ОДАМ ВА ПУЛ Одам ўзи ўйлаб топганди пулни, Сўнг ўзидан унга я | Pok Qalb

ОДАМ ВА ПУЛ

Одам ўзи ўйлаб топганди пулни,
Сўнг ўзидан унга ясади қулни.

Пул учун сотади баъзан иймонни,
Муқаддас Ватанни, азиз инсонни.

Бировни бировмас - ўзгартирар пул,
Танимай қолади танишин буткул.

Пул учун хиёнат қилар ўзига,
Содиқ қолмас ичган қасам, сўзига.

Лек меҳрни пулга топиб бўлмайди,
Пулни қучоқлаб, ё ўпиб бўлмайди.

Бўлмайди бор пулнинг тагига етиб,
Бўлмайди бир танга ё олиб кетиб.

Пул ўйнаб юрибман демасин киши,
Асли пулнинг одам ўйнатмоқ иши...

@PokQalib | Ibratli Xikmatlar va Xikoyalar...