PAYARIQ HAYOTI | Rasmiy kanal

2023-04-12 18:46:46 #брифингдайжест

2023 йил 15 апрелдан бошлаб эксперимент тариқасида халқаро молия институтларидан жалб қилинган маблағлар ҳисобидан Қишлоқ хўжалигида хизматлар кўрсатиш агентлиги ҳузуридаги “Агросервис оператор” ДУК орқали ташаббускорларга лойиҳаларини молиялаштиришнинг янги тизими жорий этилади.



“zaxira.argos.uz” рақамли платформаси ишга туширилди. Энг юқори кўрсаткичларни қайд қилган номзодларни хорижий давлатларга малака ошириш дастурлари ва стажировкага юбориш ҳамда раҳбарлик лавозимларига тавсия этиш режалаштирилган.

@PAYARIQHAYOTI_UZ Ochish/sharhlash

2023-04-12 18:38:17 Мутолаа

Мурод Муҳаммад Дўст

ИСТЕЪФО

(Қиссадан парчалар, давоми)

Галатепанинг эски раиси Раим Ғайбаров бир замонлар Эломонов билан синаштага озроқ гурунг қилиб, охирида: сен шу кичикроқ амалингда турганинг маъқул, Саидмуродбой, деб айтган эди, бургут осмон бағирлаб учади, чумчуқ – ер бағирлаб, чангалинг юмшоқ кўринади, отанг Замонбой анчайин чўпон бўлсаям, синчилиги бор эди, сенда у сиёқдан йўқ, оз-моз сиёсатни ўрганганинг билан асли кўнгли бўш йигитсан, ҳозир-ку баҳарнав, лекин каттароқ амалга минсанг, кўп одамнинг тақдирига эш бўласан, ана ўшанда, биров сенга рост гапирмай қўядиган маҳал нима қиласан, оқни қорадан ўзинг ажратиб оларингга чоғинг етадими?
Саидмурод Эломонов, ҳали ёш раҳбар, билаги кучга, юраги ғайратга тўлган йигит, Раим Ғайбаровнинг гапларидан кулди: сизнинг йўриғингиз бошқа оқсоқол, ҳаммани ўзингизга менгзаманг-да, кўнгилни кенгроқ қилинг, оқсоқол, дунёда яхшилар кўп!..
Раим Ғайбаров бу гапни жўяли топди: гапинг маъқул, Саидмуродбой, деди, яхши одам ҳам бор, лекин ёмоннинг биридан ҳам Худо асрасин!
Саидмурод Эломонов тағин кулди. Ғайбаровнинг бошидаги яғир телпагига, қаримсиқ юзига қараб туриб: сизнинг тушунчаларингиз шахсингизга яраша, яъники – эскирган, деб жавоб қилди, сизга ҳеч ким мен билан бу оҳангда гаплашиш ҳуқуқини бермаган.
Раим Ғайбаров, рост айтасан, ҳуқуқим йўқ, деди, лекин холанг Каромат, жияним билан бир гаплашиб, чоғини билиб беринг, деб эди, мана, гаплашиб, кўрганимни ўзингга айтдим, Саидмуродбой!
Саидмурод Эломонов холасининг иримчилигидан ғижинди, айтдики, сизнинг гапингиз Галатепадан нарига чиқмайди, мен билан сиздан бошқа, каттароқлар ҳам гаплашиб кўрган.
Раим Ғайбаров, ўша каттароқлар сенга ростини айтмабди, Саидмуродбой, деди, меникиям бир гурунг, ёқмаган бўлсаям майли, тўртта фарзандим бор, шуларнинг биттаси гапимни олса, шунинг ўзи катта давлат, сиз энди боринг, Саидмуродбой, бориб катталар билан гаплашинг!
“Сен”лаб турган одамнинг бирдан “сиз”га ўтгани Саидмурод Эломоновга ёқмади, лекин индамай чиқиб кетди. Раим Ғайбаров ҳайҳотдек ҳовлисида, каллакланган тут остидаги супада қолаверди...

Раим Ғайбаров кекчи одам эди, қайтиб Эломонов билан кўнгил ёриб гаплашмади, то ўла-ўлгунича, уни кўрса бас, алик ўрнига, мартабангиз янаям улуғ бўлсин, Саидмуродбой, деб ўтди...
Худди у айтганидек, бориб-бориб ҳеч ким Эломоновга рост гапирмай қўйди. Ёмонлар балки қасддан рост гапирмагандир, лекин яхшилар ҳам индамади, кўзингни каттароқ оч, Эломонов, биргина сенинг ҳалоллигинг билан иш битмайди, атрофингдагилардан ҳам бохабар бўл, деб айтадиган марди майдон топилмади...

@PAYARIQHAYOTI_UZ Ochish/sharhlash

2023-04-12 16:21:07 Миграция агентлигими ё... мигрантларни талайдиган “ширкат”?

Ташкиллаштирилган меҳнат миграцияси соҳасидаги “ташкиллаштирилган” коррупцион ўргимчактўр аломатлари ҳақида гапирган эдик. Бу орада Миграция агентлиги собиқ раҳбари жиноят иши бўйича қўлга олинганининг хабари ҳам чиқди. Навбатдаги суриштирувимизда Кореяга ишга жўнатиш тизими қанчалик коррупцияга ботиб кетгани ҳақида ўқувчиларимизнинг ҳикоялари асосида сўз юритамиз.

