Project Managers Blog

2021-12-08 07:33:54 8-dekabr - O'zbekiston Respublikasi Davlat Konstitutsiyasi kuni!

Aziz vatandoshlar, sizlarni ushbu bayram bilan Project Managers jamoasi nomidan tabriklaymiz. Yurtimiz tinch, osmonimiz musaffo bo'lsin.

@pmuzbekistan Ochish/sharhlash

2021-12-01 14:29:33 Nurafshon IT markazi loyihasi 1-bosqich kurslari muvaffaqiyatli yakunlandi

Shu yilning iyul oyida Nurafshon shahar hokimligi metsenatligida Rossiyaning Qozon shahri Innopolis IT Universiteti bilan hamkorlik qilgan holda Frontend onlayn darslari yoʻlga qoʻyilgan edi. Qariyb 5 oy davom etgan kurs 20-noyabrda oʻz nihoyasiga yetdi.

Project Managers kompaniyasi tomonidan mazkur loyiha doirasida amaliy yordam berib, bolalarni o’zlashtirishida o’z hissasini qo’shgani uchun Toshkent shahridagi INHA universiteti talabasi Sobirov Bahromga tashakkurnoma taqdim etildi.

Innopolis IT Universiteti bilan qilingan ushbu loyiha IT ta'lim tashkillashtirish borasida yana bir tajriba bo'ldi.

Project Managers kompaniyasi yurtimiz hududlarida sifatli IT kadrlar yetishib chiqishini qo'llab-quvvatlaydi.

@pmuzbekistan Ochish/sharhlash

2021-11-12 16:43:21 Bugun, 12-noyabr kuni Ukrainadagi Sigma Software Group o'quv ishlari bo'yicha direktori Maksim Pochebut “Project Managers” kompaniyasiga tashrif buyurdi.

Maksim Pochebut mazkur tashrifi orqali Ukraina va Oʻzbekiston IT sohalari rivoji, shu yoʻnalishda mijozlar bilan kommunikatsiya qilish, mahsulot yaratishdan tortib uni bozorga chiqarishgacha boʻlgan jarayonlarni bir qadar solishtirib koʻrishni maqsad qilgan edi. Project Managers bilan boʻlgan suhbatda Pochebut IT kompaniyalarni noldan yaratish va dunyo IT bozori borasidagi tajribalari bilan boʻlishdi.

Uchrashuv davomida “Project Managers” IT kompaniyasi faoliyati bilan yaqindan tanishildi, Imkon jamoasi bilan bevosita suhbat uyushtirildi. Suhbat yakunida oʻzaro hamkorlik va davomli doʻstlik munosabatlari masalasi kelishib olindi.

Project Managers — mustahkam hamkorlik qadriyatlari biz uchun muhimroq.

@pmuzbekistan Ochish/sharhlash

2021-11-01 16:52:13 Menejerlar uchun top 3 kitob

Project Managers jamoasi sizga sinovdan o’tgan kitoblar uchligini tavsiya etadi. Kitob o’qish foydali, ishonchli kitoblarni o’qish esa foydaliroq.

1. PIXAR. Muallif Lourens Levi 12 yil davomida Amerikaning Pixar kinostudiyasi moliyaviy direktori lavozimini egallagan. O‘z kitobida Stiv Jobsning qo‘ng‘irog‘idan keyin Pixar’da ish boshlagani, ko‘ngilochar sanoatning o‘ziga xosligi, kompaniyaga uzoq yillar mobaynida gullab-yashnash imkonini bergan strategik va biznes vazifalar haqida so‘zlaydi.

2. Agile: Loyihalarni baholash va rejalashtirish
Kitob muallifi, loyihalarni rejalashtirish sohasi mutaxassisi Mayk Kon kitobxonlarga ishga agile-yondashuv haqida gapirib, biznes-loyihalarni o‘z vaqtida va byudjyetdan chiqmasdan amalga oshirish uchun zarur bo‘lgan instrumentlarni ochib beradi.

3. Boshqaruvning Osiyocha usuli: Xitoy, Yaponiya va Janubiy Koreyada biznes qanday boshqariladi.
Muallif Sing Ong Yuning fikriga ko‘ra, g‘arb kompaniyalari ratsionallik va samaradorlik tushunchalari bilan ish ko‘radi, sharqliklar uchun esa axloq-odob kodeksi va o‘zaro munosabatlar muhimroq. Bu kitob ishbilarmonlik madaniyati va Osiyolik hamkasblar bilan mustahkam munosabat o‘rnatishni istaganlar uchun foydali yo‘lboshlovchiga aylanadi.

@pmuzbekistan Ochish/sharhlash

2021-11-01 16:52:06 Ochish/sharhlash

2021-10-24 06:42:17 Yurtimizda O'zbekiston Respublikasi Prezidentligiga saylov jarayonlari boshlandi. Saylov 24-oktabr soat 08:00dan 20:00ga qadar davom etadi!

O‘zbekiston Respublikasi Prezidentligiga nomzodlar:

1. O‘zbekiston Ekologik partiyasidan – Narzullo Naimovich Oblomurodov;
2. O‘zbekiston Xalq demokratik partiyasidan – Maksuda Azizovna Varisova;
3. Tadbirkorlar va ishbilarmonlar harakati – O‘zbekiston Liberal-demokratik partiyasidan – Shavkat Miromonovich Mirziyoyev;
4. O‘zbekiston “Milliy tiklanish” demokratik partiyasidan – Alisher Keldiyevich Qodirov;
5. O‘zbekiston “Adolat” sosial-demokratik partiyasidan – Bahrom Abdurahimovich Abduhalimov.

