Qur'on Oyatlari ☪️

2023-01-29 18:40:32 Hujurot surasi 18-oyat

Abdurrahman As-Sudays Ochish/sharhlash

2023-01-29 15:04:49 #Hujurot_surasi 18

إِنَّ ٱللَّهَ يَعۡلَمُ غَيۡبَ ٱلسَّمَٰوَٰتِ وَٱلۡأَرۡضِۚ وَٱللَّهُ بَصِيرُۢ بِمَا تَعۡمَلُونَ

«Albatta Alloh osmonlar va Yerdagi gʻayb-sirlarni bilur. Alloh qilayotgan amallaringizni koʻrib turguvchidir».

Agar inson ko‘zini gunoh va ma’siyatlarga qarashdan tiymasa, ko‘z orqali qalbga kiradigan narsalardan to‘sishi, uning kirlaridan saqlanishi qiyin kechadi. Chunki qalb bir bo‘sh idish bo‘lib, u ko‘z, quloq, og‘iz va burun orqali kirgan narsalar bilan to‘ladi hamda o‘shalar bilan mashg‘ul bo‘ladi. Shuning uchun ko‘zni tiyish mag‘firat qilinishning asosiy sabablaridan biridir.

Abulfavoris Shoh ibn Shujo’ rohmatullohi alayh aytadilar: “Kim nazarini haromdan tiysa, nafsini shahvatlardan tiysa, botinini (fikr xayolini) doimiy kuzatuv bilan, zohirini sunnatga amal qilish bilan obod qilsa va halol yeyishga odat qilsa unday kishining firosat (yuritgan fikri va chiqargan hukmi) xato qilmaydi”.

  ↓Obuna bõling↓
𝐓𝐞𝐥𝐞𝐠𝐫𝐚𝐦  |  𝐈𝐧𝐬𝐭𝐚𝐠𝐫𝐚𝐦 Ochish/sharhlash

2023-01-26 19:29:08 Yunus surasi 57-oyat

Mishari Al Afasy Ochish/sharhlash

2023-01-26 14:43:19 #Yunus_surasi 57

يَا أَيُّهَا النَّاسُ قَدْ جَاءَتْكُم مَّوْعِظَةٌ مِّن رَّبِّكُمْ وَشِفَاءٌ لِّمَا فِي الصُّدُورِ وَهُدًى وَرَحْمَةٌ لِّلْمُؤْمِنِينَ

«Ey odamlar! Sizga oʻz Robbingizdan mavʼiza, koʻksingizdagi narsaga shifo, moʻminlarga hidoyat va rahmat keldi».

(Ey odamlar! Qurʼonni yolgʻon demang! Qurʼonni falonchi toʻqigan, demang! Uning toʻgʻrisida shubha qilmang. U qalbingizdagi ruhiy, maʼnaviy dardlaringizning barchasiga shifo boʻlib keldi. Kim Qurʼonga iymon keltirib, musulmon boʻlsa, u oʻsha odamni hidoyatga boshlaydi, Allohning rahmatiga erishtiradi.)

  ↓Obuna bõling↓
𝐓𝐞𝐥𝐞𝐠𝐫𝐚𝐦  |  𝐈𝐧𝐬𝐭𝐚𝐠𝐫𝐚𝐦 Ochish/sharhlash

2023-01-23 20:10:46 Naziyat surasi 24-oyat

Abdulbasit Abdussomad Ochish/sharhlash

2023-01-23 17:34:12 #Naziyat_surasi 24

فَقَالَ أَنَا۠ رَبُّكُمُ ٱلۡأَعۡلَىٰ

Fir’avn: «Men sizlarning eng oliy Robbingizman», – dedi.

Ya’ni Robblik da’vosini qildi. Qilganda ham, eng oliy Robblik da’vosini qildi. Chunki Muso alayhissalom Fir’avnni ham, boshqalarni ham Robbul olamiynga ibodat qilishga da’vat qilgan edilar. Fir’avn o‘zining bu tasarrufi ila «Muso da’vat qilayotgan Robb emas, men eng oliy Robbman», demoqchi bo‘ldi.

