PK

Peshqadamlar Mediada

Bugun loyihaning media yo‘nalishida yig‘ilish bo‘lib o‘tdi. Unga Muslim Mind va Islom Fikri kanali mualliflari tashrif buyurdilar. Ular Islom madaniyati, tarixi, Islomga turli zamon va makonlardagi munosabatlar haqida podkast va qisqa metrajli filmlar ishlash, inglizcha ommabop kitoblarni o‘zbek tiliga o‘girish borasida Peshqadamlar Karvoni bilan hamkorlik qilishga kelishib oldilar.

Shuningdek, notiqlik va dublyaj sohasi mutaxassislari ham loyihaga xolis yordam berish maqsadida qiziqarli video va audio materiallar tayyorlash bo‘yicha o‘z g‘oyalarini bo‘lishdilar. Shu bilan birga, o‘z mehnat va qobiliyatlari orqali loyiha rivojiga hissa qo‘shish istagini bildirdilar.

Alloh ulardan rozi bo‘lsin va birgalikda xayrli ishlarni amalga oshirishimizga muvaffaq qilsin!

Aytgancha, suratlardan ko‘rib turganingizdek, bu loyiha faqat ayollarga xos emas. Bizning maqsadimiz ayol-u erkak, yosh-u qarida ilm olishga birdek rag‘bat uyg‘otishdir. Chunki, ilm olish har bir erkak va ayolga farzdir. Siz ham bizning karvonga qo‘shiling va yaxshilik yo‘lida hamkorlik qiling!

t.me/peshqadamlar_karvoni

Ayollarni qo‘llab-quvvatlash

Kecha ehtiyojmand ayollarga kasb-hunar va bepul sifatli ta’lim egallashlarida yordam berish uchun uchrashuv tashkil qilindi.

Unda ayollarga o‘z hamkorligi asosida xolis yordam berishni istagan faollar qatnashdilar. Ular o‘zlari egallagan mutaxassislik bo‘yicha ayol-qizlarga bepul ta’lim berish, malaka oshirish kurslari, qo‘l hunarmandchiligi to‘garaklari va jismonan zaif bo‘lganlarga mo‘ljallangan maxsus til kurslarini tashkillashtirish borasida o‘z rejalarini taqdim qildilar.

Yana loyihaga katta hissa qo‘shib kelayotganlar ham mehnatlariga yarasha taqdirlandilar. Bunda ayol-qizlarga ko‘maklashishda 4 yildan beri faoliyat ko‘rsatayotgan Adolat Husanova va loyiha tashkiliy ishlarida ko‘maklashayotgan Islom Moliyasi mutaxassisi Muzaffar Husniddinov “Peshqadamlar karvoni” a’zolik nishoniga ega bo‘ldilar.

Alloh ulardan rozi bo‘lsin va xayrli ishlarda hamkorligimizni bardavom qilsin!

t.me/peshqadamlar_karvoni

Айни дамда "Пешқадамлар карвони" муассасаси раҳбари Одинахон Муҳаммад Содиқ иштрокида "Muallim school" ўқувчилари ва ота-оналар учун 
фарзанд тарбиясидаги энг қалтис давр - ўсмирликнинг нозик жиҳатлари ва бу даврда амал қилишимиз лозим бўлган фойдали, ҳаётий тавсиялар борасида суҳбат бўлиб ўтмоқда. 
Ўқув йилининг иккинчи чораги ниҳояси муносабати билан уюштирилган мазкур учрашув сўнгида "Muallim school" мактабида ташкил қилинаётган Пешқадамлар карвони лойиҳасининг "Мактаба" йўналиши бўйича ҳамкорлик шартномаси тузилиши кўзда тутилган.

T.me/bintusodiq

Navbatdagi uchrashuv

Bugun "Peshqadamlar karvoni" loyihasining 3-yo'nalishi ya'ni Hazratimizning asarlari borasida ilmiy ishlar yozish bo'yicha navbatdagi uchrashuv bo'lib o'tdi. Uchrashuv ishtirokchilari Shayx Muhammad Sodiq Muhammad Yusuf hazratlarining ilmiy meroslariga tayanib, tadqiqot o'tkazish, ilmiy maqolalar yozish, hazratning asarlarini chet tillariga tarjima qilish bo'yicha murojaatlar yo'llashgan edi.                                                     

Bundan tashqari, Hazratning asarlarini, ovozli va video darsliklarini, suhbatlarini yangicha yo'nalishda subtitr bilan tarjima qilish va tezislar yozish bo'yicha tashrif buyurgan  ishtirokchilar ham loyihaga doir o'z fikr va takliflarini berdilar.                                                                     
Fursatdan foydalanib, shu yo'nalish bo'yicha Jaloliddinova Mahfuzaxon va 2-yo'nalish "Kitobxonlikni rivojlantirish tashabbuslari" bo'yicha Farg'ona viloyatidan tashrif buyurgan Qurbonova Sohibaxon bilan shartnoma tuzildi va "Peshqadamlar karvoni"  nishoni bilan taqdirlandilar. Ularni karvonimiz safiga qo'shilganlari bilan tabriklaymiz va birgalikdagi safarda ulkan zafarlar tilaymiz.

Zuxra Sayf tayyorladi.

T.me/bintusodiq