Professional ta'limda moliya

2022-08-31 15:15:19 Мустақиллик байрами муборак бўлсин, азиз юртдошлар!
—
С Днем независимости, дорогие соотечественники! Ochish/sharhlash

2022-08-27 22:18:08 2022/2023 ўқув йили учун республика олий таълим муассасалари бакалавриат таълим йўналишлари (магистратура мутахассисликлари) бўйича битта талабани тўлов-контракт шаклида бир йиллик ўқитиш қиймати миқдори

ПДФ шаклида юклаш

@eduuz Ochish/sharhlash

2022-08-27 22:18:08 Барча давлат олий таълим муассасаларининг барча босқич талабалари учун тўлов-контракт миқдорлари оширилмайди!

Давлатимиз раҳбари Шавкат Мирзиёевнинг мамлакатимиз таълим тизимига берган алоҳида эътибори, жумладан талабаларга олий таълим олишлари учун кўрсатган ғамхўрлиги, халқчил сиёсати натижасида 2022/2023 ўқув йили учун барча йўналишлар бўйича тўлов-контракт миқдорлари оширилмайдиган бўлди.

Талабалар ва уларнинг ота-оналарига қулай шароитлар яратиш, глобал иқтисодий инқироз шароитида аҳолининг тўлов қобилиятини инобатга олган ҳолда, истисно тариқасида, 2022/2023 ўқув йили учун барча босқичдаги талабаларнинг тўлов-контракт асосида ўқитиш қиймати миқдорлари давлат олий таълим муассасалари, жумладан, молиявий мустақиллик берилган олий таълим муассасаларида ҳам, базавий тўлов-контракт қиймати 2021/2022 ўқув йили учун белгиланган миқдорларда сақлаб қолинади.

Шу билан бир қаторда, 2022/2023 ўқув йили табақалаштирилган тўлов-контракт миқдорлари ўтган ўқув йили учун белгиланган миқдорларда ўзгаришсиз қолади.

Талабаларни таълим шакллари (кундузги, сиртқи, кечки ва масофавий) бакалавриат таълим йўналишлари ҳамда магистратура мутахассисликлари бўйича бир йиллик ўқитиш қийматлари миқдорлари қуйидагича:

Юклаб олиш

@eduuz Ochish/sharhlash

2022-08-16 09:10:13 DIQQAT E'LON

OLIY TA’LIM TIZIMI BILAN INTEGRATSIYALASHGAN KASB VA MUTAXASSISLIKLAR BO'YICHA PROFESSIONAL BILIM EGALLASHNI ISTAYSIZMI?

TOSHKENT DAVLAT IQTISODIYOT UNIVERSITETI huzuridagi

TOSHKENT IQTISODIYOT VA SANOAT TEXNIKUMI


sizga bu imkoniyatni taqdim etadi!!!

2022 yil 10 avgustdan 10 sentabr(10 sentabr kuni ham)gacha quyidagi mutaxassisliklar bo'yicha arizalar onlayn qabul qilinadi:

========================================================

Ta'lim shakli: KUNDUZGI, Kvalifikatsiya: MSKO 5-daraja

Buxgalteriya hisobi va audit;
Moliya;
Marketing;
Soliq va soliqqa tortish;
Bank ishi;
Dasturiy injiniring;
Geologiya va neft-gaz konlarini qidirish;
Avtomobillarga texnik xizmat ko'rsatish ("B","BC");

========================================================

Ta'lim shakli: SIRTQI, Kvalifikatsiya: MSKO 5-daraja

Buxgalteriya hisobi va audit;
Moliya;
Marketing;
Bank ishi;
Kompyuter injiniring;
Bino va inshootlar qurilishi;
Geologiya va neft-gaz konlarini qidirish;
Yengil sanoat buyumlari konstruksiyasi va texnologiyasi;
Tashishni tashkil etish va transportni boshqarish ("B","BC");
Ko'chmas mulkni baholash, turar joy va jamoat binolaridan foydalanish (kadastr)

=========================================================

O'qish muddati: 2 yil

Abituriyentlarni ro‘yxatga olish Davlat test markazining my.dtm.uz saytida “Professional ta’lim muassasalariga qabul” bo‘limi orqali amalga oshirilmoqda.

IMKONIYATNI BOY BERMANG!!!

