PAXTA VA G'ALLA Y. JONNAZAROV

2023-03-11 17:26:48 #Диққат #Мухим #Долзарб #Огохлантириш

ЖИНСИЙ ФЕРАМОН НИМА.?
ФЕРАМОН ТУТҚИЧЛАР ИШЛАШ ЖАРАЁНИ ЁКИ ФЕРОМАНИТОРИНГНИНГ АФЗАЛЛИКЛАРИ.

 Қишлоқ хўжалиги экиинларининг ҳосилдорлигини ошириш учун карантиндаги ва бошқа иқтисодий хавфи юқори бўлган зараркунандаларга алоҳида назорат қилиб, эътибор қаратиш лозим. Бунинг учун феромониторинг усулининг ўрни катта. Мазкур усул зараркунанданинг табиатда ривожланишини аниқлаш натижасида унга қарши биологик ёки кимёвий усулни ишлатишнинг илмий асосланган муддатини белгилаб бериб, ҳимоя самарадорлигини оширади.

ФЕРАМОН– бу ҳашаротларни ўзаро мулоқоти учун уларнинг махсус безларидан ажратадиган мураккаб молекуляр тузилишга эга бўлган органик кимёвий моддалар аралашмасидан иборатдир. Жинсий феромон тутқичлар экологик тоза биологик ҳимоя воситаси бўлиб, ташқи муҳитга ва ўсимликка зарарсиздир. Жинсий феромон тутқичлар қўлланилиши натижасида зараркунандани пайдо бўлиши, феромонга тушган зараркунанда миқдорига боғлиқ ҳолда, унга қарши кураш муддатлари белгиланади.

Жинсий феромонни асосан урғочи зот ишлаб чиқаради. Жинсий феромон моддаси ҳашаротларнинг махсус эндокрин безлари томонидан ишлаб чиқилиб, ўзга жинсли зотини жалб этиш учун мўлжалланган. Жалб қилинган ҳидлар ушбу турга мансуб бўлган эркак ҳашаротлар асосан тунда учрашиш (урчиш) учун учиб келади.

Ҳозирги вақтда дунёда жудаям кўплаб ҳашаротларнинг жинсий феромон (ЖФ) таркиби аниқланган бўлиб, булардан 100 га яқини амалда ишлатилади.
Феромон тутқичларни ишлаш жараёни шундан иборатки, бунда сунъий ҳидга жалб этилган эркак капалак тутқич ичига жойлаштирилган елим(Клейи)ли қоғозга ёпишиб қолади. Сунъий феромон кучли аттрактант ҳисобланади, яъни у табиий капалакка нисбатан бир неча бор кучли жалб этиш хусусиятига эга. Ҳар бир тур ҳашарот учун маълум структура ва тузилишга эга бўлган ўзининг феромони мавжуд. Амалиётда феромон тутқич ёрдамида айни ҳашарот ривожланишини белгилаб, зарур кураш усули учун таёргарлик кўриш имконияти яратилади. Бу эса биринчидан, ўз вақтида кураш олиб бориш ҳисобига зарарнинг олдини олишга, иккинчидан беҳуда ишлов ўтказишга чек қўйиш имконини яратади. Бу дегани яхшигина маблағ иқтисод(Эканом) бўлади. Ўша пул чўнтак(киссада)да қолади.
Шунинг учун хар бир қишлоқ хўжалиги махсулотлари етиштирувчилари экилган экинга зарар берадиган зараркунандалар турига қараб ферамон тутқичлар захирасини яратиб қўйсалар яхши бўларди. Зараркундаларнинг тарқалишини олдиндан билиб, қарши кураш турини вақтида белгилаб ортиқча харажатларнинг олди олинган бўларди.

Диққат: Пост, муаллифнинг интелект мулки. Кўчирганда пастдаги канал линки билан улашинг.

Каналга уланиш
@pakhta_galla Ochish/sharhlash

2023-03-05 15:57:19 Ochish/sharhlash

2023-03-01 15:46:44 #Долзарб #Ғаллада

Бир фермер ТОҒАМИЗ сўраб қолдилар :
БУ УЙИНГ КУЙГИР САРИҚ ЗАНГ КАСАЛЛИГИНИ УЙИНИ КУЙДИРИШ ЙЎЛИ БОРМИ...? ХАММА ХАР НАРСА ДЕЯПТИ.? ЎЗИ НИМА ҚИЛИШ КЕРАК.?
(Шуни яхшилаб ўқинг)

