PAYARIQ TUMANI HOKIMLIGI

2022-09-01 11:11:36 Ўзбекистон мадҳияси Ниагара шаршараси олдида ижро этилди. Ochish/sharhlash

2022-09-01 10:57:55 Орден ва медаллар ўз эгаларига топширилди Ochish/sharhlash

2022-09-01 10:17:02 Пайариқ тумани ҳокими З.Эргашевнинг Ўзбекистон Республикаси мустақиллигининг 31 йиллиги байрами муносабати байрам ТАБРИГИ

Ассалому алайкум, азиз тумандошлар!

Авваламбор, Сизларни, Сизлар орқали оила аъзоларингизни ва туманимиз аҳлини энг улуғ, энг азиз байрам давлатимиз Мустақиллигининг 31 йиллиги билан муборакбод этаман.
Зеро, бу айём халқимизнинг ҳур ва озод яшаши, бахтли ҳаёти, фаровон турмушига асос бўлувчи энг муҳим сана сифатида тарихимиз зарварақларига битилган.

Ўтган қисқа даврда жонажон Ўзбекистонимиз машаққатли, шу билан бирга, шарафли истиқлол йўлини босиб ўтди.

Минг шукрона билан айтишимиз мумкинки, бугун аждодларимизнинг эзгу ниятлари, орзулари ижобат бўлди. Айни кунларда ушбу қутлуғ шодиёнани бутун республикамиз аҳли қатори пайариқликлар ҳам кўтаринки руҳда қарши олишди.

Қадрли тумандошлар!

Жонажон Ватанимиз мустақиллигига кўз тегмасин!
Байрамингиз муборак бўлсин, азизлар!

Зафар Эргашев,
Пайариқ тумани ҳокими.

Канала қўшилинг:

t.me/PAYARIQ_TUMANI_HOKIMLIGI
sampayarik.uz Ochish/sharhlash

2022-09-01 05:30:19 #TABRIK

Assalomu alaykum hurmatli tumandoshlar!

Sizlarni Mustaqilligimizning 31 yillik shodiyonasi bilan Payariq tumani hokimligi jamoasi samimiy muborakbod etadi. Oilangizdan tinchlik-xotirjamlik, fayzu baraka hech qachon tark etmasin. Yurtimizni Alloh o'z panohida asrasin. Mustaqilligimiz abadiy bo'lsin.

Kanalga qo‘shiling:

t.me/PAYARIQ_TUMANI_HOKIMLIGI
sampayarik.uz Ochish/sharhlash

2022-09-01 04:38:27 #хайрли_тонг

Ҳаддан ташқари кўп ишлаш ўлимга олиб келмайди, ўлимга фақат кучни беҳуда сарфлаш ва ташвиш сабаб бўлади.

Э. Ҳюс

Канала қўшилинг:

t.me/PAYARIQ_TUMANI_HOKIMLIGI
sampayarik.uz Ochish/sharhlash

2022-08-31 17:48:28 "Фурсатдан фойдаланиб, ислоҳотларимизни фаол қўллаб-қувватлаб, уларни амалга оширишда доимо фидоийлик кўрсатиб келаётган меҳнаткаш, олижаноб ва бағрикенг халқимизга чин дилдан таъзим қиламан.

Сиз, азиз юртдошларимни Ўзбекистон мустақиллигининг ўттиз бир йиллик байрами билан яна бир бор қутлаб, барчангизга сиҳат-саломатлик, оилаларингизга бахту саодат, файзу барака тилайман.

Эзгу орзу-ниятларимиз амалга ошсин!

Яратганнинг ўзи барчамизни паноҳида асрасин!

Юртимиз тинч, халқимиз омон, Мустақиллигимиз абадий бўлсин!”, деди давлатимиз раҳбари сўзининг якунида.

Facebook|Instagram|Twitter Ochish/sharhlash

2022-08-31 17:48:27 "Албатта, бундай кенг кўламли вазифаларни амалга оширишда олдимизда турли қийинчилик ва муаммолар пайдо бўлиши табиий ҳол. Лекин ўз тарихида қанча-қанча синов ва машаққатларни бошидан кечирган мард ва матонатли халқимиз ҳар қандай қийинчиликни енгиб ўтишга қодир. Мен бунга қатъий ишонаман.