Yerning hajmi koinotga nisbatan okeandagi bir tomchi suvdek ham emas. Shunday boʻlsa-da, bu Fir’avn: “Men sizlarning eng oliy Robbingizman” degan edi. Qizigʻi, mana shu “men sizning oliy Robbingizman” degan kimsani Oliy Robbimiz suvga choʻktirib oʻldirdi va jussasini kelajak insonlarga ibrat boʻlsin deya sohilga uloqtirdi.

  ↓Obuna bõling↓
𝐓𝐞𝐥𝐞𝐠𝐫𝐚𝐦  |  𝐈𝐧𝐬𝐭𝐚𝐠𝐫𝐚𝐦 Ochish/sharhlash

2023-01-21 20:03:20 Isro surasi 79-oyat

Hani Rifai Ochish/sharhlash

2023-01-21 17:26:23 #Isro_surasi 79

وَمِنَ اللَّيْلِ فَتَهَجَّدْ بِهِ نَافِلَةً لَّكَ عَسَىٰ أَن يَبْعَثَكَ رَبُّكَ مَقَامًا مَّحْمُودًا

«Kechaning baʼzisida u (Tahajjud namozi) ila  bedor boʻl. Senga nofila boʻlsin. Shoyadki Robbing seni maqtovli maqomda tiriltirsa».

Ushbu oyat ila tahajjud namoziga targʻib qilish Qurʼonda kelgani eslatilmoqda. Kechasi bir uxlab turib oʻqiladigan namozni tahajjud namozi, deb ataladi. Shuningdek, bu namozni qiyom namozi, deb ham aytiladi. Avval boshida bu namoz vojib boʻlgan edi. Bir yilchadan keyin vojibligi nasx qilingan.

Abu Hurayra roziyallohu anhudan rivoyat qilinadi: Rasululloh ﷺ dedilar: «Robbimiz tabaroka va taola har kecha tunni uchdan birining oxirida dunyo osmoniga tushadi va:
- Kim menga duo qiladi ijobat qilaman?
- Kim mendan so'raydi beraman?
- Kim menga istig'for aytadi mag'firat qilaman?"- deydi. (Muttafaqun alayhi)

  ↓Obuna bõling↓
𝐓𝐞𝐥𝐞𝐠𝐫𝐚𝐦  |  𝐈𝐧𝐬𝐭𝐚𝐠𝐫𝐚𝐦 Ochish/sharhlash

2023-01-18 14:22:18 Moida surasi 49-oyat

Abdulbasit Abdussomad Ochish/sharhlash

2023-01-18 10:53:33 #Moida_surasi 49

وَإِنَّ كَثِيرٗا مِّنَ ٱلنَّاسِ لَفَٰسِقُونَ

«Albatta, odamlardan koʻplari fosiqlardir».

Har bir moʻmin-musulmon banda saqlanishi lozim boʻlgan qalb xastaliklaridan biri fosiqlikdir. “Fisq” soʻzi lugʻatda “qobiqni teshib chiqish” maʼnosini anglatadi. Sharʼiy istilohda esa, Alloh taoloning toatidan chiqib, maʼsiyat-gunohlarni yashirmay, uyalmasdan, ochiq-oydin qiladigan odamga “fosiq” deyiladi. Odatda, fosiq deb gunoh ishlarni qilgan musulmonlarga aytiladi. “Fisq” soʻzi ulamolar istilohida, gunohi kabira qilib yoki kichik gunohlarda bardavom boʻlib, Alloh taoloning nahyi qilgan narsalaridan chiqishdir.

  ↓Obuna bõling↓
𝐓𝐞𝐥𝐞𝐠𝐫𝐚𝐦  |  𝐈𝐧𝐬𝐭𝐚𝐠𝐫𝐚𝐦 Ochish/sharhlash