​​Мирзиёев ва Мун нималарни муҳокама қилди? Ўзбекистон Прези | platforma.uz

​​Мирзиёев ва Мун нималарни муҳокама қилди?

Ўзбекистон Президенти Шавкат Мирзиёев ва Жанубий Корея Президенти Мун Чже Ин ўртасида олий даражадаги музокаралар бўлиб ўтди.

Мулоқот чоғида томонлар нодир металларни етказиб бериш ва соғлиқни сақлаш соҳасидаги ҳамкорликни мустаҳкамлаш билан бирга икки томонлама савдо битимини илгари суриш бўйича келишиб олдилар.

Ўзбекистон раҳбарини қутлар экан, Мун унинг йилнинг биринчи ва охирги саммити Мирзиёев билан ўтказилгани “жуда муҳим” эканини айтди. Биринчиси, январь ойи виртуал тарзда ўтказилди.

Мунни “биродарим” деб атаган Мирзиёев ўзини уйдагидек ҳис қилишини айтиб, ўзбек халқининг Жанубий Корея ва унинг халқига бўлган меҳрини етказди.

Учрашув якунида қўшма баёнот қабул қилинди. Унда мамлакатлар ўзаро алоқаларни, жумладан, савдо келишуви орқали, Жанубий Корея Ўзбекистоннинг Жаҳон савдо ташкилотига аъзо бўлишини қўллаб-қувватлаши, шунингдек, саноат ва фан, қурилиш ва бошқа соҳаларда ҳамкорлик қилиш бўйича аниқ режаларни амалга оширишга интилиши тасдиқланди.
Саммит якунида еттита шартнома ва ўзаро англашув меморандумлари ҳам имзоланди.

Олий даражадаги музокаралар "Чонг Ва Даэ"даги тушлик билан якунланди.

Келаси йили икки давлат дипломатик муносабатлар ўрнатилганининг 30 йиллигини нишонлайди.
@platformauzb