Қадирли қадрдонларим, сохадошларим ва ФЕРМЕР ТОҒАЛАР. Хаммаларингиз омонмисизлар.
БУ УЙИНГ КУЙГИР САРИҚ ЗАНГНИ УЙИНИ КУЙДИРИШНИНГ ЭНГ ИШОНЧЛИ ВА ЯГОНА ЙЎЛИ ПРОФИЛАКТИК ИШЛОВ БЕРИШДИР.
Бу нима дегани.? Бу дегани КАСАЛЛИКНИ ДАВОЛАГАНДАН, ОЛДИНИ ОЛГАН ЯХШИ деган жумла борку шунга амал қилиш керак дегани. Ўша УЙИНГ КУЙГИР САРИҚ ЗАНГ КАСАЛЛИГИ ни тарқалишидан олдин, профилактика мақсадида фунгицидлар билан ишлов бериш керак.
Айниқса дарё ўзанлари, сув хавзалари бўйларида жойлашган контурларни синчковлик билан қаттиқ назорат остига олиш керак. Хозирги кунда Кундуз кунги харорат 15 - 22 градус бўлиб туриб ёмғир ёғса ёки кечки пайтларда шудринг тушса УЙИНГ КУЙГУР САРИҚ ЗАНГ КАСАЛЛИГИ нинг ривожланишига қулай шароит бўлади. Тез ривожланиб споралар ғалла майдонларига тарқалиб кетади. Кейин кеч бўлади. Олдини олиб бўпсиз. Фақат томошабин бўлиб қоламиз кейин. Шунинг учун энг оптимал чора, бу касалликка қарши Профилактик ишловларни сифатли ва ўз муддатларида бажариш зарур.
Профилактик ишловларни ташкил қилишдан олдин худудингиздаги Ўсимликларни ҳимоя қилиш мутахассиси билан албатта маслахатлашинг. БУ ОЛТИН ҚОИДА.
Агар сиз ғалла майдонингизга қанақа фунгицид сепиш хақида ўйлаётган бўлсангиз, сизга маслахатим Karantin.uz сайтига киринг. АГРОКЎМАКЧИ БЎЛИМИГА ЎТСАНГИЗ, Бу ерда Ўзбекистонда ишлатишга рухсат этилган, сифатли, энг мухими синовдан ўтган препаратлар рўйхати келтирилган. Мутахассис билан маслахатлашган холда шу рўйхатдаги фунгицидлардан фойдаланишингиз мумкин.
Ана шунақа гаплар ТОҒАГИНАМ.
Энди ТЕЗЛИК БИЛАН махси ковушни кийиб, белни махкам боғлаб, енгни шимириб УЙИНГ КУЙГИР САРИҚ ЗАНГ КАСАЛЛИГИНИ БИР УЙИНИ КУДИРИНГ. ДИИЙДОРИ ЎЧСИН ШУНИНГ.

Диққат: Пост, муаллифнинг интелект мулки. Кўчирганда пастдаги канал линки билан улашинг.

Каналга уланиш
@pakhta_galla Ochish/sharhlash

2023-02-27 16:27:24 #Долзарб #Мавзу

ФЕРМЕРЛАРНИНГ ЯНА БИР ДАРДИ !!!

ЯХШИ ГЕРБИЦИД ЁЛҒОН РЕКЛАМАГА МУХТОЖ ЭМАС, ЁХУД ҒАЛЛАНИНГ БЕГОНА ЎТИГА ҚАРШИ ҚАЙСИ ГЕРБИЦИД САМАРАЛИ..? ҚАЙСИ БИРИНИ СЕПАЙ..? БИТТАСИ БОР ЭКАН, ЗЎР РЕКЛАМА ҚИЛИШЯПТИ..?
(Албатта ўқинг. Сиз учун Мухим мавзу)

