Кончи муҳандис-техник ходимлар малакаси оширилмоқда
МТТУ МИСиС Олмалиқ филиалида zoom платформаси орқали ОКМК Ангрен кон бошқармаси, Ковулди кони, Хондиза кон бошқармаси, Чодак кон бошқармасида меҳнат қилиб келаётган муҳандис-техник ходимлар учун малака ошириш курслари ташкил этилди.
ОКМК Ўқув маркази ҳамда МТТУ МИСиС Олмалиқ филиали ҳамкорлигида ерости кон ишлари бўйича ташкил этилган машғулотлар 14-27 декабрь кунлари олиб борилади.
Мазкур ўқув курслари Президентимизнинг жорий йил 24 июндаги “Тоғ-кон металлургия саноати ва унга турдош тармоқларни ривожлантиришга доир қўшимча чора тадбирлар тўғрисида”ги 5159-сонли қарорини ижросини таъминлаш мақсадида ўтказилмоқда.
Ўқув курслари якунланганидан сўнг тингловчиларга сертификат берилади.
Улуғбек Имомбердиев,
Ўқув маркази етакчи муҳандиси
LINK @olmaliq_matbuoti️
