Omonatim_Onajon✅

2022-06-19 12:03:40 Onajonim sog‘indim!
Xolim yo‘q negadir yashagim kelmas
Ko‘z yoshlarim yuzimni hamon yuvyapti
Siz kabi hech kimsa mehrini bermas
Onajon o‘rningiz yomon bilinyapti

Tunlari ko‘zimga uyqu ham kelmas
Unsiz yig‘laganim hech kimsa bilmas
Osmonlarga meni tashlab uchtingizku
Ko‘z yosh to‘ksam yig‘lamagin derdingizku

Oq kafanga o‘rab sizni kuzatgandim men
Muzlagan qo‘llaringiz bir zum tutgandim men
Uzoq ketsam yo‘llarimni kutar edingiz
Endi o‘ziz qaytmas bo‘lib ketib qoldingiz

Onajonim menga abadiy armon
Duolari bo‘lardi dardimga darmon
Yosh qizingiz orzulari osmon edi
Sizsiz bu orzular armon endi

Unutgandim o‘zligimni o‘zimni
Zor yig‘lab aytar edim har bir so‘zimni
Onajon faqat bitta so‘zim bor
Farishtam tushlarimga kiring bir bor

Keng dunyoga shuncha odam sig‘yaptiku
Shu dunyoga bitta onam sigmabdiku
Onajonim sog‘inyapman bilyapsizmi
Osmonlardan meni ko‘rib turyabsizmi

Jannat hidi kelgan farishtam onam
Yagona boyligim quvonchim onam
Mehringiz , hidingiz sog‘indim onam
MEN SIZNI JUDAHAM SOG‘INDIM ONAM.

Bu sher Nargiza degan singlimizdan kelgan iltimosi qilgani ucun kanalimizga tashadim iloxim onasini joylari jannatda bòlsin Ochish/sharhlash

2022-06-19 06:53:13 Онам каби бўлолмас ҳеч ким.

Онам мени дунё - борлиғим,
Билинмайди дўстга зорлигим,
Дўсту-душман кутар хорлигим,
Онам каби бўлолмас ҳеч ким.

Ёшлигимда эркалаб суйган,
Мени дебон йиғлаблар куйган,
Кулсам агар мен билан кулган,
Онам каби бўлолмас ҳеч ким.

Ширин сўзлаб кўнглим овутган,
Куймасин деб чойлар совутган,
Оёғи остида жаннатлар турган,
Онам каби суёлмас ҳеч ким.

Ишим касод, тамом бўсам гар,
Кимлар учун ёмон бўлсам гар,
Рангим ўчиб сомон бўлсам гар,
Онам каби куёлмас ҳеч ким.

Ичимда кўп дардларим бўлса,
Ғам - аламлар ичимга тўлса,
Бу дунёда онамдан бошқа,
Дардларимни туёлмас ҳеч ким.

Баъзида кўп хурсанд бўлсам гар,
Гўзалликка қалбан тўлсам гар,
Бу дунёда онамдан бошқа,
Қалбан очиқ кулолмас ҳеч ким.

Шоҳ олдида гадо бўлса ҳам,
Умри тугаб адо бўлса ҳам,
Бойлигидан жудо бўлса ҳам,
Онамдек тик туролмас ҳеч ким.

Йўлларимга бўлиб парвона,
Дуо қилиб тунда пинҳона,
Ғамларимла бўлиб ғамхона,
Онам каби юролмас ҳеч ким.

Йўлларимга кўзларин тиккан,
Шикаст етса дунёни йиққан,
Манглайидан кўзёши оққан,
Онам каби қайғурмас ҳеч ким.

Тор кўчага кириб қолсам ҳам,
Ёр ишқида куюб ёнсам ҳам,
Ҳар кимсадан дуо олсам ҳам,
Онамдек дуо қилолмас ҳеч ким. Ochish/sharhlash

2022-06-19 04:52:11 Қара, ВОЛИДАНГни оқарган сочи,
Унинг хизматида умр хирожи.
Маккага боришга имконинг йўқми,
Тавоф қил пойини, бўласан ҲОЖИ....!

Гупурмаса қони, тош қотар юрак,
Эҳсонлар қилдим, деб кермагин кўкрак,
Нақшинкор қабртош ким учун керак..?
Қадрла ОНАНГНИ ҳаётлигида... !

Кетса, етмас узун карвонларинг ҳам,
Кўкларга уланган нарвонларинг ҳам,
Дастурхонда совир ширмонларинг ҳам,
Қадрла ОНАНГНИ ҳаётлигида... !

