Oybek blogi

2021-02-14 09:46:52 Kecha Toshkent shahar Bektemir tumanida katta Galakonsert tashkil etildi. Konsertga estradamizning yorqin yulduzlari Setora guruhi, Farhod va Shirin, Hilola Hamidova, Mahliyo Omon va yana bir qancha umidli san'atkorlar tashrif buyurdi.

Ma'lumot uchun: Bir necha kun oldin Bektemir tumaniga yangi hokim tayinlangan edi.

@oybekmamarasul Ochish/sharhlash

2021-02-11 10:05:06 Shavkat Mirziyoyev boshchiligidagi videoselektorda aytilgan fikr:

“Yana bir qulaylik – bu yil 1-iyundan boshlab, pensiya tayinlashda 2005-yildan avvalgi yillar uchun ish stajini shaxsning mehnat daftarchasidagi yozuvlar asosida, tasdiqlovchi hujjatlar talab etilmasdan hisoblash tartibi joriy etilmoqda.

Buning natijasida, yil yakuniga qadar 100 ming, kelgusi yilda yana 200 ming fuqaro ortiqcha sarson boʻlmay pensiya olish imkoniyatiga ega boʻladi”.

@oybekmamarasul Ochish/sharhlash

2021-02-11 10:00:11 Shavkat Mirziyoyev kecha boʻlib oʻtgan videoselektor yigʻilishida Jismoniy tarbiya va Sport Vazirligi hamda Davlat Turizm Qoʻmitasining birlashtirilishi, unga Turizm Qoʻmitasi raisi Aziz Abduhakimov rahbar boʻlishini ta'kidlagan.

@oybekmamarasul Ochish/sharhlash

2021-01-31 17:56:50 Одамлар нимани ҳеч қачон унутмайди?

Самолётда оқ танли бир аёл ҳабаш эркак билан ёнма-ён ўтириб қолди. Бу вазиятдан у безовталанди, беҳузур бўлди. Cтюардессани чақириб, ўзига бошқа бир жой топиб беришни сўради. Ахир, у қора танли одамнинг ёнида ўтира олмасди-да.

Стюардесса хушмуомалалик билан самолётнинг барча ўриндиқлари банд эканини, ҳар эҳтимолга қарши VIP бўлимида бирон бўш жой бўлса, қараб кўриши ва бу ҳақда хабар беришини айтди.

Йўловчиларнинг айримлари бу воқеани ҳайрат билан, айримлари эса нафрат билан кузатиб туришарди. Уларнинг нигоҳида шундай ифода бор эди: «Бу аёл ҳурматсизлик қилгани етмагандай, энди VIP бўлимида кетадими?»

Танасининг ранги туфайли камситилган ҳалиги киши эса индамай ўтирарди.

Аёл ўзининг VIP бўлимида кетаётганини тасаввур ойнасида жонлантирганча стюардессани сабрсизлик билан кута бошлади.

Бир неча дақиқадан кейин стюардесса қайтиб келди ва шундай деди:

— Кечикканим учун узр сўрайман. Ниҳоят, VIP бўлимидан битта бўш жой топдим. Аммо йўловчиларнинг жойини ўзгартириш масаласида учувчидан рухсат олишим керак эди. Учувчимиз «Муаммо келтириб чиқарувчи одамнинг ёнида кетишга ҳеч ким мажбур эмас», деди ва рухсат берди.

Бу гапни эшитган йўловчилар ҳайрон бўлишди. Бу орада оқ танли аёл мағрур ифода билан ўрнидан туриб, VIP бўлимидаги янги жойга ўтишга ҳозирлана бошлади. Айни шу онда стюардесса жимгина ўтирган қора танли одамга юзланиб:

— Жаноб, сизни самолётнинг VIP бўлимидаги жойга олиб боришимга рухсат берсангиз, марҳамат, - деди. – Капитанимиз бундай нохуш вазият яратувчи одамнинг ёнидан ўтириш мажбуриятида қолдиргани учун бутун компаниямиз номидан сиздан узр сўради.