O'zbekiston Respublikasi Prezidenti 5 yil davomida 2 marotaba ketma-ket saylanish huquqiga ega. Yurt taqdiri uchun befarq bo'lmagan holda, saylovda qatnashing va kelajak uchun to'g'ri qaror qabul qiling!

@pmuzbekistan Ochish/sharhlash

2021-10-12 13:29:29 Talabalar uchun keng tarmoqli grant

imkon.uz "Metsenat" bo'limida Uzbekistan GTL mas’uliyati cheklangan jamiyati stipendiyalar dasturi e’lon qilindi.

Dasturning maqsadi: sintetik suyuq yoqilg‘i ishlab chiqarish zavodi uchun kadrlar tayyorlash dasturini kengaytirish, iqtidorli talabalarni moddiy va ijtimoiy qo‘llab-quvvatlash.

Necha kishiga beriladi: 12 nafar

Qaysi ta'lim yo'nalishi uchun?
Stipendiya kimyo-texnologiya, biologiya, mashinasozlik, ekologiya, metrologiya yo’nalishida kunduzgi ta’limda tahsil olayotgan 3 va 4-bosqich bakalavr talabalari hamda 1 va 2-bosqich magistrantlari uchun beriladi.
Qo`shimcha ma`lumot uchun

Hujjatlar 15-oktabrgacha qabul qilinadi. Shundan so’ng ichki imtihon orqali g’oliblar aniqlanadi.

Onlayn ariza yuborish:
https://imkon.uz/metsenat/110

@imkon_uzbekistan Ochish/sharhlash

2021-10-05 09:55:56 Project Managers kompaniyasining tarixini bilasizmi?

Bizning kompaniya 13-avgust 2019-yil ko'plab ijtimoiy loyihalar tashabbuskori va kiberxavfsizlik bo'yicha mutaxassis Alisher Tojiyev tomonidan asos solingan. Hozirgi paytgacha jamoamiz 50 dan ortiq loyihalarni amalga oshirib keldi.

Bizning jamoa IT sanoatining eng dolzarb tarmoqlari boʻlgan:
• Axborot xavfsizligi;
• Oʻyin yaratish;
• Veb ilova yaratish;
• Mobil ilova ishlab chiqish;
• 2D&3D dizayn;
• Raqamli marketing.
Xizmatlarini koʻrsatib kelmoqda.

Bizning afzalliklarimiz:

- Barcha topshiriqlaringiz yechimi hamda istaklaringiz amalini mutaxassislarimiz tomonidan professional darajada olasiz;

- Jamoamiz aʼzolarining asosiy qoidasi – olingan loyihani xuddi oʻzlari uchun bajargandek amalga oshirish. Bu kabi yondashuv ish yakunida sifatli va samarali natijalarni beradi;

Qo‘shimcha ma’lumotlar:
Tel: +998 90 000-33-06, @PM_support_chat
E-mail: pm@lenta.uz
projectmanagers.uz Ochish/sharhlash

2021-09-25 14:40:35 "Imkon Uzbekistan" rivojlanish istagida bo'lgan yoshlarni amaliyot dasturiga taklif qiladi!

Nega aynan bizni tanlashingiz kerak:
- ishga zamonaviy yondashuv;
- doimiy o'sish va rivojlanish imkoniyati;
- samimiy va do'stona muhit;
- shinam ofis;
- haftalik masterklaslar;
- karyera o'sishi.

Talablar:
- o'zbek tilida ravon yozish;
- rus va ingliz tillarini o'qib tushunish darajasida yaxshi bilish;
- tasklar oqimiga tayyor bo'lish;
- katta va quvnoq jamoada ishlay olish;
- digital media bilan tanish bo'lish.

Batafsil ma'lumot uchun:

hr@imkon.uz
@Imkon_support_chat, +998933972608

@imkon_uzbekistan Ochish/sharhlash

2021-09-22 11:17:43 Kiberxavfsizlik va uning foydalari

Kiberxavfsizlik — bu elektron maʼlumotlar maxfiyligi, xaker hujumlardan, shaxsiy maʼlumotlardan tortib davlat tizimlariga qadar himoyaga aytiladi.

Misol uchun, siz internet magazin ochgansiz, uni veb sahifasiga 30000-40000$ atrofida pul sarfladingiz, sizning biznesingiz aynan shu veb sahifa orqali yuritiladi. Agar xakerlar tomonidan sizning veb sahifangizdagi maʼlumotlar oʻgʻirlansa, biznesingiz bankrot boʻlishi tabiiy.

Shuningdek, Project Managers IT kompaniyasi oʻzining dasturiy mahsulotini yaratishda mijozlarning shaxsiy himoyalanishiga masʼuliyat bilan yondashadi.

Bundan tashqari, biz mijozlarga yaratilgan mahsulotlarini xavfsizligini taʼminlaymiz. Shuningdek, zaruriy digital xavfsizlik boʻyicha beminnat konsultatsiya xizmatini taqdim etadi.

Project Managers kompaniyasi axborot xavfsizligi sohasidagi barcha xizmatlar va yechimlarni taklif qiladi.

@pmuzbekistan Ochish/sharhlash