Ҳомиладор ва 3 ёшга тўлмаган болалари бор аёлларнинг меҳнат ҳу | Олимлар минбари
Ҳомиладор ва 3 ёшга тўлмаган болалари бор аёлларнинг меҳнат ҳуқуқлари давлат ҳимоясида
Ҳомиладор ва 3 ёшга тўлмаган боласи бор аёлларнинг меҳнат ҳуқуқларини кафолатланиши, ушбу ҳуқуқларини амалга оширилиши ва таъминланишида давлат томонидан уларга яратилган имтиёзлар, амалиётда бу соҳада учрайдиган муаммолар ҳақида Инсон ҳуқуқлари бўйича Ўзбекистон Республикаси Миллий маркази Бўлим бошлиғи, юридик фанлар номзоди Олимова Камила Камалитдиновна ўз фикрлари билан ўртоқлашди.
Конституцияда ҳомиладорлиги ёки ёш боласи борлиги сабабли аёлларни ишга қабул қилишни рад этиш, ишдан бўшатиш ва уларнинг иш ҳақини камайтириш тақиқланишини белгиланиши аёлларни меҳнат соҳасидаги ҳуқуқларини камситилишини бартараф этиш, меҳнат соҳасида гендер тенглигига эришиш, хотин-қизларнинг жамият ҳаётидаги фаоллигини ошириш, турмуш ва меҳнат шароитларини яхшилаш, даромадларини кўпайтириш, уларни нормасмий меҳнат муносабатларини легаллаштиришга хизмат қилади.
