Internetda tarqalgan xabarlar bo‘yicha 'Lokomotiv' PFK rasmiy | Futbol uzbekistan | OZBEKISTON FUTBOLI
Internetda tarqalgan xabarlar bo‘yicha "Lokomotiv" PFK rasmiy bayonoti
Kecha va bugun futbolga aloqador saytlarda "Lokomotiv" PFK futbolchisi, asosiy jamoa sardori Kaxi Maxaradzening kelishilgan o‘yinda ishtirok etgani yuzasidan xabarlar tarqaldi.
Shuni ma’lum qilamizki, ayni payt O‘FA "Futbol faoliyatini nazorat qilish bo‘yicha maxsus inspeksiyasi" ushbu masala yuzasidan surishtiruv-tekshiruv ishlarini olib bormoqda.
Vaziyat qanday yakun topishi hamda haqiqiy aybdor(lar) topilib jazolanishi "Lokomotiv" PFK uchun ham muhim. Zero jamoamiz har doim halol o‘yin tarafdori bo‘lib kelgan va shunday bo‘lib qoladi. Biz kelishilgan uchrashuv, totalizator va har qanday pul tikish yo‘li bilan o‘ynaladigan o‘yinlarga mutlaqo qarshimiz!
"Lokomotiv" PFK ushbu masala yuzasidan O‘FA va "Futbol faoliyatini nazorat qilish bo‘yicha maxsus inspeksiyasi"ning rasmiy xabar berishini kutishini ma’lum qiladi.
@OZBEKISTON_FUTBOLI O'zbek futbolini yortib boruvchi telegram tarmoqdagi yetakchi kanal. Eng so'ngi yangiliklar va O'yinlarning online translatsiyasi faqat bizning kanalda....