Қадирли қадрдонларим, хаммангиз омонмисизлар. Бугун ғалла майдонларини кузатиб юриб фермерлар билан мулоқот қилдим. Улар кўпроқ деярли бир хил, Пост бошидаги саволларни беришди. Шу кеча кундузда Личкамга юқоридаги саволлар ёғилиб келяпти. Бунинг сабаби турли туман Кимёвий препаратлар савдоси билан шуғилланувчилар (хаммаси эмас) ўзи ишлаб чиқарган ёки, қаердандир олиб келган ГЕРБИЦИДЛАР ВА БОШҚА ВОСИТАЛАР рекламасини ошириб, бўртириб, хар куни хар хил каналларда бераётганидандир.
Фермерларда шунинг учун қайси бирини танлаш керак деган табиий саволлар пайдо бўлмоқда. Аслида КИМЁВИЙ ПРЕПАРАТЛАР билан шуғилланувчи тадбиркорлар кучли реклама қилишлариниям тушунса бўлади. Лекин, Айримларини умуман тушиниб бўлмайди. Жахлингиз чиқиб, миянгиз портлаб кетай дейди. Мутлоқо бир бирига зид бўлган натижалар хақида гапиришади.
Масалан, ўша "ГЕРБИЦИДНИ" сепсангиз ғалла майдонларидаги бегона ўтлардан қутилиш билан бирга, шу майдондаги тупроқ озиқаларга бой бўлиб қолармуш (суспензия ёки биоўғитлар хақида гап кетмаяпти. Айнан ўша гербицидни кучини айтаяпти), Бунданам дахшати, Агар шу гербицидни сепишни олдиндан режалаштирса, экишдан олдин бериладиган фосфорли ўғитларни тупроққа солмаса хам бўларкан. Тупроқ идеал холатга келиб қоларкан. Хаттоки ғаллага бериладиган жудаям керакли бўлган азотли ўғитларнинг 20-30 фоизини тежаб қолиш мумкин экан. Ёлғонам эви биланда ўртоғлар. Виждон хам ўлганаканда. Ё тавбангдан кетай..
Менку тупроқшунослик бўйича мутахассисмасману лекин Телеграмдаги "DEHQONCHILIK" гурухи эгаси Кучли Тупроқшунос аграном ИКРОМ УМАРОВ бу ақлга сиғмайдиган рекламаларни кўрса асаблари ўйнаб кетса керак.
Аслида хар бир Гербициднинг таъсир қилувчи моддасига қараб турлича бажарадиган функциялари бор. Реклама қилишнинг хам чегараси бўлиши керак. Фермерларни алдаб, бунақанги ёлғон натижадор реклама билан гербицидларни ва бошқа воситаларни сотиб юришнинг умри қисқа бўлади. Нафақат Гербицидларни, қолган препаратларни, биоўғитларни, стимуляторларни барчасини тўғри таърифлаб фермерга, қишлоқ хўжалик махсулотлари етиштирувчиларига еткизиш керак.
Мақсадимиз нима.? Хосилдорликни оширишми.? Яхши даромад олишми.?
Унда нега дехқонни, фермерни алдаб кун кўриш керак. Тўғри тариф берсангиз, фермерлар ва дехқонлар тўғри қабул қилишади. Ўша воситалардан тўғри фойдаланишади. Хаммага фойдали бўлади.
Хурматли фермерлар, қишлоқ хўжалик махсулотлари етиштирувчилари, қадирдонларим. Сизларга Маслахатим, хар хил олди қочди гапларга ишониб кетавермасдан Karantin.uz сайтига кирсангиз АГРОКЎМАКЧИ бўлимида, Республикамизда қўллашга рухсат этилган Ўсимликларни ҳимоя қилиш воситалари ва минерал ўғитлар рўйхати келтирилган. Шундан фойдаланиб синовдан ўтган, ишончли гербицидлар ва бошқа воситалардан фойдаланинг.
Гербицидларни, умуман хар қандай кимёвий препаратларни сотиб олишдан, қўллашдан олдин албатта ЎСИМЛИКЛАРНИ ҲИМОЯ ҚИЛИШ МУТАХАССИСИ БИЛАН МАСЛАХАТЛАШИНГ. БУ ОЛТИН ҚОИДА.

Диққат: Пост, муаллифнинг интелект мулки. Кўчирганда пастдаги канал линки билан улашинг.

Каналга уланиш
@pakhta_galla Ochish/sharhlash

2023-02-25 13:44:13 Ochish/sharhlash

2023-02-25 13:37:10 ЎСИМЛИКЛАРНИ ҲИМОЯ ҚИЛИШ МУТАХАССИСЛАРИГА ЧАҚИРИҚ ВА ФАХР ТУЙҒУСИ ХАҚИДА.
(Буни албатта ўқинг)

