2022-08-22 09:09:25
Қишлоқ аёли...
Пардозни юзлари ҳеч ҳам кўрмаган,
Қиммат ресторанга бир бор кирмаган.
Рўзғорнинг ташвишидан бўйин бурмаган,
Сабрингизга таъзим қилай қишлоқ аёли.
Қўлида икки челак саҳарлаб турган,
Ўн чақирим ҳеч гапмас далада юрган.
Тандиру-ўчоқ билан суҳбатлар қурган,
Сабрингизга таъзим қилай қишлоқ аёли.
Сочлари ранг кўрмайди, рўмол бошида,
Бир этак болалари юрар қошида.
Момо бўлиб улгурди қирқ бир ёшида
Сабрингизга таъзим қилай қишлоқ аёли.
Тонгда туриб кетмон билан чопади ерни,
Ўчоқ ёқиб қўлда ювар тўплаган кирни.
Сўраб кўринг ҳеч сўйламас ичидаги сирни,
Сабрингизга таъзим қилай қишлоқ аёли.
Оташ Ўрмон ➪@onajonlar_uchun_kanal
𝙾𝚝𝚊 𝚘𝚗𝚊𝚜𝚒𝚐𝚊 𝚖𝚎𝚡𝚛𝚒𝚋𝚘𝚗𝚕𝚊𝚛 𝚔𝚊𝚗𝚊𝚕𝚒..!
𝚈𝚊𝚚𝚒𝚗𝚕𝚊𝚛𝚒𝚗𝚐𝚒𝚣𝚐𝚊 𝚞𝚕𝚊𝚜𝚑𝚒𝚗𝚐
2.0K views𝙅𝙖𝙫𝙤𝙝𝙞𝙧●➤꯭✹̱̱̱̱̱̱̱̱̱̱̱̱̱̱̱̱̱̱̱̱̱̱̱̱̱̱̱̱̱̱̱̱̱̱̱̱̱̱̱̱̱̱̱̱͢, 06:09