Pop tumani maktabgacha va maktab ta'limi bo'limi

2022-09-01 20:01:19 МУСТАҚИЛ ЮРТ НАВОСИ.

Мустақил юрт навоси,
Карнай-сурнай садоси.
Дилимда қўшиқ, алёр
Бундай чаман қайда бор?

Ҳар куни байрам элим,
Халқи шод, хуррам элим.
Жаннатмакон, обод, ҳур
Чин Боғи Эрам, элим.

Шу Ватан дилбандиман,
Эзгулик пайвандиман.
Келажаги буюк юрт--
Истиқлол фарзандиман.

Юртим тинч, осуда осмон,
Юртбошим бўлсинлар омон.
Жонимдай асрай сени,
Онажон Ўзбекистон!

ГУЛНОРА ҚАҲҲОРОВА

@Poplik_Yoshlarmiz Ochish/sharhlash

2022-09-01 17:30:10 “Истиқлол курашчилари хотираси – қалбимизда мангу яшайди”

“Қатағон қурбонларини ёд этиш куни”га бағишлаб “Истиқлол курашчилари хотираси – қалбимизда мангу яшайди” мавзусида Ахборот - кутубхона марказида 67 – ИДУМ, Республика маънавият ва маърифат Поп туман ҳокимлиги бўлими, Ёшлар агентлиги ҳамкорлигида тадбир ўтказилди.

Халқимиз озодлиги, ҳақиқат ва адолат йўлида ўз жонини фидо қилган шаҳид аждодларимизнинг хотираси ҳамиша барҳаётдир.

Каналга уланиш
https://t.me/pophokimligi Ochish/sharhlash

2022-09-01 17:03:22 YOSHLAR UCHUN 17 MILLION SO’MLIK TA’LIM GRANTI!!!

Bloom Education ta’lim sifatini yanada oshirish va yoshlarimizni rag’batlantirish maqsadida ‘Yoshlar Ta’lim Granti’ loyihasini yo’lga qo’ydi.
Bu loyiha 4 yo’nalish:
Iqtisod
Tibbiyot
Ijtimoiy
Texnika
bo’yicha amalga oshiriladi va grant yutib olgan o’quvchilar bir yil davomida OTM larga bizda bepul tayyorlanish imkoniyatiga ega bo’ladilar.
Grant uchun ajratilgan pul miqdori – 17 Million so’m.

Saralash 2 bosqichda amalga oshiriladi:
Dastlabki bosqichda talabgorlar so'rovnoma to'ldiradilar va maxsus motivatsion xat yozadilar. Xatda nima uchun o'zlarini ushbu grantga loyiq deb bilishlari haqida hamda oldilariga qo'ygan maqsadlari to'g'risida ma'lumot beradilar;
Ikkinchi bosqichga 20 nomzod o'tkazilib, bu gal suhbat asosida 7 nafar nomzod saralab olinadi.
Batafsil:
@Bloom_manager

Grantda 10-sinfdan yuqori bo’lgan barcha hududdagi o’quvchilar qatnasha oladilar.

Ro’yxatdan o’tish 15-09-2022 ga qadar davom etadi.

@bloomedu Ochish/sharhlash

2022-09-01 04:57:55 ​​ 2022 йил март-май ойларида аттестациядан ўтган, 15 йиллик узлуксиз иш стажига эга бўлган олий малака тоифали ўқитувчиларнинг мавжуд тоифалари умрбод сақланиб қолади

Халқ таълими вазирлиги 15 йилдан ортиқ меҳнат стажига эга олий тоифали педагогларнинг жорий йил ўтказилган аттестация жараёнларида иштирок этмаганлиги натижасида мавжуд малака тоифасини йўқотганлигига доир масала юзасидан расмий баёнот берди.

«Маълумки, Ўзбекистон Республикаси Вазирлар Маҳкамасининг 2022 йил 2 августдаги 425-сонли қарори билан Ҳукуматнинг 2021 йил 17 сентябрдаги 572-сонли қарорига киритилган тегишли ўзгартиришга кўра, олий малака тоифа (бош ўқитувчи лавозими)га эга бўлганидан сўнг олий малака тоифани 15 йил давомида сақлаб келган ва узлуксиз иш стажига эга бўлган педагог кадрлар навбатдаги мажбурий аттестацияга жалб этилмаслиги белгиланган.