Куни кеча Самарқандда бўлиб ўтган "AgroPro Expo-2023" кўргазмасида Ўсимликлар карантини ва ҳимояси агентлиги рахбарияти билан бирга қатнашдим . Бу ерда Ўсимликларни ҳимоя қилишда Биологик ва кимёвий препаратлар ишлаб чиқарувчи корхоналар, Қишлоқ хўжалиги техникалар ишлаб чиқарувчилари, техникаларни етказиб берувчилар, Бутун Қишлоқ хўжалиги тизимига алоқадор корхона ташкилотлар, ишлаб чиқарувчи компанялар, Сохада ўқийдиган талаба ёшлар, Шунингдек  Аграр, сув хўжалиги масалалари ва экология қўмитаси раиси Баҳодир Саъдуллаевич Тожиев хам иштирок этдилар. Кўргазмада Ўсимликлар карантини ва ҳимояси агентлиги мутахассислари томонидан ишлаб чиқилган қишлоқ хўжалик экинларини экиб IPM асосида экологик тоза бўлган максимал юқори хосил олишда кўмак берувчи хар бир экин тури бўйича алоҳида маълумотлар мужассам бўлган ўқув қўлланма дастур FLAYER лар бўйича бутун кўргазма иштирокчиларига чиқиш қилиб тушунчалар бердим. FLAYER лардан қандай фойдаланиш керак, бундан асосий мақсад нималигини содда қилиб тушунтириб, етказиб берганимиздан кейин ҚЎМИТА раиси хам жуда хурсанд бўлди. Бу дастурни Ветеренария ва бошқа тармоқларда хам мослаштириб ишлаб чиқиш ва қўллаш кераклигини катта минбардан туриб таъкидладилар. Кичкина имконятлардан, максимал фойдаланаётгани, қисқа вақтда сохадаги ўткир мутахассисларни йиға олгани, мутахассислар билан хамнафас бўлиб янги тизимлар ва содда, тушунарли дастурий қўлланмалар ишлаб чиқаётгани учун Ўсимликлар карантини ва ҳимояси агентлиги рахбари И.К.Эргашевга алохида рахмат айтиб эътироф этдилар. Мухими барчани қизиқтира олдик. Биласизми, бу дегани шунча сохалар ичида Агентлигимизнинг мавқейи ошмоқда. Шахсан ўзим Қўмита раиси ва Агентлигимиз рахбарияти билан битта минбарда туриб шу сохани танлаганимдан ва шу соха ичида эканлигимдан фахрланиб кетдим. Ўзимга янги мақсадлар қўйдим.
Бирор бир жараёнда яхши натижа қилиш учун атрофингдаги хамрохлар хам профессионал бўлиши, сени қўллаши ва сен билан хамфикр бўлиши керак. Шу ўринда мени профессионал, сохамизнинг илғор мутатахассислари агентлик рахбарияти ходимлари Зафар ака, Шухрат ака ва Руслан акалар билан хамрох бўлиб Республика ишчи гурухида юришимга ишонч билдиган ва таклиф этган И.К.Эргашевга рахмат айтаман. Мен хамрохларимдан сохага оид кўп нарсаларни олдим, улар хам мендан нималарнидир олишди. Энг мухими ўзоро хурмат, чуқур қўллаб қувватлаш ва самимият рухидаги Зўр каманда бўлдик, эркин ишладик ва бизга юклатилган миссияни яхши уддаладик деб ўйлайман.
Бир нарсага амин бўлдимки бу каманда билан сохамизни ривожланишида кўп янгиликлар ва ўзгаришлар қила оламиз.
Сохани фақат масъулят билан чуқур билим олиш, фикр алмашиш, янгиликка интилиш ва ва кучли тахлил қилиб, тезкорлик билан амалётга жорий қилиш орқали ривожлантириш мумкин. Шундай экан, Қадирли сохадошлар ва хамкасблар ўқийлик, ўрганайлик. Ўсимликларни ҳимоя қилиш сохаси энг зўр сохалардан бири.
Самарқанд, Навоий, Бухоро вилоятлари Давлат Карантин инспекторлари, хамкасбларимиз билан хам учрашувлар ўтказдик, фикр алмашдик. Бу хақда кейинроқ яна тўхталаман.

Диққат: Пост, муаллифнинг интелект мулки. Кўчирганда пастдаги канал линки билан улашинг.