Барча йўловчилар нима бўлганини англаб етгач, самолёт экипажини биргаликда олқишлай бошлашди…

Ўша йил айни шу воқеа сабаб капитан ва стюардесса юксак мукофот билан тақдирланди. Қуйидаги фикрлар эса компания барча офисларининг кўзга кўринарли ерига ёзиб қўйиладиган бўлди:

«Инсонлар уларга нима деганингизни унутишлари мумкин. Инсонлар уларга нима қилганингизни ҳам унутишлари мумкин. Аммо инсонлар уларга ўзларини қандай ҳис қилдирганингизни асло унутмайдилар».

Турк тилидан Отабек Тиллаев таржимаси.


@xushnudbek Ochish/sharhlash

2021-01-23 19:13:10 Samarqand viloyati hokimi Erkinjon Turdimovning murojaatlar uchun ochilgan telegram boti bor ekan. Avvaliga ishonmadim, har bir xabarni koʻrib chiqishlariga shubhalandim. Keyin, nima boʻlsa boʻlar dedimu boʻsh ish oʻrinlari yuzasidan qisqa murojaatimni yoʻlladim. Oradan 3 kun vaqt oʻtgach Jomboy tumani Aholi Bandligiga Koʻmaklashish Markazidan qoʻngʻiroq qilishdi. Yanvar oyidagi boʻsh ish oʻrinlari roʻyxati bilan tanishtirishdi. Toʻgʻrisi, kutmadan edim.

Nima demoqchiman, demak, sistema ishlayapti. Ma'lumot uchun Erkinjon Turdimov hozirda qisqa muddatli mehnat ta'tilida.

@oybekmamarasul Ochish/sharhlash

2021-01-19 05:21:20 Qoraqalpogʻistonda oʻquvchilari 8 km masofaga maktabga eshakda qatnaydigan tuman hokimi Equinox mashinasini xarid qilish fikridan qaytibdi. Malades, gap boʻlishi mumkinmas.

Eshitmadinglarmi mabodo? Oʻquvchilarni maktabga noqonuniy tashigan eshaklar javobgarlikka tortilmadimi hali?! Ochish/sharhlash

2021-01-10 09:44:32 2021-yil boshqacha ruhda boshlandi. Yangiliklar koʻp, kamchiliklar koʻp, yutuqlar ham koʻp. Har kim oʻzi ustida ishlasa, oʻz sohasining rivojiga hissa qoʻshsa, jamiyatimiz oʻzgaradi. Boshqa yoʻli yoʻq!

@oybekmamarasul Ochish/sharhlash

2020-12-26 02:42:45 #Қонунчиликдаги_янгиликлар

Тақиқланган ахборотни олиб ташлаш тўғрисида хабарнома юбориш тартиби белгиланди

Ҳукумат қарори (807-сон, 23.12.2020 й.) билан Вазирлар Маҳкамасининг “Бутунжаҳон Интернет тармоғида ахборот хавфсизлигини янада такомиллаштириш чора-тадбирлари тўғрисида” 2018 йил 5 сентябрдаги 707-сон қарорига қўшимчалар киритилди.

Эндиликда веб-сайт ва (ёки) веб-сайт саҳифасида жойлаштирилган ахборотга фойдаланувчилар томонидан қолдирилган шарҳлар матнида, шунингдек ижтимоий тармоқлар ёки мессенжерларда тақиқланган ахборотлар аниқланса, веб-сайт, веб-сайт ва (ёки) мессенжер саҳифаси эгаси, шунингдек блогерга қонунчилик билан тарқатилиши тақиқланган ахборотларни олиб ташлаш тўғрисида хабарнома юборилади.

Тақиқланган ахборотларни аниқлаш ва хабарномани юбориш тақиқланган ахборотлар аниқлангандан 24 соатдан кечиктирмасдан Оммавий коммуникациялар масалалари бўйича маркази (Марказ) томонидан амалга оширилади.

