Orena.uz – Biznes va texnologiyalar

2022-10-09 14:38:14 Twitter’ning pullik obunachilari endi tvitlarini tahrirlashi mumkin

Twitter ijtimoiy tarmog‘i “Twitter Blue” pullik obunasi orqali o‘z foydalanuvchilari uchun tahrirlash tugmasini ishga tushirdi. Obuna narxi oyiga 4,99 dollarni tashkil etadi.

Tvit yuborilgandan so‘ng, Twitter Blue obunachilariga xabarni tahrirlash uchun 30 daqiqa vaqt beriladi. Bu vaqt ichida ular 5 martagacha o‘z tvitlarini tahrirlashlari mumkin.

Shaffoflik bo‘lishi uchun tahrirlangan tvitlar tarixi saqlanib qoladi va uni pullik obunaga ega bo‘lmagan foydalanuvchilar ham ko‘rishi mumkin. “Nyu-York Tayms” gazetasining yozishicha, xabarlarga o‘zgartirish kiritish xususiyatini qo‘shish taklifi birinchi marta 15 yil avval ko‘tarilgan.

Telegram | Instagram | Facebook Ochish/sharhlash

2022-10-08 15:32:07 WhatsApp – Premium obunani ishga tushirmoqchi

2014-yil Facebook WhatsApp’ni sotib olishidan oldin u pullik ilova bo‘lganligi sababli, Meta undan pul ishlashni maqsad qilgan edi. WABetaInfo veb-sayti ma’lumotlariga ko‘ra, ilova biznes foydalanuvchilari uchun Premium obunani taqdim etishga tayyorlamoqda.

Ayni paytda Premium obuna ilovaning beta versiyasida mavjud. Premium obuna egalari wa.me/orenauz kabi havola yaratish imkoniga ega bo‘ladilar. Siz bu havolalarni har uch oyda bir marta o‘zgartirishingiz mumkin.

O‘zgartirilgandan so‘ng, avvalgi havola yana boshqa foydalanuvchilar uchun ochiq bo‘ladi. Hozircha WhatsApp Premium’ning ishga tushish sanasi va narxi haqida ma’lumot yo‘q.

Telegram | Instagram | Facebook Ochish/sharhlash

2022-10-08 10:07:41 Endi Burj Xalifaga Meta dunyo orqali tashrif buyurishingiz mumkin

Virtual reallik ustida ish olib boruvchi Eventcombo kompaniyasi dunyodagi eng baland egizak bino Burj Xalifaning Meta dunyodagi raqamli ko‘rinishini yaratdi. Bu tashrif buyurishga imkoni bo‘lmagan odamlar uchun o‘ylab topilgan.

Meta dunyodagi osmono‘par binoga tashrif buyurgan odamlar bino atrofida aylanib, Dubayning 360 graduslik ko‘rinishini tomosha qilishlari mumkin. Buning uchun sizga qo‘shimcha uskunalar, ya’ni VR ko‘zoynaklari kerak bo‘lmaydi.

Shuningdek, Eventcombo Burj Xalifaning har tomondan ko‘rsatilgan, bino atrofida aylanib yurgan odamlar hamda binoning liftdan yuqoriga ko‘tarilgan videosini ommaga taqdim etdi.

Telegram | Instagram | Facebook Ochish/sharhlash

2022-10-05 15:25:02 Ilon Mask Twitter’ni sotib olish rejasiga qaytdi

Amerikalik milliarder Ilon Mask Twitter'ni 2022 yil aprelida kelishilgan shartlar asosida sotib olmoqchi. Twitter buni rasman tasdiqladi va «kompaniya ushbu bitimni yakunlash niyatida» ekanligini qo‘shimcha qildi.

Ilon Maskning bitimni yopish niyati Amerika OAVlari tomonidan e’lon qilinganidan so‘ng, Twitter aksiyalari narxi keskin ko‘tarildi va Nyu-York fond birjasida u bilan savdo qilish ikki marta to‘xtatildi.

Mask va Twitter o‘rtasida tuzilgan xarid shartnomasi shartlariga ko‘ra, tomonlardan biri undan voz kechsa, bir milliard dollargacha jarima ko‘zda tutilgan.

Telegram | Instagram | Facebook Ochish/sharhlash

2022-10-03 16:01:20 Xitoy dunyodagi eng katta akkumulyatorni ishga tushirdi

Xitoyning Dalyan shahrida dunyodagi eng katta oqimli vanadiy batareyasi ishga tushirildi. Akkumulyatorning quvvati 400 MVt/soat bo‘lib, 200 ming kishining kunlik energiya ehtiyojini qondirish uchun mo‘ljallangan.

