O'rikzor bozori

2021-12-08 09:33:42 2021 йил 6 декабр куни Ўзбекистон Республикаси конституцияси қабул қилинганлигининг 29 йиллиги мунособати билан “O’zLiDep”нинг Учтепа тумани “O’rikzor savdo kompleksi” бошланғич партия ташкилотининг бошлиғи депутат Темиров Нарзулла Муйдинович бошчилигида “Конституция–бахтимиз пойдевори” мавзусида маънавий-маърифий тадбир ўтказилди.
Тадбирда Тошкент шахар Адлия бошқармаси, ушбу бошқарма қошидаги “Мадад” бюроси, Учтепа тумани Адлия бўлими, туман Касаба уюшмаси ва “Истеъмолчилар хуқуқларини химоя қилиш” агентлиги мутахассислари томонидан конституциянинг яратилиш тарихи, давлат бошқарувидаги ўрни, хокимиятларнинг бўлиниши, фуқароларнинг ҳуқуқлари, эркинликлари ва бурчлари тўғрисида маърузалар қилинди.
Тадбирда иштирок этган шоир Йўлчи Рўзиев ва тадбиркор Тохирова Нозималар томонидан конститутция ва она Ватанни мадх этувчи шеърлари ва Ички Ишлар Вазирлигига қарашли “Ашула ва рақс” ансамбли хонандалари томонидан ижро қилинган куй ва қўшиклар тадбирга янада файз киритди.
t.me/orikzor_ulgurji Ochish/sharhlash

2021-12-04 06:56:10 O’zLiDeРнинг Учтепа тумани халқ депутати Темиров Нарзулла Муйдиновичнинг ташаббуси билан туман марказлари ҳамда аҳоли пунктларида экологик вазият ва ҳаво тозалигини яхшилаш ҳамда “Яшил макон” умуммиллий лойиҳасига асосан Учтепа туманидаги “Фарҳод”, “Тинчлик обод”, “ Қўрғон тепа” ва “Кўксарой” маҳалла фуқаролар йиғинларида жойлашган кўп қаватли уйларнинг атрофи, кўча ва хиёбонлари чиқинди ҳамда барг-хазонлардан тозаланиб, “Долзарб 40 кунлик” лойиҳасига асосан 260 дона турли хилдаги мевали ва манзарали дарахтлар экилди. Ушбу умуммиллий лойиҳада иштирок этган барча хашарчиларга миннатдорчилик сифатида миллий таомимиз ош тарқатилди.
t.me/orikzor_ulgurji Ochish/sharhlash

2021-09-21 16:20:07 2021 йил 21-сентябрь куни OzLDeРнинг Учтепа тумани 17-“Ўрикзор” сайлов округи депутати Темиров Нарзулла Муйдинович округ худудида ташкил қилинган 228 ва 229-сайлов участкаларига бориб, жорий йилнинг 24-октябрь куни бўлиб ўтадиган Президент сайловини ташкил қилиш жараёни, сайловчиларга яратилаётган шарт-шароитлар билан яқиндан танишиб 228-сайлов участкасига манзарали гуллар қўйиш, 229-сайлов учаскасидаги мавжуд тиббиёт хонасидаги эскирган совутгични алмаштириш хамда сайлов участкасига кирадиган жойларини кўкаламзорлаштириш бўйича тавсиялар берилди.
Депутат томонидан сайлов округидаги бошқа сайлов участкаларини ўрганиш ишлари давом эттирилмоқда.
t.me/orikzor_ulgurji Ochish/sharhlash