Хабарнома Марказнинг расмий ахборот ресурслари (электрон почта, ижтимоий тармоқлар ёки мессенжерлардаги расмий саҳифа) орқали электрон шаклда юборилади.

Хабарномада тақиқланган ахборот жойлаштирилган ахборот ресурси номи, ахборот жойлаштирилган сана кўрсатилади. Тақиқланган ахборотга ҳавола ва унинг экрандаги тасвири нусхаси илова қилинади. Шунингдек, қўшимча равишда ушбу ахборотни тарқатиш учун қонунчиликда белгиланган жавобгарлик тўғрисида маълумотлар келтирилиши мумкин.

Ахборот ресурси эгаси, блогер хабарномани олган вақтдан бошлаб 24 соатдан кечиктирмасдан тақиқланган ахборотни олиб ташлаши ҳамда бу тўғрида Марказни унинг расмий ахборот ресурслари орқали электрон шаклда ёки қоғоз шаклида хабардор қилиши лозим.

Агар тақиқланган ахборот хабарномада кўрсатилган муддатда ахборот ресурси эгаси, шунингдек блогер томонидан олиб ташланмаса, Ахборот ва оммавий коммуникациялар агентлиги ёки Марказ ушбу ахборотни олиб ташлаш бўйича тақиқланган ахборот жойлаштирилган ижтимоий тармоқ ёки мессенжер маъмурига ёки даъво аризаси билан судга мурожаат қилиши мумкин.

Эслатиб ўтамиз, тақиқланган ахборотлар – Ўзбекистоннинг мавжуд конституциявий тузумини, ҳудудий яхлитлигини зўрлик билан ўзгартиришга даъват этишга, уруш, зўравонлик ва терроризмни тарғиб қилишга қаратилган, миллий, ирқий, этник ёки диний адоват қўзғатувчи, шунингдек фуқароларнинг шаъни ва қадр-қиммати ёки ишчанлик обрўсига путур етказувчи, порнографияни тарғиб қилувчи ва шу каби бошқа маълумотлардир.

Каналга уланиш
https://t.me/huquqiyaxborot Ochish/sharhlash

2020-12-11 20:02:31 TOʻDA

Bizda ajoyib bir tendensiya bor-da. Kim qayerda faoliyat yuritishidan qat'iy nazar, atrofida oʻziga yaqin insonlarni yoki bir hududda yashaydiganlarni ruscha qilib aytganda "земляк" larini toʻplaydi. Albatta, bu oʻsha shaxsning faoliyatini yengillashtirishi tabiiy. Ortida va atrofida uni qoʻllab-quvvatlab turadigan, soʻzidan chiqmaydigan tarafkashlar kimga ham yoqmaydi deysiz!?

Ustozim korrupsiya haqida toʻrt qator biror ma'lumot yozishni topshirgan edi. Bundan boshqa "pichoqqa ilinadigan" gap topolmadim.

@oybekmamarasul Ochish/sharhlash

2020-12-08 05:16:46 QOMUS

Fuqarolik jamiyati paydo boʻlibdiki, qonunlar, qoidalarsiz uni tasavvur etib boʻlmaydi. Insonlarning ehtiyojlaridan, imkoniyatlaridan va albatta davlat manfaatlaridan kelib chiqib, jamiyatni tartibga solib turuchi qonunlarsiz mamlakat boʻlmasa kerak. Bizning Respublikamiz ham shunday tamoyillar asosiga qurilgan. Mustaqillikka erishganimizdan soʻng kun tartibiga qoʻyilgan masala — bosh qomusimizni ishlab chiqish boʻlgan. 1992-yil 8-dekabrda Oʻzbekiston Respublikasi Konstitutsiyasi qabul qilindi. Mana shu 28 yil ichida Konstitutsiyaga 14 marotaba oʻzgartirish kiritildi. Qonunlarimiz amalda toʻliq ishlayapti deya olmaymiz, lekin qonunchiligimiz jahon hamjamiyati tomonidan e'tirof etilayotgani sir emas. Bayram muborak doʻstlar!

@oybekmamarasul Ochish/sharhlash