Жорий йил март-май ойларида малака тоифаси олиш учун ўтказилган аттестация даврида амалда бўлган тартибга асосан, 15 йиллик узлуксиз иш стажига эга бўлган олий малака тоифага эга педагогларнинг аттестациядан ўтиши мажбурий бўлмаган ва уларнинг олий тоифа малакаси умрбод сақлаб қолиниши белгиланган.

Ўзбекистон Республикасининг “Норматив-ҳуқуқий ҳужжатлар тўғрисида”ги қонунига асосан, норматив-ҳуқуқий ҳужжатлар орқага қайтиш кучига эга эмаслиги белгиланганлиги муносабати билан, 2022 йил март-май ойларида ўтказилган аттестация даврида 15 йиллик узлуксиз иш стажига эга бўлган олий малака тоифали ўқитувчиларнинг мавжуд тоифалари умрбод сақланиб қолинишини маълум қиламиз.

Қўшимча маълумот: Вазирлар Маҳкамасининг 2022 йил 2 августдаги 425-сон қарори билан белгиланган, олий малака тоифа (бош ўқитувчи лавозими)га эга бўлганидан сўнг олий малака тоифани 15 йил давомида сақлаб келган ва узлуксиз иш стажига эга бўлган педагог кадрлар навбатдаги мажбурий аттестацияга жалб этилмаслик тартиби  2022 йил 2 августдан бошлаб амалиётга жорий этилади» - дейилади вазирликнинг расмий баёнотида.

Xalq ta'limi Info Ochish/sharhlash

2022-09-01 04:57:26 Шавкат Мирзиёев 2026 йилгача энг аввало эътибор қаратиладиган 5 та асосий соҳани санаб ўтди

Биринчидан, ТАЪЛИМ, ТАЪЛИМ ва яна ТАЪЛИМ!

Иккинчиси — суд.

Учинчиси — тадбиркорлик.

Тўртинчиси — соғлиқни сақлаш.

Бешинчиси — аҳолини тоза ичимлик суви билан таъминлаш.

Давлатимиз раҳбари ҳар бир соҳага алоҳида тўхталиб, барчаси бўйича олдимизда турган марраларни баён қилди.

@popliklar Ochish/sharhlash

2022-09-01 03:31:52 Aziz vatandoshlar, qadrli hamkasblar!

Barchangizni "Mustaqilligimizning 31 yilligi" bilan samimiy muborakbod etaman. Sizlarga sihat-salomatlik, xonadonlaringizga fayzu baraka va farovonlik tilayman. Mustaqil Vatanimizning tinchligi, gullab-yashnashi va ravnaqi yo'lida olib borayotgan ishlaringizda zafarlar  yor bo'lsin!
Mustaqillik qadri boqiy, bayram shukuhi fayzli, istiqlolimiz abadiy bo'lsin!                                                                         
Hurmat bilan A.A.Xusainov. Ochish/sharhlash

2022-08-31 15:34:12 2022-2023 янги ўқув йилида “Мустақиллик дарс”лари “Янги Ўзбекистонда эл азиз, инсон азиз” шиори остида ўтказилади


2022-2023 ўқув йили республикамиздаги 10 130 та мактабларида “Билимлар куни”ни “Мустақиллик дарс”лари билан бошланади.

“Янги Ўзбекистонда эл азиз, инсон азиз” шиори остида ўтказиладиган Мустақиллик дарслари мактаб директори, директорнинг маънавий-маърифий ишлар бўйича ўринбосари, тарих, она тили ва адабиёти фанлари ўқитувчилари ҳамда синф раҳбарлари томонидан олиб борилади.

“Мустақиллик дарслари”да ўқувчиларга халқимизнинг 31 йил давомида эришган ютуқлари, Президентимиз ва Ҳукуматимиз томонидан амалга оширилаётган ислоҳотларнинг мазмун-моҳияти борасида кенг маълумотлар берилади.

Шунингдек, умумтаълим мактабларига ташриф буюрган сектор раҳбарлари ҳам “Мустақиллик дарслари”да иштирок этиб, ўқувчиларга мамлакатимизда мустақиллик йилларида хусусан сўнгги йилларда ижтимоий-сиёсий, ҳуқуқий, иқтисодий, маънавий-маърифий, ташқи сиёсат ва хавфсизликни таъминлаш борасида эришилган ютуқлар, амалга оширилган ишлар мазмун-моҳияти, таълимдаги ислоҳотлар, ёшларни қўллаб-қувватлашга қаратилган давлат сиёсати ва бошқа бир қатор кўрсатгичлар ва эришилаётган ютуқлар тўғрисида маълумотлар бериб ўтади.