Ushbu batareya an’anaviy batareyalarga o‘xshab litiy ionidan tashkil topmagan, shu sababli ancha xavfsiz hisoblanadi. Shuningdek, batareya ancha uzoqroq vaqt quvvatni ushlab tura oladi.

Telegram | Instagram | Facebook Ochish/sharhlash

2022-10-01 16:19:56 Google’ning Yaponiyadagi ofisi Gboard Bar klaviaturasini taqdim etdi

Gboard Bar klaviaturasida barcha tugmalar bir qatorda joylashgan. Klaviaturaning uzunligi 1,65 metr. Ishlab chiqaruvchilarning fikricha, Gboard Bar yordamida harflarni topish va matn kiritish osonroq.

Kelajakda Google klaviaturani yig‘ishtirib, cho‘ntakka solib qo‘yish mumkin bo‘lgan versiyasini chiqarishi mumkin. Gboard Bar haqiqiy loyiha bo‘lmasada, Google ushbu klaviaturaning Github chizmalarini nashr etdi.

Telegram | Instagram | Facebook Ochish/sharhlash

2022-09-30 16:07:45 Apple Rossiyadagi xodimlarini boshqa davlatlarga olib ketdi

Ko‘chirilganlarning aksariyati Qirg‘izistonga, bir qismi Buyuk Britaniyaga olib ketilgan. Bu haqda “Vedomosti” nashri xabar bermoqda.

Ko‘chishga tayyorgarlik bahorda boshlangan va yoz oxirigacha tugagan. Manbaning qayd etishicha, ba’zi xodimlar ko‘chirishning dastlabki bosqichida Dubayga ketishgan.

Apple Rossiyadagi ishini butunlay tugatayotganini rasman e’lon qilmadi, Rossiya-Ukraina mojarosi boshlanganidan so‘ng kompaniya maxsulotlar savdosini to‘xtatib, Apple Pay va boshqa bir qator xizmatlarini ishlashini chekladi.

Telegram | Instagram | Facebook Ochish/sharhlash

2022-09-28 17:27:36 Apple Rossiyaning eng yirik ijtimoiy tarmog‘ini App Store’dan olib tashladi

Apple kompaniyasi VK ilovalarini App Store’dan olib tashladi va Buyuk Britaniya sanksiyalari tufayli dasturchining akkauntini bloklab qo‘ydi. Bu haqda The Verge nashri xabar berdi.

Nashr xizmatlarni bloklash butun dunyo bo‘ylab amal qilishi, biroq siz hali ham yuklab olingan ilovalardan foydalanishingiz mumkinligini qo‘shimcha qildi.

Roskomnadzor bugun Apple kompaniyasidan Rossiya dasturlarini olib tashlash sabablarini tushuntirishni talab qildi.

Telegram | Instagram | Facebook Ochish/sharhlash

2022-09-27 15:57:51 Microsoft rossiyaliklar uchun Windows 11 yangilanishini blokladi

Microsoft kompaniyasi ham Rossiyaga qarshi sanksiya e’lon qila boshladi. Hozirda rus foydalanuvchilari Windows Update oynasi orqali operatsion tizimni yangilamoqchi bo‘lsa, tizim foydalanuvchini kompaniyaning rasmiy veb-saytiga o‘tishni taklif qiladi.

Agar saytda Windows 11 ning so‘nggi versiyasi uchun maxsus yuklab olish dasturini ishga tushirishga harakat qilinsa, bo‘sh sahifa ochiladi va yuklab olish amalga oshmaydi.

Cheklovni VPN ilovalari orqali chetlab o‘tish mumkin. Bundan tashqari, tizimning ISO faylini yuklab olishingiz va Windows 11 ni kompyuteringizga qo‘lda o‘rnatishingiz mumkin.

Telegram | Instagram | Facebook Ochish/sharhlash

2022-09-26 15:01:37 Meta’ning O‘zbekistonda vakolatxonasi ochilishi mumkin

“IT Park”ga Metaning Xitoy, Mo‘g‘uliston va Markaziy Osiyodagi boshqaruv direktori Jorj Chen va hukumat bilan ishlash boʻyicha “Facebook” menejeri Avrora Li tashrif buyurdi.

Uchrashuvda tomonlar taʼlim sohasidagi hamkorlik imkoniyatlarini kengaytirishga kelishib olishdi. Unga koʻra, “IT Park University” doirasida AR va VR boʻyicha “Meta” kurslari joriy etiladi.

Jorj Chen bugungi kunda Oʻzbekistonda Facebook va Instagram foydalanuvchilari soni 10 mlndan oshganini qayd etdi.

Uchrashuv yakunida tomonlar “Meta” kompaniyasining O‘zbekistonda vakolatxonasi ochilishi mumkinligi haqida fikr almashdilar.

Telegram | Instagram | Facebook Ochish/sharhlash