Get Mystery Box with random crypto!

Дориси йўқ жаннатларга кетган болам Мунчоқ кўзи шифтга боқиб | 🌐OLTIARIQLIKLAR 24

Дориси йўқ жаннатларга кетган болам

Мунчоқ кўзи шифтга боқиб ётган болам,
Нигоҳида аччиқ савол қотган болам,
Мурғак жони ўлим таъмин тотган болам,
Кенг дунёни кўзимга тор этган болам,
Дориси йўқ жаннатларга кетган болам.

То томирда шайтон қони оқар экан,
Докторлар ҳам чўнтагингга боқар экан,
Дори дея ичганинг нақ заҳар экан,
Тили чиқмай, аршга оҳи етган болам,
Дориси йўқ жаннатларга кетган болам.

Кимдир ёрдам берарми деб гирёнасан,
«Қандай айб иш қилдим», дея ҳайронасан,
Aжалнингмас, сен бизнеснинг қурбонисан,
Совуқ кунда совуқ қабр ютган болам,
Дориси йўқ жаннатларга кетган болам.

Йўқ, кечирма дорифуруш қаллобларни,
Виждонини пулга сотган жаллобларни,
Очкўзларни, суллоҳларни, каззобларни,
Бутун юртнинг ёқасидан тутган болам,
Дориси йўқ жаннатларга кетган болам.

Отабек Тиллаев

@OLTIARIQLIKLAR_24TK
Keyingi xabar
telegram-store.com © 2016-2024
Non official site about Telegram
Barcha huquqlar himoyalangan. To'liq materiallardan nusxa ko'chirish va foydalanish taqiqlanadi, qisman iqtibos keltirish faqat saytga giperhavola bo'lganda mumkin telegram-store.com.