2023-05-19 06:11:17
ကိုယ်နဲ့ ခင်တာ ၁၀ စုနှစ်တစ်ခုကျော်လောက် ရှိပြီဖြစ်တဲ့ ညီမတစ်ယောက်ရှိတယ်။ ခင်ခါစတုန်းက သူက ဆေး ၂ မှာ Final part 1 ပဲရှိသေးတာ။ အခုတော့ဆရာဝန်ပေါ့။ ၂၀၂၁ ဖေ ၁ ကိစ္စဖြစ်တော့ အွန်လိုင်းမှာ အရမ်းရဲရဲတောက်ပြီး စည်းလွတ်ဘောင်လွတ်တွေရေးလို့ ဘလော့လိုက်မိတယ်။
နည်းနည်းကြာတော့မှသူက နောက်အကောင့်မှာလာမေးတယ် ကိုကြီးညီမလေးကို ဘလော့လိုက်တာလားတဲ့။
ဟုတ်တယ်လို့ ငါတို့မလုပ်တဲ့ကိစ္စတစ်ခုအတွက် ငါတို့တစ်ဖွဲ့လုံးတင်မကဘူး ငါတို့မိသားစုတွေဆွေမျိုးမိတ်ဆွေတွေကိုပါ နှိမ့်ချဆက်ဆံနေကြတဲ့ ပါတ်ဝန်းကျင်အားလုံးကို ငါ့ဘက်ကစပြီး ဥပက္ခာပြုနေတာလို့ပြောလိုက်တယ်။
ညီမလေးမပြောလို့လည်းမရဘူး မရေးလို့လည်းမရဘူး ညီမလေးကျင်လည်နေတဲ့ အသိုင်းအဝိုင်းအကြောင်းကိုကြီးအသိဆုံးပါ။ ကိုကြီးအဖေလည်း ဒီအသိုင်းအဝိုင်းမှာ အကြီးအကဲလုပ်ခဲ့တာပဲ။ ညီမလေးကို နားလည်ပေးပါတဲ့။ အဲ့နောက်ပိုင်းဘာမှဆက်မပြောဖြစ်ကြဘူး။
၁ လလောက်ကြာတော့ စကားလာပြောတယ် ကိုကြီး ညီမလေး CDM လုပ်လိုက်ပြီတဲ့ .. ကိုယ်မှန်တယ်ထင်တာလုပ်တာပဲ လုပ်ပေါ့လို့ပြောလိုက်တယ်။ မလုပ်လို့မရဘူးကိုကြီးရေ ဆေးရုံတစ်ခုလုံးမှာ CDM မလုပ်ရသေးတာ ၅ ယောက်ပဲကျန်တာတဲ့။
တစ်နှစ်ကျော်ကျော်လောက်ကြာတော့ ဖုန်းဆက်တယ် ကိုကြီးညီမလေးတို့ကို ဝန်ထမ်းနည်းဥပဒေအရ removal လုပ်လိုက်ပြီတဲ့။ စိတ်ညစ်လိုက်တာကိုကြီးရယ် အလုပ်ကလည်းပြန်ရှာလို့မရတော့ဘူး။ အချိန်ကလည်းတော်တော်ကြာနေပြီတဲ့။
ဒီလိုဖြစ်မယ်ဆိုတာသိလားလို့မေးတော့ သိတယ်ကိုကြီးတဲ့ ညီမလေးသေချာစဉ်းစားပြီးမှလုပ်ခဲ့တာတဲ့။ ဒါဆိုစိတ်ညစ်မနေနဲ့လေ ကြုံလာတဲ့ဘဝကို အကောင်းဆုံးရင်ဆိုင်လို့၊ အကူညီလိုရင်လည်းပြောလို့ အားပေးလိုက်တယ်။
အဲ့နောက်ပိုင်းသူလည်း ဖေ့ဘုတ်သိပ်မသုံးဖြစ်တော့ဘူး။ ပို့စ်တင်ရင်လည်းစိတ်ဓါတ်ကျတဲ့အကြောင်းတွေပဲတင်တာတွေ့တယ်။ တစ်လောက သူ့အကောင့်မတွေ့တော့လို့ နင်ငါ့ကိုဘလော့ထားတာလားလို့ ဖုန်းဆက်မေးတော့မှ ငိုတယ်…
ညီမလေးဖေ့ဘုတ်မသုံးချင်တော့ဘူးကိုကြီးတဲ့။ သူများတွေတင်နေတာတွေရေးနေတာတွေ မြင်ရင် စိတ်ဓါတ်ကျလာလို့တဲ့။ ညီမလေးဆေးပဲကုတတ်တယ် ကိုကြီးတဲ့။ ခိုးကြောင်ခိုးဝှက်နဲ့လည်းဆေးမကုချင်ဘူး။ ညီမလေးဆရာဝန်ဆိုတဲ့ ဂုဏ်နဲ့ ခေါင်းမော့ရင်ကော့နေချင်တာ။ အခုညီမလေး ကုမ္ပဏီတစ်ခုမှာ မန်နေဂျာလုပ်နေတာ။ လုပ်လဲမလုပ်တတ်ဘူး ပျော်လည်းမပျော်ဘူး ဆေးရုံမှာ ဘယ်လောက်ပင်ပန်းပါစေ ဆေးပဲကုချင်တယ်ကိုကြီးရယ်။ အခု စိတ်ဓါတ်တွေလည်းကျနေပြီ ဘဝက ဘာအဓိပ္ပါယ်မှမရှိတော့ဘူး ကိုကြီးတဲ့။
ကိုလည်း စိတ်ဓါတ်မကျဖို့နဲ့ ကူညီနိုင်တာရှိရင် အတတ်နိုင်ဆုံးကူညီမယ့်အကြောင်း အားပေးပြီး ဖုန်းချလိုက်တယ်။
ဒီညီမလေးဆို စာအရမ်းတော်တာ၊ စာလည်းအရမ်းဖတ်တယ်၊ အရမ်းလည်းထက်တယ်၊ Active လည်းဖြစ်တယ် အမြဲတက်ကြွလန်းဆန်းပြီး proud ဖြစ်တယ်။ ၁၀ တန်းတုန်းက သူ့တစ်မြို့နယ်လုံးမှာ အမှတ်အများဆုံးရတာ။ ပေါင်းသင်းဆက်ဆံရေးလည်းကောင်းပြီး ပြောတတ်ဆိုတတ် လုပ်တတ်ကိုင်တတ်လေး။
ကိုယ်စဉ်းစားမိတာက
ဖြစ်လာမယ့် အကျိုးဆက်ကိုသေချာစဉ်းစားဆုံးဖြတ်ပြီးမှ ခိုင်ခိုင်မာမာ CDM လုပ်ခဲ့တဲ့ ဒီလိုဆရာဝန်ညီမလေးတောင် ဒီလိုဖြစ်နေရင် ဘာမှလည်းမသိဘာမှလည်းမတတ် ဘာမှလည်းနားမလည်ဘဲ အွန်လိုင်းကနေသူများမြှောက်ပေးတာကို အဟုတ်ထင်ပြီး လုပ်မိခဲ့တဲ့ မိသားစုတွေ ဘယ်လောက်တောင်များ ဒုက္ခရောက်နေကြမလဲလို့
ဓါတ်ပုံက ဘာထည့်ရမှန်းမသိလို့ တွေ့တာထည့်ပေးလိုက်တာ
CRD-မိုးသောက်ကြယ်
72 views03:11