#фойдали Озодликдан маҳрум этиш жойларидаги шахслар билан ни | Профессионал юрист

#фойдали

Озодликдан маҳрум этиш жойларидаги шахслар билан никоҳни қайд этиш

Никоҳни қайд этиш жойи

Жазони ижро этиш муассасаларида жазони ўтаётган шахслар билан никоҳни қайд этиш шу муассаса жойлашган ҳудуддаги ФҲДЁ органлари томонидан амалга оширилади.

Никоҳни қайд этиш тартиби

Маҳкум билан никоҳга киришни хоҳловчи шахс, никоҳга кириш ҳақидаги аризанинг ўзига тааллуқли қисмини тўлдириб ЖИЭМ жойлашган ҳудуддаги ФҲДЁ органига топширади. ФҲДЁ органи аризада келтирилган маълумотларнинг тўғрилигини тасдиқлайди ва унга аризани қайтаради. Шундан сўнг маҳкум билан никоҳга киришни хоҳловчи шахс бу аризани маҳкумга бериши учун ЖИЭМ маъмуриятига топширади.

Аризани олгандан кейин, ЖИЭМ маъмурияти уни тегишли жойини тўлдириш учун маҳкумга тақдим этади ва ФҲДЁ органига юборади.

Ариза ФҲДЁ органи томонидан рўйхатдан ўтказилгандан кейин шу куннинг ўзида никоҳга кирувчи маҳкумнинг тиббий текширувдан ўтиши учун йўлланма ва никоҳни қайд этиш вақтини белгилаш тўғрисидаги хабарнома ЖИЭМ маъмуриятига юборилади.

Никоҳни қайд этилиши

Маҳкум билан никоҳни қайд этиш ФҲДЁ органи билан келишилган ҳолда ЖИЭМ маъмурияти томонидан ажратилган бинода никоҳга кирувчи шахсларнинг иштирокида амалга оширилади.

Қаранг: ВМҚ 387-сон билан тасдиқланган "Фуқаролик ҳолати далолатномаларини қайд этиш Қоидалари".

P.S.: Судгача қамоқда ушлаб турилган шахслар билан никоҳни қайд этиш тергов ишини олиб бораётган мансабдор шахс ёки орган рухсати билан шу ҳудуддаги ФҲДЁ органи томонидан, вақтинча сақлаш ҳибсхонасида (тергов ҳибсхонасида) амалга оширилади.

Профессионал юрист

@professional_yurist'дан фойдали контент, обуна бўлинг.