2022-07-15 11:40:09
O'zbekiston Milliy universiteti yurtimizdagi eng yetakchi oliy ta'lim muassasi.
Universitetning 60230100 - Filologiya va tillarni o‘qitish: o'zbek tili yo'nalishi oliy ta'lim dargohi bilan tengdoshdir. Uzoq yillar davomida yo'nalish ko'plab O'zbekiston qahramonlari, davlat va fan raboblari, akademiklar, ijodkorlar, fan doktorlari, fan nomzodlari va soha mutaxassislarini yetkazib berdi. Yo'nalish respublikamizning ilm-fani rivojiga beqiyos hissa qo'shish bilan birga bir qator OTMlarning tashkil topishida asos bo'ldi.
Yo'nalish bugungi kunda ham jadal rivojlanishda davom etmoqda. Hozirda yo'nalishning kunduzgi (20 ta davlat budjeti, 100 ta to'lov-kontrakt), kechki (75 ta to'lov-kontrakt) va sirtqi (75 ta to'lov-kontrakt) shakllari mavjud.
Yo'nalishni tamomlagandan so'ng kadrlar filologik, pedagogik, tarjimashunoslik, noshirlik, ijtimoiy-siyosiy, jurnalistik kabi turli sohalarda faoliyat ko'rsata oladilar.
Xalqaro aloqalar natijasida bir qancha muvaffaqiyatlarga ham erishildi. Xususan, yo'nalishni tamomlagan bitiruvchilarga qo'shimcha kvalifikatsiya asosida turk tili diplomi ham beriladi.
Yo'nalishning talabalariga ba'zi mutaxassislik fanlaridan ma'ruzalar ingliz tilida o'qiladi. Bu boshqa OTMlarning shu kabi yo'nalishlaridan yana bir ustunligimizdir.
O'zbek tili va adabiyotiga qiziqqan barcha abituriyentlar uchun yo'nalishimiz eshiklari ochiq.
2.4K views08:40
Y
