ФАРЗАНД ТАРБИЯСИГА ОИД ЎГИТЛАР: • Фарзанларни ёшларига қа | PEDIATR👩⚕️ONLINE🔵
ФАРЗАНД ТАРБИЯСИГА ОИД ЎГИТЛАР:
• Фарзанларни ёшларига қараб муомала қилишни ўрганинг: кичик марҳалада ўйнанг ўргатинг, ўрта марҳаларда ўргатинг ўйнаманг ва катта марҳалада сирдош дўст бўлинг.
• Ота-онангизга яхшилик қилинг, фарзандингиздан яхшилик кўрасиз.
• Тарбияда қаттиқ қўл бўлманг, мулоимлик йўлини тутинг, шунда бола гўзал ахлоқли бўлади.
• Улар билан ўрта меъёрда муомала қилинг: ошириб ҳам, камайтириб ҳам юборманг.
• Тарбиядан мақсад: уларни солиҳ ва ислоҳ қилувчи бўлиб етишишларини мақсад қилинг.
• Болаларга: Аллоҳ кузатиб тургувчи Зотлигини уқтириб боринг, одамларнинг гапи учун яшамасин.
• Ҳадеб ваъз ўқиб уларни ўзинизга мухотоб қилиб олманг.
• Ҳар қандай шиддатли ҳолатда ҳам илиқ бўлинг, муҳаббатингизни кўрсатинг.
• Уйдаги шароитга кўра тоқатлари етадиган қонун-қоидаларни низом қилиб беринг, ўз бошимча ё бекорчи бўлишмасин.
• Болаларни ҳурмат билан қадрлаб гаплашинг, токи ота-она наздида қадри борлигини, бошқлар ҳам ҳурмат-иззат қилишини ҳис этсин.
• Болаларга тоқатидан ошиқча нарсаларни юкламанг, бошқаларга тенглаб пастга урманг, балки ўзларидаги қобилият ва фазилатни ривожлантиришга ёрдам қилинг.
• Уларнинг олдида ота-она мухолиф ҳолатда бўлманг.
• Фарзандларга хоссатан суҳбат учун, мажлис учун вақт ажратинг.
• Уларга дўст танлашда ёрдамлашинг, албатта.
• Энг аввало ўзингиз болангиз учун яхши яхши намуна бўлишга урининг.
• Болаларнинг ҳаққига доим яхши дуода бўлинг, асло дуоибад қилманг.
• Боладаги камчиликларини юзига солманг, уларни сўкманг, яхши мисоллар билан тузатинг.
• Болаларнинг ҳақларини чиройли ўтанг, уларни ҳадялар билан, кутилмаган совғалар билан сийлаб туринг.
• Бола бир нима демоқчи бўлса, диққат билан охиригача эшитиб туринг, сўзини бўлмасликка ҳаракат қилинг.
• Болани ўз исми билан, ё ўзига ёққан чиройли ва шижоатлантирувчи таҳаллус ва сифатлар билан чақиринг.
• Болаларни эркин фикрлашга, мустақил ихтиёр қилишга одатлантиринг, тақлидчи қилиб қўйманг.
• Сўрагани ёқмаса; даров: йўқ, дейишлик сиёсатини ташланг, балки сўраб, фикрини билиб муноқаша қилинг, хато бўлса тарк этишга кўндириб, кейин: биргаликда тўғри қарорни танлашни одат қилинг.
• Бола агар сиз ёқтирмаган ишни қилса, уни чиройли суратда даф қилинг, терс, кескин раддиялар билан совутманг.
• Бола билан очиқ ва содиқ бўлинг доим.
• Фазандлар ўртасига тушманг, магар зарурат ҳолатда қўшилинг.
• Бажараётган ишини ўзига қўйиб беринг, магар ўзи ёрдам сўраса ё ёрдам талаблигини сезсангиз кўмаклашинг, токи кимгадир суяниб қолиб яшамасин, ўзига ишониб Аллоҳга суянсин.
• Болага табассум ва ширин сўз бўлинг, токи сизга қалби эриб турсин.
• Фарзандлар ўртасида барча нарсада адолатли бўлинг, ораларини ажратманг.
• Ҳикмат билан сўзлаш ва иш олиб боришни алоҳида ўргатинг.
• Ҳар хатосини тузатаркансиз, хато устида тузатиш зарур бўлмаса, алоҳида ўринларда ё мисоллар билан, ё киноя билан хато содир бўлган ўриндан бошқа ўринда тузатинг.
@pediatronline