Йўқотганда одам тургандан тўплаб,
Яхшидир кафтидан сувларни ҳўплаб,
Юрганинг: "Онажон, бўпти, хўп-хўп”лаб,
Қадрла ОНАНГНИ ҳаётлигида...!

Тиригида энсанг қотиб турасан,
Ҳар сўзида хато, айб кўрасан,
Ўлгач, елпиғичин кўзга сурасан,
Қадрла, ОНАНГНИ ҳаётлигида... !

Қара, оҳ урмоқда қайсидир биров:
Бутун бойлигимни қўйсам-да гаров,
Онамни кўрсам,-дер,- бир лаҳза, бирров,
Қадрла ОНАНГНИ ҳаётлигида... !

Ўзидек меҳрибон бўлганинг яхши,
Қошида шод-хандон кулганинг яхши,
Йўқса, фарзанд бўлмай ўлганинг яхши,
Қадрла, ОНАНГНИ ҳаётлигида...! Ochish/sharhlash

2022-04-15 03:37:22 Рамазон ойининг 2-жумаси муборак бўлсин дўстларим!!

Бугун шундай Жума бўлсинки:
Афв этилмаган БАНДА;
Қабул бўлмаган ДУО;
Даф бўлмаган БАЛО;
Шифо топмаган ХАСТА;
Ҳузур топмаган ҚАЛБ;
АЛЛОҲ демаган "ТИЛ" қолмасин!

Айёмингиз муборак бўлсин, қадрдонларим

Каналга Аъзо Бўлинг
КАНАЛГА УЛАНИШ УЧУН БОСИНГ! Ochish/sharhlash

2022-04-02 08:34:33

БОЛАНГНИ КЕЧИР...

Она, вужудингни тош деб ўйлабман.
Ҳали дардни енгар, ёш деб ўйлабман.
Ҳар ютган луқмангни ош деб ўйлабман,
Ҳасратлар юттирган болангни КЕЧИР!

Сочинг оқларидан тўкилар дардлар.
Юзинг ажинидан ўқилар дардлар.
Кўзимга ғам бўлиб тикилар дардлар,
Ҳасратлар юттирган болангни КЕЧИР!

ОНА, юрагимни тилкалар виждон,
Соғлигинг сўрадим билмадим қачон.
Бугун душманимдир сўнгги пушаймон,
Ҳасратлар юттирган болангни КЕЧИР!

ОНА, лабларингни қавжиратган мен,
Йўлимга қаратиб жовдиратган мен,
Юрагинг дард билан қалтиратган мен,
Ҳасратлар юттирган болангни КЕЧИР!

----- -----

Ochish/sharhlash

2022-04-02 08:00:17 ШУКР
Қулаб тушмас том учун шукр,
Кундуз учун, шом учун шукр,
Бир кун тўлар жом учун шукр,
Тангрим, кечир, гуноҳларим бор.

Яшнармидим меҳринг бўлмаса,
Сир топмасдим сеҳринг бўлмаса,
Қўл урмадим муҳринг бўлмаса,
Парилардан гувоҳларим бор.

Айтдинг: «Сувдек пойимда оққил,
Олов бўлиб сувларни ёққил»
Кўзим, кўнглим, руҳимга боққил,
Сендан ҳар дам огоҳларим бор.

Нажот борми исминг айтмасам,
Сендан келиб, сенга қайтмасам,
Қасам, қасам ўзингга қасам,
Сенга айтар дил оҳларим бор.

Ҳар қадамда хатолар қилдим,
Сен шунда ҳам атолар қилдинг,
Ҳар тонг, ҳар тун англадим, билдинг,
Тушиб чиқар жар-чоҳларим бор.

Ўшал сирли дунёни кўрсат,
Ошиқман-ку, зиёни кўрсат,
Менга Тури Синони кўрсат,
Асо, жанда, кулоҳларим бор.

Не наф мудом алам чекмоқдин,
Дил синдириб, дарахт экмоқдин,
Бир зум тинмам сени севмоқдин,
Кўксимда ишқ булоқларим бор.

Тангрим, кечир, гуноҳларим бор. Ochish/sharhlash

2022-04-02 07:13:18 Ochish/sharhlash

2022-04-02 07:12:10 ONA

Siz izlagan kanal Ochish/sharhlash

2022-04-02 06:55:15 Ochish/sharhlash