Тошкент Ботаника боғининг орқа томонида ёнғин содир бўлди
Бугун, 16 май куни соат 11.55да Тошкент шаҳар Юнусобод туманида жойлашган Тошкент Ботаника боғининг орқа томонида, очиқ майдонда қуриган хас-хашак ва буталган шох-шаббаларда ёнғин содир бўлган.
Ҳодиса юзасидан Тошкент шаҳар Фавқулодда вазиятлар бошқармаси ёнғин-қутқарув гуруҳи воқеа жойига етиб борган. Қутқарувчиларнинг саъй-ҳаракатлари натижасида ёнғин ўз вақтида ўраб олиниб, боғ ҳудудига ўтишининг олди олинди.
Ёнғиндан жабрланганлар йўқ. Боғнинг ўрмон фондига зарар етмаган.
Ҳолатнинг келиб чиқиш сабаблари аниқланмоқда.
Boshqa yangiliklar Fvv.uz | Facebook | Telegram | Youtube | instagram
