PS. Ажойиб! Шоира токсик муносабатларни бадият билан жуда чиро | Shaxsiy_kutubxona
PS. Ажойиб! Шоира токсик муносабатларни бадият билан жуда чиройли очиб берибди.
Мен ҳудбинман,
Истакларим ҳам,
Меникилар менга бўлишсин!
Мени демас меникимаслар,
Мендан нари ўйнаб-кулишсин.
Мен ҳудбинман,
Мен севган инсон,
Менсиз нафас ололмай қолсин.
Йўқлигимдан қуласа осмон,
Борлигимдан қувончга тўлсин.
Нигоҳига сиғмасин ўзга,
Кўнглин менга берсин бус-бутун.
Ширингина жонидан кечсин,
Биттагина қарашим учун.
Юзларимни тиласин ойдан,
Сўзларимсиз татимасин бол.
Менсиз бир кун яшай олдими,
Ана эшик,
Кетсин,
Бемалол.
Ҳудбинмана?!
Биламан,аммо,
Чорасизман,
Ҳайрон турибман.
Шундайлигим туфайли балки,
Қаранг, ҳамон ёлғиз юрибман...
М. Салимова
@PsixoBLOGuz
