МУСОФИР СОҒИНЧИ Мен мусофир юртларда сарсон, Қалбим ёмон тил | Оналар Канали

МУСОФИР СОҒИНЧИ

Мен мусофир юртларда сарсон,
Қалбим ёмон тилинди она,
Соғинчларим қийнар беомон,
Қадрингиз кўп билинди она.

Меҳрингизга туйган у дамлар,
Ҳаёлларим бир жойга жамлар,
Найза мисол санчилиб ғамлар,
Қувончларим юлинди она.

Дунёсидан тамом хоридим,
Чопиб, елиб ёмон хоридим,
Ҳизматингиз қилмай қаридим,
Сочимга оқ илинди она.

Соғинаман соғинган сари,
Бир пул экан тилло-ю, зари,
Бир таскин йўқ,бегона бари,
Ҳаста кўнглим шилинди она.

Қораларин фарқи йўқ оқдан,
Насияси кўп экан нақддан,
Зўр ҳасратлар тақдир-у, Ҳақдан,
Менга туҳфа қилинди она.

Шу эдими мен излаган бахт,
Юрагимда тўла ҳижрон, гард,
Пойингизда эканку жаннат,
Қадрингиз хўп билнди она.

Хуршид Карим

Барча, онасини яхши кўрадиганлар учун канал

@Onalar_kanali

https://telegram.me/joinchat/TvtkE6oET_SJ2DTx