдан оғриқдир,
Баданимда эмас руҳимда оғриқ.
Қиличсиз, ҳанжарсиз, қонсиз бир яра,
Ҳеч бир табиб бунга тополмас чора,
Йиғлашга ҳамдард йўқ, сарсон овора
Баданимда эмас руҳимда оғриқ.
Давоси йўқ, иложи йўқ, кўзи йўқ,
Кўз билан кўришга имкон изи йўқ,
Санчилди қалбимга кўринмас бир ўқ,
Баданимда эмас руҳимда оғриқ.
Дийдамдан ёш оқар, қон йиғлар кўзим,
Руҳим яраланган, зирқирар созим,
Ҳолимдан бохабар бир Раб, бир ўзим,
Баданимда эмас руҳимда оғриқ.
Бўлди қил, Маҳбубий, фарёдинг етар,
Биламан, ёняпсан Мажнундан баттар,
Ё Раб, бечорани зиндондан қутқар!
Баданимда эмас руҳимда оғриқ.
•┈┈┈┈•❈••✾••❈•┈┈┈┈•
Qalban yaqin insonlaringizga ham ulashing
KANALIMIZGA ULANISH UCHUN
https://t.me/+XclvzlI3a1QzYmIy
