O'qituvchiga imkoniyatlar!

2022-08-28 08:25:05 #Ўқув_календари

Ўқитувчилар учун 2022-2023 ўқув йили календари.

"Халқ таълими ходимларига"

https://t.me/Oqituvchigaimkoniyatlar Ochish/sharhlash

2022-08-28 06:37:36 Барча давлат олий таълим муассасаларининг барча босқич талабалари учун тўлов-контракт миқдорлари оширилмайди!

Давлатимиз раҳбари Шавкат Мирзиёевнинг мамлакатимиз таълим тизимига берган алоҳида эътибори, жумладан талабаларга олий таълим олишлари учун кўрсатган ғамхўрлиги, халқчил сиёсати натижасида 2022/2023 ўқув йили учун барча йўналишлар бўйича тўлов-контракт миқдорлари оширилмайдиган бўлди.

Талабалар ва уларнинг ота-оналарига қулай шароитлар яратиш, глобал иқтисодий инқироз шароитида аҳолининг тўлов қобилиятини инобатга олган ҳолда, истисно тариқасида, 2022/2023 ўқув йили учун барча босқичдаги талабаларнинг тўлов-контракт асосида ўқитиш қиймати миқдорлари давлат олий таълим муассасалари, жумладан, молиявий мустақиллик берилган олий таълим муассасаларида ҳам, базавий тўлов-контракт қиймати 2021/2022 ўқув йили учун белгиланган миқдорларда сақлаб қолинади.

Шу билан бир қаторда, 2022/2023 ўқув йили табақалаштирилган тўлов-контракт миқдорлари ўтган ўқув йили учун белгиланган миқдорларда ўзгаришсиз қолади.

Талабаларни таълим шакллари (кундузги, сиртқи, кечки ва масофавий) бакалавриат таълим йўналишлари ҳамда магистратура мутахассисликлари бўйича бир йиллик ўқитиш қийматлари миқдорлари қуйидагича:

Юклаб олиш

https://t.me/Oqituvchigaimkoniyatlar Ochish/sharhlash

2022-08-28 06:34:14 «ТАШАББУСЛИ БЮДЖЕТ» 29 АВГУСТ(18:00)ГАЧА ИШЛАМАЙДИ

Молия вазирлиги «Очиқ бюджет» ахборот порталида кузатилаётган техник носозликлар туфайли, жорий йилнинг 29 август соат 18:00 га қадар Порталда профилактика ишлари амалга оширилишини ва ушбу давр мобайнида лойиҳаларга овоз бериш имконияти бўлмаслигини маълум қилди.

Техник носозликлар туфайли йўқотилган кунлар сонига узайтирилади.

https://t.me/Oqituvchigaimkoniyatlar Ochish/sharhlash

2022-08-27 22:04:20 Мандат эълон қилинди

Бакалавриатга кириш имтиҳонлари натижалари чиқди. Натижаларни 4 хил усулда масофадан, бепул билиш мумкин.

my.dtm.uz сайти орқали;

mandat.dtm.uz сайти орқали;

Абитуриент рухсатномасидаги QR-кодни сканерлар орқали;

Қуйидаги Telegram-ботларга абитуриентнинг ID-рақамини юбориш орқали:

@e_dtm_mandatbot
@e_dtm_mandat1bot
@e_dtm_mandat2bot
@e_dtm_mandat3bot
@e_dtm_mandat4bot

https://t.me/Oqituvchigaimkoniyatlar Ochish/sharhlash

2022-08-27 20:39:49 Мандат қачон чиқиши керак?

ЖАВОБ: Тестлар тўлиқ тугагач 1 ҳафта ичида.

Вазирлар Маҳкамасининг 2017 йил 20 июндаги 393-сон қарори билан тасдиқланган Низомнинг 14-бандига кўра, абитуриентнинг тест синовидан тўплаган баллари ҳақидаги маълумот тест синови ўтказилган куннинг эртасига, унинг талабаликка тавсия этилгани ёки этилмагани бўйича танлов натижаси тест синовларини ўтказиш жараёни тўлиқ якунланганидан кейин бир ҳафта муддат ичида Давлат тест марказининг расмий веб-сайтида эълон қилинади.

Жорий йил тест синовларининг охирги куни 20 августда бўлди. Қонунчиликка кўра, мандат шу санадан бошлаб 1 ҳафта ичида, яъни эълон қилиниши керак.

Демак, бугун — 27 август куни мандат чиқиши керак бўлган қонуний сананинг охирги куни.

