​​Ота- она ғанимат Бойлик кетидан қувлайсан ҳамон, Тўрт томон | Оналар Канали

​​Ота- она ғанимат

Бойлик кетидан қувлайсан ҳамон,
Тўрт томоннинг қамраган ғафлат.
Қариётган ота-онанга бир қара,
Бир куни ҳам сенга ғанимат.

Оёқлари остида ястанар жаннат,
Жаннат керакмасми айт биродар.
Нечун ҳануз бефарқсан, беғам,
Бурчингни унутма ўлгунга қадар.

Юзларини ўпиб, бошларин сийпаб,
Болангни эркалаб дейсан оқ қанд.
Ота-онанг кўнглини қачон олгансан,
Қандай ноқобил бўлдинг фазанд.

Балли ёринга олибсан кўйлак,
Ишқида халак хузурида малай.
Онанга совға бергансан қачон,
Худбинлигинга келсак қара бир талай.

Кўчаларда керилиб давринг сурасан,
Ошналарга қуруқ гапларни ташлаб.
Уйдаги отанга бегонадайсан,
Бир бор бағринга босмайсан ҳушлаб.

Бир коса овқатинг қилмасин малол,
Миннатли хизматдан солма қош қаво.
Ўзингдан итариб жеркима асло,
Ярим кўнглига ширин сўз даво.

Гўдакликдан вояга етгунга қадар,
Парча гўштдан катта қилган ким.
Бетоблик чоғингда ичини тирнаб,
Минг дард ила ох чеккан ким.

Балони йўлатмай аритар нари,
Дуогўй сўзлари асрар қўрғони,
Ташвиш, ғамдан оқарган сочи,
Оловлар ичра куйган жони.

Билсанг бу дунё қайтар дунё,
Қариганда элга бўлмагин майна.
Қани ёлвориб оёқларини ўп.
Ҳамманинг ҳам бошида йўқ ота-она.

Юсупова Зулфия

Барча, онасини яхши кўрадиганлар учун канал

@Onalar_kanali

https://telegram.me/joinchat/AAAAAE77ZBOqBE_0idg08Q