Асосий муаллифи ва ижодкори халқимиз бўлган – янгиланаётган Конституциямиз бу йўлда мустаҳкам ҳуқуқий асос бўлиб хизмат қилади.

Асосий қонунимизни шошилмасдан, чуқур ўйлаб, халқимиз билан маслаҳат қилиб, фақат умумхалқ референдуми асосида қабул қиламиз.

Ишончим комил, Янги Конституциямиз чинакам халқ Қомуси, чинакам халқ Конституцияси бўлади", деди Президент.

Facebook|Instagram|Twitter Ochish/sharhlash

2022-08-31 17:48:27 Президент ушбу юксак марраларга эришиш учун 2026 йилгача Тараққиёт стратегияси доирасида 5 та асосий вазифани белгилаб берди.

Биринчи - таълим соҳасида фарзандларимиз замонавий билим ва кўникмаларни пухта эгаллашлари учун энг қулай шароитлар яратиш изчил давом эттирилади. Бунинг учун мактабларнинг ўқув дастурлари, ўқитиш услуби, дарсликлар мазмуни тубдан қайта кўриб чиқилади.

Иккинчи - ҳар қандай баҳсли масалага адолатли ечим фақат одил суд томонидан топилиши керак. Судьялар ишига ҳар қандай аралашув кескин жазоланади, уларнинг хавотирсиз ишлаши учун барча зарур шароитлар яратилади.

Учинчи - бизнесни ривожлантириш орқали қўшимча иш ўринлари яратилади, камбағаллик қисқаради, аҳоли даромадлари кўпаяди. Бунинг учун хусусий мулк ва тадбиркорликка халақит бераётган барча тўсиқлар бартараф этилади. Давлат бошқаруви ислоҳ қилиниб, иқтисодиётда давлат иштироки кескин камайтирилади.

Тўртинчи - соғлиқни сақлаш тизимида аҳолига янада сифатли ва малакали тиббий хизматлардан фойдаланиш имкониятини кенгайтирилади. Барча ҳудудларда шошилинч тиббий ёрдам қамрови оширилиб, одамларга янада яқинлаштирилади.

Бешинчи - аҳолини тоза ичимлик суви билан таъминлаш масаласи доимо диққат марказида бўлади. Соҳага жалб қилинаётган инвестициялар ҳажми кескин кўпайтирилади.

Facebook|Instagram|Twitter Ochish/sharhlash

2022-08-31 17:48:27 Давлатимиз раҳбари бугун Янги Ўзбекистон тараққиёт стратегияси жадал амалга ошираётганини таъкидлади.

"Янги Ўзбекистон:

– ҳар бир фуқаронинг ҳаётини янада яхшилаш мақсадида давлат хизматларидан фойдаланиш учун кенг имкониятлар берадиган;

– одамлар ўз муаммолари ҳақида очиқ гапириши ва уларнинг ечими учун биргаликда ҳаракат қилишларига барча шароитлар мавжуд бўлган;

– ҳамма учун адолатни сўзсиз таъминлаш имкониятини берадиган ҳамда фуқаролари ижтимоий мавқеидан қатъи назар, қонун олдида тенг бўлган;

– тадбиркорликнинг ривожланиши учун зарур шароитлар яратилган давлатдир.

Бир сўз билан айтганда, Янги Ўзбекистон деганда, ҳар бир фуқароси учун ғамхўрлик қиладиган, очиқ ва адолатли жамият ҳам тушунилади”, деди Президент.

Facebook|Instagram|Twitter Ochish/sharhlash

2022-08-31 17:21:57 Президент Шавкат Мирзиёев мамлакатимиз мустақиллигининг 31 йиллигига бағишланган байрам тадбирида халқимизга табрик билан мурожаат қилмоқда.

Тадбирдан онлайн трансляцияни Президент матбуот хизматининг Facebook ижтимоий тармоғи, YouTube видеохостингидаги саҳифаларида томоша қилишингиз мумкин.

Prezident.uz|Facebook|Instagram|YouTube|Twitter Ochish/sharhlash