Нима учун айнан «Iftixor-Books»? Баъзи танишларимиз ва обунач | Otabek Komil

Нима учун айнан «Iftixor-Books»?

Баъзи танишларимиз ва обуначиларимиз нашриётимизни нимага айнан шундай номлаганимизни кўп сўрашди. Шунга жавобан бир пост ёзмоқчиман.

Бу номни шеригим Сардор билан 2020 йил карантин вақтида телефон орқали гаплашиб, топиб қўйган эдик. У ўзбек тили луғатининг мобил иловасидан ўзбекча сўзларини А ҳарфидан бошлаб ўқиган. Мен эса, бўлади ёки бўлмайди деб турганман. Шуларнинг орасида Ифтихор чиқиб қолганда:
— Стоп! Мана шу менга маъқул. Сенгачи? — деб сўраганман. У ҳам кейин шу номни маъқуллагач, танлаб юборганмиз.

Қўшимча саволларга жавоблар:

Ифтихор бу асосчининг исмими?
— Йўқ, бу сўзнинг исмга умуман алоқаси йўқ! Шон-шараф ҳисси ва фахр маъносини берувчи сўз бўлганига танлаганмиз.

Нимага Books? Тўлиқ ўзбекча қилсангиз бўлмасмиди?
— Бўларди, аммо биз нашриётимиз номини тўлиқ ўзбекча ёки тўлиқ инглизча бўлишини истамадик. Кенг қамровли лойиҳамиз бирдек ҳам эски мактаб вакилларини, ҳам мустақил Ўзбекистон фарзандларини қамраб олишини пропаганда жиҳатдан ҳам ўйлашга ҳаракат қилдик.

@otabek_komil