Етим гўдак ноласи Онажоним не гуноҳим бор, Нечун мени ташлаб | Оналар Канали

Етим гўдак ноласи

Онажоним не гуноҳим бор,
Нечун мени ташлаб кетдингиз?
Меҳрингизга ташна қалбим зор, Кўзларимни ёшлаб кетдингиз.

Етимларнинг уйида ҳар тун,
Тушларимга кириб чиқарсиз,
Тонгда туриб йиғларман бе ун,
Қандай яшай ота-онасиз?

Мурғак қалбим зирқираб оғрир,
Йўлингизга кўзим тикарман,
Ёнгинамга келсангиз агар,
Сизни ўпиб,севиб суярман.

Бу ерда бор ҳамма шароит,
Аммо етмас она меҳрингиз.
Нахот бир бор кўргингиз келмас,
Шунчалар ҳам қаттиқ қаҳрингиз.

Шундоқ экан нега мени сиз,
Келтирдингиз ёруғ дунёга.
Ҳаёт гўзал дерлар афсуски,
Умрим ўхшар гўё рўёга.

Қаердасиз келинг онажон,
Олиб кетинг мени бу ердан,
Соғиниб мен бир кун берсам жон.
Сўнг изларсиз руҳим қаердан?

Шоир Баҳрий

Барча, онасини яхши кўрадиганлар учун канал

@Onalar_kanali

https://telegram.me/joinchat/TvtkE6oET_SJ2DTx