Батафсил: https://kun.uz/73077237

@PAYARIQHAYOTI_UZ Ochish/sharhlash

2023-04-12 16:11:07 Бугун Президент Шавкат Мирзиёевга Туркияда "Togg" бренди остида ишлаб чиқарилган илк миллий электромобиль тақдимот қилинди.

Туркия Президенти Режеп Таййип Эрдоған номидан юборилган машина калитини ушбу мамлакат саноат ва технологиялар вазири Мустафо Варанк топширди.

Давлатимиз раҳбари электромобиль рулига ўтириб, уни ҳайдаб кўрди.

Манба: @uzauz

@PAYARIQHAYOTI_UZ Ochish/sharhlash

2023-04-12 15:25:07 Ҳоким ёрдамчилари фаолиятини мувофиқлаштириш бошқармасига бошлиқ тайинланди

Рахмонов Сардоржон Содиқжонович Камбағалликни қисқартириш ва бандлик вазирлиги Камбағалликни қисқартириш, ҳоким ёрдамчилари фаолиятини мувофиқлаштириш бошқармаси бошлиғи вазифасига тайинланди.

С.Рахмонов тайинловга қадар Наманган вилояти Давлатобод тумани "Тадбиркор" маҳалласи ҳоким ёрдамчиси вазифасида ишлаган. Шунингдек, у "Келажак лидерлари" дастурининг 1-мавсуми битирувчиси ҳисобланади.

@PAYARIQHAYOTI_UZ Ochish/sharhlash

2023-04-12 11:43:35 Мутолаа

Мурод Муҳаммад Дўст

ИСТЕЪФО

(Қиссадан парчалар)

Эломонов хотинига яқин бориб, тирсагидан тутди. Кўзларига тик боқди. Сўнг Бинафшахоннинг билагидан ўпмоқчи бўлиб, лаб жуфтлади. Бинафшахон қўлини силтаб тортди. Эломонов бояги алфозда – қадди сал букик, лаблари чўччайганча қолаверди. Алами келди, заррача қадрим йўқ экан-да, деб ўйлади.
Қаддини ростлаган маҳали Бинафшахон даҳлизга чиқиб улгурган эди, ўша ёқдан овози келди:
– Эломонов!
Эломонов индамади.
– Кармисиз, Эломонов?!
Эломонов даҳлизга чиқди. Кўрдики, Бинафшахон курсида ўтириб, этикларини кияётир. Яқинроқ борди.
– Замогини тортишиб юборинг, – деб илтимос қилди Бинафшахон.
Эломонов чўнқайиб ўтириб, Бинафшахон этикларининг занжирқулфини жипслаб беркитди. Лекин занжирқулфдан сал чалғиб, нақ пешонасида тарвайган оёқларни кўрдию бирдан ҳамияти қўзғади, жаҳл билан этик қўнжларини қайтадан очиб ташлади:
– Ўзингиз кийинг! – деди ҳансираб.

***
– Ахир... сизни суйиб олганман, хоним!
Эломонов шу гапни андак араз ва андак ғурур билан, ёниброқ айтди. Лекин ёнгани Бинафшахонга кор қилмади.
– Мен сизга буюм эдиммики... олсангиз? – деди зарда билан.
Эломонов ранжиди, лекин кенглик қилди.
– Энди... эр бўлгандан кейин хотинни олади-да, – деди у. – Хотин тегади, эр олади...

***
Кечқурун янги ишга ўтганидан бери биринчи бор машина миниб қайтди. Очиқ деразадан урилган кечки салқин дилига хуш ёқди. Орқа ўриндиққа ястаниб олиб, кундузги хижолатини унутди. Кайфи чоғ, ўзи яшайдиган кўчага бурилар пайти шофёрига айтди:
– Дудутлатинг, Қулмуҳаммадбой, бизнинг кўчада бола-бақра кўп.
Шофёр кўчага қараб, бола зотини кўрмади. Лекин катталар истаганча топиларди.бошлиғининг ниятини ўзича фаҳмлади, маъқул топди...

(Давоми бор)

@PAYARIQHAYOTI_UZ Ochish/sharhlash

2023-04-12 10:12:56 Акобир Шамсиев, Самарқанд вилояти солиқ бошқармаси давлат солиқ бош инспектори:

- Солиқ кодексининг 423-моддасига кўра, жисмоний шахслар ер ва мол-мулк солиқларини тенг улушларда - баҳорги мавсумда 15 апрелдан, кузги мавсумда 15 октябрдан кечиктирмай тўлашлари лозим.

@PAYARIQHAYOTI_UZ Ochish/sharhlash

2023-04-12 09:10:28 Ochish/sharhlash

2023-04-12 09:10:07 Ochish/sharhlash

2023-04-12 09:08:02 Анор пўстининг фойдаси

Қуритилган анор пўчоғини кўк чой билан бирга чойнакка солиб, қайноқ сув билан дамланг. Бу чойни кечаси ухлашдан олдин ичсангиз, тиниқиб ухлайсиз.

Анор пўчоғи қайнатилган сув билан оғиз чайқасангиз, тиш оғриғи, милк яллиғланиши ва шамоллашидан халос этади. Чунки унда оғиз бўшлиғидаги бактерия ва вирусларга қарши курашиш хусусияти мавжуд.

Бундан ташқари, бу қайнатмадан иссиқлигида томоғингизни ғарғара қилиб, 2-3 ош қошиқ ичиб юборсангиз, томоқ оғриғи ва нафас йўлидаги шамоллашдан қутуласиз.

@PAYARIQHAYOTI_UZ Ochish/sharhlash