Каналга уланиш
@pakhta_galla Ochish/sharhlash

2023-02-23 12:04:22 Ochish/sharhlash

2023-02-19 19:33:37 #Даладан #Тавсия

ДАЛАДАН ГАПИРАМАН, ҒАЛЛАЗОРЛАР ОРАЛАБ.
(Буни албатта ўқинг)

Қадирдонлар хамма омонми. Бугун куни билан вақтим етганича Қумқўрғон туманидаги ғалла майдонларини айланиб чиқдим. Менга битта Катта Кластер рахбари (Исмини постга қўйишимни ҳоҳламади) хамрохлик қилди. Аниқроғи мен Кластер рахбарига хамрохлик қилдим. Чунки Кластер рахбарининг қиммат автомабилида дала айландик.  Бугун кўздан кечирган ғалла майдонларининг Хозирги кундаги холати бўйича хулосаларим билан ўртоқлашаман.
   Қумқўрғон туманидаги ғалла майдонларига иккинчи озиқлантиришга 200 кг Селитра (Бази далаларга Сулфат)  берилгандан кейин тинмасдан уч кун ёмғир ёғди. Бу жараён жуда фойдали бўлди ва кўзига тушди.
    Аммо, бир нарса мени жуда хавотирга солди. Ғалла майдонларида БИР ЙИЛЛИК ВА КЎП ИККИ ПАЛЛАЛИ бегона ўтлар шунақанги баравж ривожланишни бошлабди асти қўяверасиз. ЁВВОЙИ СУЛИ (ОҚБОШ) бошоқли бегона ўти хали ғалладан пастроқ ривожда. Бу бегона ўт тупроқда уруғининг жойлашишига қараб босқичма босқич униб чиқишини хисобга олсак, хозирдан қанчалик чиқишини айтиш қийин. Битта нарса аниқки БЕГОНА ЎТЛАР ғалла нихолларига нисбаттан тупроқдаги озиқаларни 10 баравар кўп ўзлаштиришни бошлади. Бу бўйича Кластер рахбаригаям тушунтириб бердим. Юрагига яхшигина ғул-ғула тушди. Энди бамаслахат 10 чандон кўпроқ ишлашни бошлашини айтди.
    Бундан бу ёғига инжиқ об хаво хуким суради. Бир пасда ёмғир ёғади, бир пасда қуёш чиқади. Бу билан нима демоқчиман. Хар куни фермерлар далада ОВХ-600 ёки Штангел пуркагич мосламалар ўрнатилган тракторларини, захира қилинган гербицидларни, етарли миқдорда Тоза сувни умуман бегона ўтларга қарши курашда керак бўладиган барча шароитларни мухайё қилиб тайёр туриши ШАРТ.
   Ғалла майдонларидаги бегона ўтларнинг яхши униб чиққан бўлса, Харорат кундуз куни 15-18 градус бўлиши ва ердан шудринг кўтарилиши билан ишлов бериш керак. Бир кунда 3 гектар ишлайсизми, 6 гектар ишлайсизми хар бир дақиқа ғанимат. Фақат дала тобга келиши, техника юра оладиган даражада бўлсин. Тағин лой далага техника киритиб қош қўяман деб кўз чиқарманг.
      Тўғриси хозир шу кеча кундуздан бошлаб, 2023 йилнинг хосили тақдири хал бўлишни бошлайди.
    Кўпчилик фермерлар ҚУШҚЎНМАС бегона ўти бўйича кўп савол беришди. Бунга хозирча битта чора механик усулда ўтоқ қилиб олиб ташлаш. Баъзилар қанақадир препаратларни реклама қиляпти. Балки таъсири зўрдир. Лекин, жуда қиммат. Хисоблаб кўрсам  Ундан кўра ўтоқ қилиб, қўл кучида олиб ташлаш арзонроққа тушар экан.
     Энди бу ёғи тезкорлик билан қарор қилиш, хар куни ғалла майдонларини кузатиб туриш, Бажарилаётган барча агротехник тадбирларни ДАЛА ДАФТАРИГА қайд қилиб бориш зарур. Бу бизга хосилдорликни ошириш учун кейинги ИЛМИЙ АСОСЛАНГАН ўсимликларни ҳимоя қилиш тадбирларни, ҚЎШИМЧА ОЗИҚЛАНТИРИШ ишларини белгилаш имконини беради.
       Ўзбекистон Республикасида ишлатишга рухсат этилган, синовдан ўтган гербицидлар рўйхати Ўсимликлар карантини ва ҳимояси агентлигининг Karantin.uz сайтида келтирилган. Сайтга киринг ва соҳага оид бир биридан қизиқарли маълумотлар ва тавсиялардан бахраманд бўлинг.
        Энг мухими хар қандай холатда хам кимёвий ишловлар беришдан олдин албатта Ўсимликларни ҳимоя қилиш мутахассиси билан маслахатлашинг. БУ ОЛТИН ҚОИДА.

Диққат: Пост, муаллифнинг интелект мулки. Кўчирганда пастдаги канал линки билан улашинг.

Каналга уланиш
  @pakhta_galla Ochish/sharhlash