1. Туғилиш. Ўлим. Ўртасида Умр. Қазои қадар бўлиб Ўлимнинг тах | Sayyid Abdulaziz Yusupov | OQ va QORA

1. Туғилиш. Ўлим. Ўртасида Умр. Қазои қадар бўлиб Ўлимнинг тахминий муддати аниқ бўлиб қолса, дейлик доктор айтсаки Отангизнинг шунча умри қолди, дея… то ўша муддат келгунча бу вақтнинг келишига қарши, уни кечиктириш учун азобли мужодала берасиз. Кўпчилик ўйлайдики, ана шу муддат - сўнгги нафасгача бўлган мужодала энг оғир давр деб. Аслида ундай эмас. Ҳаёт учун кураш жараёни муддатида чекилган изтироблар энг оғири эмас. Энг оғири ўша мудҳиш кун келгандан сўнг, ўлим содир бўлгандан кейин бошланади. Энг яқинингизнинг йўқлигига умрбод кўникишга ҳаракат қилиб яшайсиз. Минг унинг йўқлигини англанг, ҳис қилинг асло кўниколмайсиз! Ҳеч қачон бунга кўникиб яшаб кетолмайсиз. Бу дунё шунақа. Бу дунёнинг аччиқ қонунлари шунақа.

2. Ҳеч қачон ҳеч кимни синаманг. Бу тўрт кунлик дунёда, аслида жуда қисқа муддатда бировни синаманг. СИНОВ - ЯРАТГАННИНГ ИШИ, БАНДАСИНИНГ ЭМАС.
Айтарсиз синамасам қандай ишонаман?, деб. Ҳаммаси жуда осон:
АЛЛОҲ УЧУН СЕВИНГ, АЛЛОҲ УЧУН ЯХШИ КЎРИНГ, АЛЛОҲ УЧУН ИШОНИНГ ВА ЎЗИНГИЗНИ АЛЛОҲГА ТОПШИРИНГ. НИМАИКИ БОШИМГА КЕЛСА РОЗИМАН ДЕБ УНИНГ ИРОДАСИГА ТОПШИРИНГ. НИМАИКИ КЕЛСА ҲАМ БОШИНГИЗГА ЯРАТГАНДАН, УНИНГ СИЗГА РАВО КЎРГАНИДАН РОЗИ БЎЛИНГ. АНА ШУНДА ҲАЁТИНГИЗ НУРГА ТЎЛАДИ, ЁРУҒ РАНГЛАРГА ТЎЛАДИ. ЧУНКИ, ЎЗИНИ АЛЛОҲГА ТОПШИРГАН БАНДАНИ У БУЮК ЗОТ ҲЕЧ ҚАЧОН ХАФА ҚИЛМАЙДИ, АЗИЗ ҚИЛАДИ, ЮКСАКЛАРГА КЎТАРАДИ.

Sayyid-AbdulAziz YUSUPOV

@Oqvaqora_uz