Агар бугун соат 23:59 гача мандат чиқмаса, кечиккан ҳар бир кун қонунбузилиш, деб ҳисобланади. Аммо ўтган йиллардаги амалиётдан кўрганмизки, бу қонунбузилиш (мандат кечикиши) учун кимдир жазоланиши даргумон.

https://t.me/Oqituvchigaimkoniyatlar Ochish/sharhlash

2022-08-27 15:18:50 1 SENTABRDAN QONUNChILIKDA YaNGILIKLAR

Prezident tomonidan mutasaddilarga 1 sentabrdan boshlab:

aholi daromadining kreditga yoʻnaltiradigan qismini soliqdan ozod qilish chegarasini oshirish;

ipoteka kreditini ajratishda aholi daromadlari boʻyicha tijorat banklariga qoʻyiladigan talablarni yengillashtirish boʻyicha qaror loyihasini kiritish topshirildi.

Mutasaddilarga subsidiya ajratishda byurokratiyani keskin qisqartirish, uni ochiq-oshkora qilib, toʻliq raqamlashtirish boʻyicha taklif kiritish vazifasi qoʻyildi.

Byudjet tashkilotlaridan boshqa barcha yuridik shaxslarda oxirgi 6 oyda uzluksiz ish staji boʻlgan ayollarga har oy uchun minimal isteʼmol xarajatlari miqdoridan kelib chiqib byudjet hisobidan homiladorlik va tugʻish nafaqasi toʻlanadi.

OTM, texnikum va kollejlarda, sirtqi va kechki taʼlimda oʻqiyotgan xotin-qizlar kontraktlarini toʻlash uchun 7 yilga foizsiz kredit berish uchun banklarga byudjetdan har yili 1,8 trillion soʻm yoʻnaltiriladi.

2022 yil 1 sentabrdan avtotransportni boshqarish uchun ishonchnomalarni Yagona interaktiv davlat xizmatlari portali orqali (my.gov.uz) elektron rasmiylashtirish yoʻlga qoʻyiladi.

2022 yil 1 sentabrdan 2024 yil oxirigacha:

4 tadan koʻp boʻlmagan oʻrindiqlarga ega transportlarda yoʻlovchi tashish oʻzini oʻzi band qilish deb qaraladi va ushbu faoliyat litsenziya varaqasi asosida amalga oshiriladi;
litsenziya varaqasi berishda avtomobilning ekspluatatsiya davriga qoʻyilgan talab bekor qilinadi.

Oilaviy bogʻchalarga 3 yoshga toʻlmagan bolalarni ham qabul qilishga ruxsat beriladi.

Ijtimoiy sugʻurta jamgʻarmasi hisobidan davlat ijtimoiy sugʻurtasi boʻyicha minimal isteʼmol xarajatlaridan kelib chiqib homiladorlik va tugʻish nafaqalari toʻlanadi. Bunda, xodimning ish stajida 1 oygacha boʻlgan tanaffuslar mavjud boʻlsa ushbu tanaffuslardan oldingi va keyingi oylar ketma-ket ish stajini hisoblashda qoʻllaniladi.

Oilaviy bogʻcha xodimlariga byudjetdan subsidiya elektron tizim orqali hisoblanadi.

Sport maktablari xodimlarining bazaviy tarif stavkasiga oʻquvchi-sportchilar erishgan yuqori sport natijalaridan kelib chiqib har oyda ustamalar toʻlab beriladi.

Oilaviy nodavlat bogʻchalarda tarbiyachi va tarbiyachi-yordamchilarga byudjetdan ish haqini qoplash uchun subsidiya toʻgʻridan-toʻgʻri ushbu xodimlarning plastik kartasiga oʻtkazib beriladi.

jismoniy shaxslarga tegishli ishlab chiqarilganiga 10 yilgacha boʻlgan yengil avtomototransportlar texnik koʻrikdan ixtiyoriy ravishda oʻtkaziladi.

shifokorlarning yakka tartibda oilaviy shifokorlik faoliyatini yuritishga ruxsat beriladi.

Buning uchun alohida tibbiyot muassasasi ochish talab etilmaydi va ushbu toifadagi shifokorlarga oʻz uyida yoki ijaraga olingan binoda tibbiy xizmatlar koʻrsatishi mumkin.

https://t.me/Oqituvchigaimkoniyatlar Ochish/sharhlash

2022-08-27 11:52:51 Ўзбекистон Республикаси Халқ таълими вазирлигининг 03-03/1-4369-сонли хати

2022 йил 23-август

" Умумтаълим муассасаларининг таълим ёки тарбия бериш билан машғул бўлган педагог ва бошқа ходимлари тиббий кўрикдан бепул ўтказилиши ва бунда хеч қандай тўловлар амалга оширилмаслиги юзасидан тарғибот ишларини олиб бориш тўғрисида"

Ўзбекистон Республикаси Халқ таълими вазирлиги


https://t.me/Oqituvchigaimkoniyatlar Ochish/sharhlash