𝐎'𝐓𝐊𝐈𝐑 𝐇𝐎𝐒𝐇𝐈𝐌𝐎𝐕 𝐈𝐉𝐎𝐃𝐈

2022-01-31 17:08:50 ​Qo'lingdan kelmaydigan ishga va‘da berma, qo'lingdan keladigan ishga ham va‘da berma.
Qo'lingdan kelmaydigan ishga va‘da bersang uyatga qolasan, qo'lingdan keladigan ishni esa va‘da bermasdan ham bajarsa bo'laveradi.

O'tkir Hoshimov (Daftar hoshiyasidagi bitiklar) asaridan

Telegram | Instagram | Audiokitob Ochish/sharhlash

2022-01-29 19:34:35 Оналар фарзандлари ҳамиша бирга бўлишини истайдилар. Қисмат эса уларни қанот чиқариши билан ҳар ёққа учириб кетади. Ҳаёт лоақал шу масалада ҳам оналарга шафқат қилмайди.

Ўткир Ҳошимов

@Falsafiy_satrlar Ochish/sharhlash

2022-01-09 16:52:54 O’tkir Hoshimov
Shamol esaveradi

Kanalga a'zo bo'lish

Telegram | Instagram | Audiokitob
Do’stlaringizga ham ulashing Ochish/sharhlash

2021-12-21 12:26:39 ЧЕГАРА

Одамзод нима учун кафтдек ҳовлисига гул экади? Ундан кўра шолғом экса, қозонига тушади-ку.

Одамзод нима учун булбул чах-чахини эшитганда энтикиб кетади? Ундан кўра булбулни шўрвага солиб пиширса, нафсини қондиради-ку.

Одамзод нима учун осмонда чарақлаб ётган юлдузларни кўриб, кўнгли завққа тўлади? Юлдузлар унинг ҳамёнидаги тиллалар эмас-ку.

Одамзод нима учун китоб ўқиётиб, суюкли қаҳрамони ўлиб қолса йиғлайди? Уни ёзувчи "ичидан тўқиб чиқаргани"ни билади-ку?

Одамзод нима учун ўзга юртларга бориб беҳисоб мол-дунё орттирсаю, иттифоқо болалиги кечган кулбаси тушига кириб қолса, туни билан йиғлаб чиқади? Ахир у шоҳона қасрда яшайди-ку.

Одамзод нима учун боласининг бошида алла айтади? Гўдак алла эшитмаса ухламайдими?

Одамзод нима учун неварасини етаклаб неча замон аввал ўтиб кетган бобосининг қабрини зиёрат қилади? Марҳумни улар кўрмайдилар-ку?!

Гап шундаки, Одамзодни ҳайвонотдан ажратиб турадиган чегара бор. Бу чегаранинг номи Маънавият деб аталади.

Ўткир Ҳошимов

Нишонига тегадиган гаплар фақат бизда: @nishondagi_gaplar_tegadi Ochish/sharhlash

2021-12-18 17:24:30 ​Dunyo qiziq ekan. Qachon qarasangiz, yetdim deganda qoqilasiz. Yo qismat hammaga baxt ulashayotganida unga yetmay qolganmi? Esini tanibdiki, odam bo'lsam, nimadir yaxshi ish qilsam, deydi. Uzoqda nurli bir nuqtaday porlab turgan tolega intiladi. Amallab yaqin borganida baxt degan o'sha nur yana bir olam nariga ketib qoladi. U yuguraveradi, tole undan qochaveradi.

Oʻtkir Hoshimov (Qalbingga quloq sol) asaridan

Telegram | Instagram | Audiokitob Ochish/sharhlash

2021-11-30 18:23:36 ​Ammo dadasi hech adashmaydi. Hammasiga galma-galdan ovqat beradi. Iye, dadasi ikkita ekanku? Bittasi uchib ketishi bilan, ikkinchisi kelyapti, bollariga navbat bilan ovqat ulashishyapti. Bundan
chiqdi, bittasi -- dadasi, ikkinchisi -- ammasi!

O'tkir Hoshimov (Ikki eshik orasi) asaridan

Telegram | Instagram Ochish/sharhlash

2021-11-17 17:41:10 ​Amal nima? Menga qolsa, raislik uyoqda tursin, ming marta katta amaliyam misoli oyog‘ingdagi etikday gap. Seni amalga xalq ko‘tardimi, davlat ko‘tardimi, baribir “Mana shu etikni kiygin-da, kerak bo‘lsa suv kechib, kerak bo‘lsa loy kechib xalqning xizmatini qilgin”, deydi. Qilasanam!.. To‘g‘ri, bir xillar bor: zig‘irday amal tegdimi, bo‘ldi, Xudo amal bilan aql qo‘shib berdi, deb o‘ylaydi. Bunaqalar yonida o‘zidan aqlliroq odam ishlashini xohlamaydi. Nazarida aqlli odam etigini yechib olayotganday bo‘laveradi.

O‘tkir Hoshimov (Ikki eshik orasi) asaridan

Telegram | Instagram Ochish/sharhlash

2021-10-27 06:30:06 ​Donolik bilan nodonlik shu qadar yaqinki, odam donolikni qancha ko’p da’vo qilsa, shuncha nodon bo’ladi!

Oʻtkir Hoshimov (Daftar hoshiyasidagi bitiklar) asaridan

Telegram | Instagram Ochish/sharhlash

2021-09-29 16:11:04 O'tkir Hoshimov
Daftar hoshiyasidagi bitiklar

Kanalga a’zo bo’lish

Tepegram | Instagram
Do’stlaringizga ham ulashing Ochish/sharhlash

2021-09-27 12:36:58 ​Inson organizmining g'alati hususiyatlari bor:o'ng qo'ling og'risa,chap qo'ling aziyat chekmaydi.Chap oyog'ingizga yara chiqsa,o'ng oyog'ingiz og'rimaydi.Ammo o'ng ko'zi kulgan odamning chap ko'zi ham tabassumdan porlab ketadi.Chap ko'zi chig'lagan kishining o'ng ko'ziga ham yosh keladi.

O'tkir Hoshimov (Daftar hoshiyasidagi bitiklar) asaridan

Telegram | Instagram Ochish/sharhlash