Кунни кеч қилиб, ишдан уйга қайтдим. Айвонда ўтирган онамга са | Оналар Канали

Кунни кеч қилиб, ишдан уйга қайтдим.
Айвонда ўтирган онамга салом бериб, ҳар доимгидек юзларидан ўпдим.
- Ойижон, яхши ўтирибсизларми?
- Ўтирибмиз, болам.
Онам шундай деб ошхонада қуймаланаётган хотинимга гапирди.
- Келин, ўғлимга овқатини тезда сузиб келинг.
- Хўп бўлади, ойижон.
Онам олдидаги нонни синдирганча мени койидилар.
- Кечгача қаерларда юрасан-а?
- Ойи, ишда эдимда. Бошқа қаерда ҳам бўлардим?
- Сен болага уйланибам ақл битмади, битмадида. Янги куёв бўлсанг, уйга эртароқ келсанг бўлмайдими?
Онам барибир "хўп" демаганимга қўймайди.
- Хўп, эртадан вақтлироқ келаман.
Бу пайтда онамнинг севимли келини салом берганча овқатни олдимга қўйди.
Бу таомни аёлим қилганини биламан. Бироқ, онамнинг олдида мақташ ноўрин. Шунинг учун бир ўқ билан икки қуённи урмоқчи бўлдим.
- Имм, дахшат. Ойижон, овқатингиз ҳар доимгидек зур бўлибди, қўлингиз дард кўрмасин.
Хотиним чой узатганча жилмайди. Онам бўлса кулдилар.
- Ўғлим, бу овқатни мен эмас, хотининг қилди.
Ўзимни хайрон бўлганга солдим.
- Йўғ-э, айтдим бу бироз шўр деб.
Аёлим кўз қири билан менга қаради. Мен ҳам вазиятдан фойдаландим.
- Ойижон, сиз нафақат яхши она, балки, ажойиб устозсиз. Илохим, бахтимизга доим соғ бўлинг.
Онамнинг бўйнидан қучиб, бир қўлим билан турмуш ўртоғимнинг қўлидан тутдим.

P.S. Унутманг... Қайнона ва келин орасидаги муносабатнинг қандай бўлиши кўп жиҳатдан йигит кишига боғлиқ.

Барча, онасини яхши кўрадиганлар учун канал

@Onalar_kanali

https://telegram.me/joinchat/AAAAAE77ZBOqBE_0idg08Q