Мазкур дарсларни ўқитиш учун Халқ таълими вазирлиги томонидан намунавий сценарий ва тавсиялар ишлаб чиқилди.

Қуйидаги ҳаволалар орқали сценарий ва тавсияларни юклаб олишингиз мумкин:

“Биринчи қўнғироқ”нинг НАМУНАВИЙ СЦЕНАРИЙСИ ва ТАВСИЯЛАР

“Мустақиллик дарси”дан ўрин олган мавзуларни ўқитишда фойдаланиш тавсия этилаётган ТEЗИСЛАР (ПЕДАГОГЛАР УЧУН)

“Мустақиллик дарси” ТАҚДИМОТИ


Халқ таълими вазирлигининг расмий саҳифаларига уланиш
Telegram | Youtube | Facebook | Instagram Ochish/sharhlash

2022-08-31 04:12:38 10-IDUM ning 5-a sinf òquvchisi Abdullajonov Boburjon Namangan prezident maktabiga 4-òrinda qabul qilindi.Bu òquvchi nafaqat prezident maktabiga, prezident agentlik maktabiga, Al-Xorazmiy maktablarida ham a'lo natijalarni kòrsatgan.
Bu yutuqlari bilan maktab jamoasini chin yurakdan tabriklaymiz. Ochish/sharhlash

2022-08-31 00:56:54 РЕПЕТИТОР, ЎҚУВ МАРКАЗЛАРИ, БОШЛАНҒИЧ СИНФ ЎҚИТУВЧИЛАРИ ВА ШОҲ СУЛАЙМОН ҲАҚИДА

Ёшлигимда Венецкийни " Рассказы о металлах" деган асарини ўқиганман ( ва тавсия қиламан).

Шунда шоҳ Сулаймон тўғрисида бир ривоят келтириладики, қисқача мазмуни шундай:
Шоҳ Сулаймон қасри қуриб битказилгач, базму жамшид ташкил қилиб, биринчи бўлиб, тош терувчи устадан сўрайди: " Бу қаср қурилишига кимнинг меҳнати энг кўп сингган?".
У эса "Табиийки, бизники, биз тошларни шунчалик қунт билан термасак, қаср бўлармиди?" дея жавоб қайтаради.
Кейин эса шоҳ дурадгорга юзланади. Дурадгор эса: " Агар биз тахтадан қаср шаклини қилиб бермасак, тош терувчи шунча иш қила олармиди, албатта, бизнинг меҳнатимиз илк ўринда" дейди.
Унинг гапини бўлиб, ер қазувчи: " Агар биз фундамент учун ер қазиб бермасак, иккалангиз ҳам нима қила олардингизлар, биз асосий меҳнатни қилганмиз" дея эътироз билдиради.
Шунда Сулаймон уччаласига ҳам юзланиб: "Сизларнинг иш қуролларингизни ким қилиб берган?" дея савол беради. Шунда уччаласи ҳам: " Албатта, темирчи!" дея жавоб беради.
Шунда оқил Сулаймон: "Демак, бу қасрнинг қурилишига аслида темирчи асосий сабабчи бўлган" деб хулоса қилади.

Қиссадан ҳисса шуки, бугун: "Мен боламни репетиторга бердим, ўқув марказида тайёрланади, мактаб ҳеч нарса бермади" деганларга юзланиб, болангизга қалам ушлашни ўргатиб, ёзиш, ҳарф таниш, алифбодан сабоқ бериб, илмнинг илк қадамига тетапоя қилган оддий, лекин улуғ устоз - бошланғич синф устозларни унутманг, демоқчиман! Улар репетитор эмас, улар ўқув марказлари қурмайди, лекин улар қасрларнинг асл меъморларидир.

Лазиз Хўжақулов,
Халқ таълими вазирлиги Таълим сифати жараёнларини мувофиқлаштириш департаменти директори Ochish/sharhlash

2022-08-30 14:00:51 «Поп тонги» газетасининг навбатдаги сони нашрдан чиқди.

Каналга уланиш
https://t.me/joinchat/AAAAAFTNv413wd5vgR6rbg Ochish/sharhlash