Европа банки анжумани учун нега айнан Ўзбекистон танланди? | OZODLIK KANALI™
Европа банки анжумани учун нега айнан Ўзбекистон танланди?
Озодликнинг ЯНГИ видеосини ҳозироқ YouTube каналида кўринг
Кўриш учун линк
16 май куни Самарқандда Европа Тикланиш ва Тараққиёт банкининг йиллик анжумани бошланди. Бундан роппа-роса 20 йил муқаддам банкнинг Тошкентда ўтган йиллик анжумани Ўзбекистондаги қийноқлар ва инсон ҳақлари билан боғлиқ бошқа муаммолар сабаб халқаро можарога айланиб кетган эди.
Ташкилотчи ва иштирокчиларга кўра, ўтган 6 йилда Ўзбекистон Каримов давридагига нисбатан ўзгарган. Каримов даврида Ўзбекистонни тарк этган банкнинг 2017 йилдан мамлакат иқтисодиётига киритган сармоялари миқдори 3 миллиард еврога етган.
20 йил олдинги саммитдан фарқли банк бошқарувчилар кенгашининг Ўзбекистонда тўпланиш ҳақида олган бу сафарги қарорининг ўзи танқид қилинаётгани йўқ. Аммо танқидчилар бор ва улар банкнинг Ўзбекистондаги айрим лойиҳалари шаффоф эмаслиги, меҳнат ҳуқуқларининг бузилиш ҳоллари, тарихий обидалар ва атроф-муҳитга зарар етказиш сингари ҳолатларга етарли эътибор қаратилмаётганини айтишади.
Самарқандда ўтаётган йиғин шу йил июлида 7 йиллик муддатга қайта сайланиши кутилаётган президент Шавкат Мирзиёевга “Янги Ўзбекистон"даги ислоҳотларни кўз-кўз қилиш учун фурсат бўлиши кутилади.
Анжуманини ёритиш учун Самарқандга сафар қилган Озодлик мухбири Барно Анвар ЕТТБ матбуот котиби Антон Усов билан суҳбатлашди.
Ozodlik haqqoniy va eksklyuziv axborotni cheklovsiz tarqatuvchi vositadir. @ozodnews ga xabar, foto video yuboring. "Rost gap faqat shu yerda aytiladi"...
