Bugundan xotiralar

2022-12-17 19:05:15 Men baxtni hozir shunaqa tushunyapman: nafas olganingda boshing og'rimasa, yutunsang tomog'ing bo'g'ilmasa, oddiy temperaturang 36.6 bo'lsa va o'zingning ingichka ovozingda gapirsang!.. Ochish/sharhlash

2022-12-11 20:37:11 * * *

Hayot nimasi bilandir baribir go'zal... Ochish/sharhlash

2022-12-06 16:10:48 ​​Онамга қорхат

Қор тушди. Қиш. Қаҳратон совуқ
Музлатди қабрда лоларингни
Энди тинч, хижрон азоби ҳам йўқ
Ётасан, соғинмай болаларингни

Бу ерда изғирин айтади азон
Қушлар чирқираб қилар тиловат
Баҳорми, қишми, келмайин қачон
Мени шумтиратиб қўяди тоқат

Кеча томини ёпдик ўчоқбошини,
Энди қор, ёмғирда ўтин ивимас.
Келининг дамлаб қўйган ошини,
Хатто иссиқ уйда таом татимас

Қишлаш чун келганда талпиниб,
Ташрифлар дардларинг аритди.
Тошкентда қишлоқни соғиниб
Дердинг: мени шу шаҳар қаритди.

Ҳали баҳор келар тўқсон кун ўтиб
Кабрингда яна алвон бўлар лолалар
Қуръон ўқир соғинч дардини ютиб
Пойингда онасиз қолган болалар

Бахриддин Асрор. 2022 йил 6 декабрь Ochish/sharhlash

2022-12-05 19:09:44 * * *

Tashqarida -5 sovuq ko'rsatyapti menda. Mana shu sovuqda arg'imchoq uchib keldim. Negadir boshim gir-gir aylanyapti, arg'imchoq uchmaganimda ham. Keyin, shunchaki, qorda yurdim sirpanib-sirpanib. Biroz o'rindiqda o'tirdim. Turdim, havodan to'yib-to'yib nafas olib qancha yurdim, bilmadim. Va mana shu paytda "men tugayapman, tugab qolyapman" degan fikr keldi. Osmonga tikildim, yerga qaradim, kurtkamning keeeng kapushoni bilan yuzimni yopib uzoq yig'ladim. Tugayapman-u, holimdan xabardor kimsa yo'q... Alam qilarkan! Ochish/sharhlash

2022-11-28 21:22:23 * * *

Yana bir kuz tugamoqda... Umr o'tyapti. Tushunyapsanmi, daraxtlar quriyapti, gullar so'lib bo'ldi, suvlar oqib o'tib ketyapti... Tegramizda charx urib uchgan qushlar yana qaytadimi yo'qmi, bir Bilguvchiga ayon. Hozir yoqqan yomg'ir, erib ketgan qor, teringni kuydirgan oftob, ko'zlaringni quvnatgan yashillik, balki keyin nasib etmas...

Lekin bir narsa aniq: bugun borsan, shu dam nafas olyapsan, ko'zlaringda nur bor. Shukr desang oz, tasbex aytsang kam.

Iltimos, bugun yasha, bugun bor bo'l. Ertani qo'y! Ertalar gumon!...

Umr o'tyapti, yana bir kuz tugadi, axir. Ochish/sharhlash

2022-11-05 21:25:20 * * *

Unchalik ko'p narsa xohlamayman.
Bir million dollar bo'lsa yetardi... Ochish/sharhlash

2022-11-03 21:23:38 * * *

Judayam charchadingmi?.. To'xtashni bil, iltimos.
Bariga qo'l silta, seni hech bir tashvish, hech bir ish va hech bir orzu tushunmaydi, baribir.
Shunchaki tinchlan, dam ol, nafas ol, yur, o'yla... Qo'lingdan nima kelsa barchasini qil... Faqat sokinlash...
O'zingda energiyani va sokinlikni sezdingmi, keyin davom et. Qolgan joyidan emas, umuman boshqa nuqtadan boshla. Hammasi chiroyli bo'ladi, inshaallah!!! Ochish/sharhlash

2022-11-03 12:29:58 #bookfest Ochish/sharhlash

2022-11-01 20:17:38 * * *

Imkoni yo'q narsani deb siqilish ham boshqacha, a, baribir...

Masalan, hozir onam tirilib kelsada, yur qizim bir bozorga tushib kiyimlaringni yangilab chiqamiz, deyishini xohlab yig'ladim.

Ahmoqona, to'g'rimi?

Buni bilaman, lekin ko'nglim shuni istadi shu paytda... Balki, mehr yetishmayapti... Yoki e'tibor. Ochish/sharhlash

2022-10-30 15:33:26 Ochish/sharhlash