2023-03-01 18:21:28
WRITING HAQIDA BILISHINGIZ KERAK
Bilamizki, imtihonning Writing qismi 2 ta vazifadan tashkil topgan va imtihon topshiruvchilarga shu 2 xil turdagi insholarni yozishga 60 daqiqa vaqt beriladi. Bugungi postimiz esa umumiy ravishda Task 2 haqida bo'ladi.
Task 2 uchun kamida 250 ta so'z yozish talab etilgan bo'lib, uni yozishga nomzod 40 daqiqa vaqtini sarflashi tavsiya etiladi. Task 2 da eng ko'p uchraydigan insho turlari quyidagilardan iborat:
1. Opinion (agree or disagree)
2. Advantages and disadvantages
3. Problem and solution
4. Discussion (discuss both views)
5. Two-part question
Agarda kimdir mendan Task 2 yozishda eng muhim narsa nima deb so'raganida, hech ikkilanmay, bu, eng avvalo, insho MAVZUSINI YAXSHILAB TUSHUNIB OLISH deb javob bergan bo'lar edim... Struktura yoki qandaydir strategiyalarni o'rganishdan oldin, mavzuni tushunib to'g'ri tahlil qila olishni bilish kerak! Afsuski, aksariyat tayyorgarlik ko'rayotgan o'quvchilar mock imtihonlarida ham insho mavzusi berilishiga, darrov yozishga kirishib ketadilar. Ammo savolni yaxshi tushunib olmaganlari oqibatida insho yozishda mavzudan chiqib ketib qoladilar! Lekin, unutmasligimiz kerakki, insholarni baholashda Task Responce, ya'ni insho ayni mavzuda yozilganligiga alohida ahamiyat beriladi!
IELTS va CEFR ga tayyorgarlik ko'rayotgan o'quvchilar orasidagi yana bir muammolardan biri - yozgani FIKRLARI YO'QLIGIDA! Biroq biz barcha imkoniyatlar eshigi ochiq bo'lgan davr - 21 asrda yashayabmiz; va dunyo qarashni kengaytirishni ham talaygina usullari bor! Shunchaki, ko'proq harakat qilib, doimiy ravishda inson o'z ustida ishlab yurish kerak... Chunki, o'zlaridan o'zlari g'oya va fikrlar "meni yozing" deb, eshikni qoqib kelishmaydi! ;)
Vanihoyat, yaxshi O'QITUVCHI topish ham juda muhim ahamiyat kasb etadi. Kitoblar va internet yordamida o'quvchi o'zi ba'zi struktura va yozish texnikalarini o'rganib olishi mumkin, lekin o'z yozgan inshosini tekshira olmaydi! Shuning uchun ham, xato va kamchiliklarini aytib, yo'l-yo'riq ko'rsatib turadigan yaxshi bir ustoz kerak.
Barcha sohalarda bo'lgani kabi, insho yozishda ham faqat amaliyot bilan mukammallikka erishish mumkin! O'quvchi "yozgani fikr kelmayabdi" deb o'tirmay, qancha ko'p insho yozib, shug'ullansa, shuncha ko'p g'oyalar ham miyasida yig'ilib boradi... Bu bilan birga, yozish ko'nikmalari ham ortadi va imtihonda ham yaxshi natijaga erishishga imkoniyati yuqori bo'ladi!
100 viewsBahodir (Roy), 15:21
P
