#Deletedaccount Қанча дўсту-ошнони топинг, Меҳр бериб уларга | 𝙾𝚀 𝚀𝙾𝚁𝙰 𝚂𝚃𝙰𝚃𝚄𝚂𝙻𝙰𝚁...
#Deletedaccount
Қанча дўсту-ошнони топинг,
Меҳр бериб уларга тўйманг.
Яхши-ёмон одамлар аро,
Ўзингизни йўқотиб қўйманг!
Кеча-кундуз тер тўкиб ишланг,
Топинг-тутинг, қилинг даромат.
Сийласангиз ҳаммани сийланг,
Ўзингизни унутманг фақат!
Яхши бўлинг, қилмаслар парво,
Достон бўлар ёмонлигингиз.
Ўзингиздан бошқа кимгаям,
Керак сизни омонлигингиз!
Фидо бўлиб кўринг кимгадир,
Атай сизни кўзга илмайди.
Қадрингизни ўзингизчалик,
Ўзингиздан ўзга билмайди!
Ер қаттиқдир, йироқдир фалак,
Шеърда қолар айтар сўзингиз!
Кимга сиздан нимадир керак,
Ўзингизга фақат ўзингиз!
Виждонини сув қилиб ичиб,
Адолатин еб қўйган Ҳаёт!
Шу сабабли ўзингиз учун,
Ўзингизни қилинг эҳтиёт!
Малика Салимова
@oqqora_statuslar_rasmiy