Safimizni kengaytiring!!!
BIZ BILAN BO'LING!!!
Qo'shimcha ma'lumotlar uchun: @tistinfouz Ochish/sharhlash

2022-07-20 08:23:54 Bugundan professional ta’lim muassasalariga o’qishni ko’chirish boshlandi

Kasb-hunar maktablari, kollej va texnikumlarda (Adliya vazirligining yuridik texnikumlaridan tashqari) o‘qishni ko‘chirish yuzasidan arizalar 20-iyuldan 10-avgustga qadar qabul qilinadi.

O’qishini koʻchirish istagida bo’lganlar ta’lim muassasasida tashkil etilgan Ishchi guruhga quyidagilardan iborat hujjatlar yig‘ma jildini taqdim etadi:

Ariza (o’quvchi yoki voyaga yetmagan bo’lsa uning ota-onasi tomonidan);
professional ta’lim muassasasi tomonidan berilgan akademik ma’lumotnoma;
o‘quvchining kursdan kursga o‘tganligi to‘g‘risidagi buyruqdan ko‘chirma;
o‘quvchining pasport yoki tug‘ilganlik to‘g‘risidagi guvohnomasi hamda ota-onasi (yoki ularning o‘rnini bosuvchi shaxslar)ning doimiy yashash joyi ko‘rsatilgan pasporti nusxasi.

Telegram | Instagram | Facebook | YouTube Ochish/sharhlash

2022-07-19 15:38:28 Хотин-қизларга таълим кредити бериш бўйича айрим саволларга жавоблар:

ушбу таълим кредити барча курсдагилар берилади, биринчи курсми, учинчи курсми, фарқи йўқ (иккинчи курс-чи, тўртинчи курс-чи, деб сўраманг, уларга ҳам берилади. Э, ана боринг, бешинчи курсга ҳам берилади);

ушбу таълим кредитини бир неча марта олиш мумкин, бунга чеклов йўқ;

ушбу таълим кредитини оиладаги бир неча қиз фарзандлар ҳам олиши мумкин, битта оилага фақат бир киши деган чеклов йўқ (фақат расмий даромади бор кафил топилса бўлди);

ушбу таълим кредити супер-контракт ва қўшма таълим учун берилмайди;

Таълим кредити фақат тўлов-контракт суммаси миқдорида берилади. Масалан, аслида бир йиллик контракт 10 млн сўм бўлса, 15 млн сўм кредит олиб бўлмайди;

магистратура учун бунақа кредит берилмайди, чунки жорий йилдан бошлаб магистратурада ўқиётган барча хотин-қизларнинг контрактлари давлат бюджетидан тўлиқ тўлаб берилади. Биринчи курсларга ҳам, иккинчи курсларга ҳам;

йигитларга ҳам таълим кредити берилади, фақат улар учун фоизсиз эмас, балки Марказий банкнинг асосий ставкаси миқдорида (ҳозир 16% — 2022 йил 19 июль ҳолатига) берилади. Батафсил бу ерда: https://t.me/xushnudbek/10871

Таълим кредити олинганда уни тўлаш учун сарфланган маблағлар даромад солиғидан озод этилади. Масалан, талабанинг ота-онаси таълим кредитини тўлаш учун ойлик иш ҳақидан пул ўтказса, унда ўша тўланган қисми бўйича ойлигидан 12% пул қайтариб берилади. Батафсил бу ерда: https://t.me/xushnudbek/7356


@xushnudbek Ochish/sharhlash

2022-07-19 15:38:10 Хотин-қизларга фоизсиз таълим кредити берилади

Президентнинг 2022 йил 18 июлдаги ПҚ-323-сонли қарорига кўра, тўлов-контрактда ўқиётган хотин-қизларга жорий йилдан бошлаб имтиёзли фоизсиз таълим кредити бериладиган бўлди.

Кимларга берилади?

Ўзбекистондаги барча олий таълим муассасалари талабаларига (давлат, хусусий ва хорижий ОТМлар филиаллари);
Ўрта махсус ва профессионал таълим муассасалари ўқувчиларига (техникум, касб-ҳунар коллежи ва ҳ.к.).

Қайси таълим шаклига берилади?

Кундузги;
Сиртқи;
Кечки.

Масофавий таълимга берилмайди.

Қуйидагиларга берилмайди:

супер-контракт;
қўшма таълим.


