2022-07-08 02:21:13
Juma kunining fazilati
Juma kuni juda ham fazilatli kundir. Alloh Taolo bu kunda Islomni ulug'lagan va bu kunni faqatgina Musulmonlarga maxsus qilgan. Oyatda Alloh Taolo shunday buyuradi:
يَا أيُّهَا الَّذِينَ آمَنُوا إذَا نُودِي لِلصَّلَاةِ مِن يَوْمِ الْجُمُعَةِ فَاسْعَوْا إلَى ذِكْرِ اللهِ وَذَرُوا الْبَيْع ذَلِكُمْ خَيْرٌ لَّكُمْ إن كُنْتُمْ تَعْلَمُونَ
Ey iymon keltirganlar! Juma kuni namozga nido qilinganda, Allohning zikriga shoshiling va savdoni qo'ying. Agar bilsangiz, bu o'zingiz uchun yaxshidir.
(Juma surasi 9-oyat)
Rosululloh sollallohu alayhi vasallam shunday buyurdilar:
من ترك الجمعة ثلاثا من غير عذر طبع الله على قلبه
"Kim uzrsiz uch marotaba Juma namozini tark qilsa, Alloh Taolo u kisihining qalbini muhrlab qo'yadi”.
Bir odam Ibn Abbos roziyallohu anhuga kelib hayoti davomida hech ham Juma namoziga bormagan va jamoatga qo'shilmagan kishi haqida so'radi.
Ibn Abbos roziyallohu anhu: " U kishi jahannamdadir" deya javob berdilar.
Alloh Rosuli sollallohu alayhi vasallam shunday buyurdilar:
"Quyosh chiqqan eng xayrli kun Juma kunidir. Odam alayhissalom bu kunda yaratildi, bu kunda Jannatga kirdi, bu kunda yeryuziga tushirildi, tavbasi bu kunda qabul qilindi, bu kunda vafot etdi va qiyomat ham bu kunda bo'ladi. Bu kun Alloh Taolo uchun yavmul mazid'dir (ne'matlarning cho'qqisiga chiqgan kun). Bu kun jannatda Alloh Taoloning jamolini ko'riladigan kundir”.
(Muslim rivoyati)
"Kim juma kuni yoki Juma kechasi vafot etsa, Alloh Taolo u kishiga shahid savobini yozadi va qabr fitnasidan asraydi”.
(Termiziy)
@oppoq_olam -|ᴇᴢɢᴜʟɪᴋ ᴍᴀɴᴢɪʟɪ|
40 views𝔾𝕠𝕗𝕦𝕣𝕠𝕧𝕒, 23:21