2023-03-07 17:38:40
22 yil umr…
Ba’zan ko’p xaqiqatlarni anglash uchun shu umr yetadi. Ba’zi narsalarning mohiyatini esa, yoshimiz yanada ulg’aysa ham tushunmaymiz yoki tushunishni xohlamaymiz.
Umr o’taverar ekan. Insonlar o’zgarishi, hattoki, o’zimiz ham o’zgarishimiz mumkin ekan. Ba’zan o’z manfaatlarimiz yo’lida xiyonat qilar ekanmiz, ba’zan esa yaqinlarimizni ranjitmaslik uchun sukut saqlar ekanmiz. Ba’zan o’ta xudbin, ba’zida esa, hech ham o’zimizmi o’ylamas ekanmiz.
O’tib borayotgan vaqtlarimizni sarhisob qilmaymiz. Vaqtimizni bekorchi narsalarga sarflaymiz-u, yaqinlarga, Allohga kelganda esa, o’sha vaqtni topa olmay qolamiz. Topganimizda esa, biz Allohdan anchagina uzoqlashgan, yaqinlarimiz esa yonimizda bo’lishmaydi.
Arzimas ishlar uchun Allohdan ranjiymiz-u, Uning bizga bergan ne’matlariga shukr qilmas ekanmiz. Balki bilmasmiz, U bermagani biz uchun eng xayrlisi ekanini.
Yozay desam haqiqatlar bisyor…
Robbim barchamizga barakali umr, fahm-farosat, qo’ldan kelgancha yaxshilik qilish imkonini bersin. Kimningdir qalbida yomon xotiralar bilan eslanishimizni emas, eslaganda “U boshqacha edi”, deya esga oladigan fazilatlar bersin. O’zining bergan umrida faqat Uning yo’lidan yurishlikni nasib qilsin, Amiyn
3.5K views14:38