14 фоизда берилар экан-ку, нега фоизсиз дейиляпти?

Тўғри, таълим кредити аслида 14 фоизлик ставкада берилади. Аммо бу фоиз қисмини хотин-қизлар тўламайди, давлат тўлаб беради. Аниқроғи Молия вазирлиги ҳузуридаги Таълим кредитини молиялаштириш жамғармаси томонидан қопланади. Хотин-қизлар фақат таълим кредитининг асосий қисмини тўлайди холос.

Тўлаш қачондан бошланади?

Таълим кредитининг асосий қисми талабанинг расмий ўқиш муддати тугагандан сўнг еттинчи ойдан бошлаб (яъни олти ой ўтиб) 7 йил давомида қайтарилади. Масалан, 7 млн сўм таълим кредити олинса, ўқишни тугатгандан сўнг, 6 ой ўтгач 7 йил мобайнида ойма-ой 83 минг сўмдан тўлаб борилади.

Қандай ҳужжатлар керак?

банкка ариза;
шахсни тасдиқловчи ҳужжат;
таълим муассасаси билан тўлов-контракт шартномаси;
талабанинг доимий даромад манбаига эга бўлган оила аъзолари ва бошқа учинчи шахс биргаликда қарз олувчи сифатида таълим кредити қайтарилишининг таъминоти бўйича ҳужжат.

“Ижтимоий ҳимоя ягона реестри”га кирган оилаларнинг хотин-қизларига ажратиладиган таълим кредитлари учун гаров ва кафилликлар талаб этилмайди.


@xushnudbek Ochish/sharhlash

2022-07-14 16:40:49 КВОТА-2022
#abituriyent

БАКАЛАВР:

КУНДУЗГИ - 123 060 нафар;

СИРТҚИ - 44 615 нафар;

КЕЧКИ - 9 890 нафар.

МАСОФАВИЙ - 3 410 нафар.

Нодавлат ОТМлардаги квоталар, қабул натижалари чиққач давлат ОТМларида супер-контракт ҳисобига олинадиган талабалар ҳисобига бу рақам якунда янада кўп бўлади.

МАҚСАДЛИ ҚАБУЛ:

Соғлиқни сақлаш;

Халқ таълими;

Ветеринария;

Ижтимоий иш.

ИМТИЁЗЛИ КВОТАЛАР:

Ҳарбий тавсияномалилар учун (5%);

Хотин-қизлар учун 2 мингта квота (4%);

5 йил стажга эга хотин-қизлар учун (500 та);

5 йил стажга эга ўрта махсус маълумотли ўқитувчилар учун (1 000 та);

Ногиронлиги бўлган шахслар учун (2%);

Меҳрибонлик уйи тарбияланувчилари учун (1%);

Сўхликлар учун (500 та);

ИИО ходимлари фарзандлари учун (5%);

Божхона ходимлари фарзандлари учун (2%).


@xushnudbek Ochish/sharhlash

2022-07-02 12:28:19 #Qabul2022
#Professional_taʼlim

Qanday qilib onlayn hujjat topshirsam boʻladi?

Xabaringiz bor, kasb-hunar maktablariga qabul jarayonlari boshlangan.

Ushbu videoyoʻriqnomada kasb.edu.uz elektron platformasi orqali onlayn roʻyxatdan oʻtish tartibi tushuntirilgan.

Qabul 20-iyul kuniga qadar davom etadi.

Kasb-hunar maktablariga qabul kvotalari bu yerda

Telegram | Instagram | Facebook | YouTube Ochish/sharhlash

2022-07-01 07:18:40 #Qabul2022
#Professional_taʼlim

KASB-HUNAR MAKTABLARIGA QABUL PARAMETRLARI TASDIQLANDI

2022/2023-oʻquv yili uchun Oliy va oʻrta maxsus taʼlim vazirining buyrugʻiga muvofiq 330 ta kasb-hunar maktabiga jami 78 ming 490 ta qabul parametrlari tasdiqlandi.

Shundan, 75 470 ta oʻzbek, 930 ta rus va 2090 ta qoraqalpoq tili guruhlari uchun belgilandi.

Maʼlumot uchun, kasb-hunar maktablarida oʻqish toʻliq davlat byudjeti hisobidan amalga oshiriladi.

Telegram | Instagram | Facebook | YouTube Ochish/sharhlash